អាជ្ញាធរវៀតណាមបាននិយាយថា ក្នុងពិធីបុណ្យចូលឆ្នាំចិន-វៀតណាមខាងមុខនេះ មានការរំពឹងទុកថា ជនជាតិវៀតណាមដែលឆ្លងដែននឹងធ្វើដំណើរទៅស្រុកកំណើត ឬទៅចូលរួមប្រារឰពិធីបុណ្យជាមួយក្រុមគ្រួសារជាង៥០០.០០០នាក់ដែលជា ចំនួនច្រើនជាប្រវត្ដិសាស្ដ្រ ។
អាជ្ញាធរវៀតណាមបាននិយាយថា ក្នុងពិធីបុណ្យចូលឆ្នាំចិន-វៀតណាមខាងមុខនេះ មានការរំពឹងទុកថា ជនជាតិវៀតណាមដែលឆ្លងដែននឹងធ្វើដំណើរទៅស្រុកកំណើត ឬទៅចូលរួមប្រារឰពិធីបុណ្យជាមួយក្រុមគ្រួសារជាង៥០០.០០០នាក់ដែលជាចំនួនច្រើនជាប្រវត្ដិសាស្ដ្រ ។
គណៈកម្មការជាតិជនជាតិវៀតណាមឆ្លងដែន(National Committee for Overseas Vietnamese) បានបង្ហាញតួលេខខាងលើក្នុងពេលដែលក្រុមហ៊ុនទេសចរណ៍និងក្រុមហ៊ុនទិញកក់សំបុត្រយន្ដហោះផ្សេងៗផ្សាយថា ក្នុងឆ្នាំនេះមាន ការកក់ទិញពីជនជាតិវៀតណាម ដែលរស់នៅបរទេសច្រើនជាងរៀងរាល់ឆ្នាំនៅក្នុងការធ្វើដំណើរនៅមុនពេល បុណ្យចូលឆ្នាំចិន-វៀតណាមឆ្នាំ២០១០ ត្រូវនឹងថ្ងៃទី១៤ កុម្ភៈ និងជាថ្ងៃនៃក្ដីស្រឡាញ់ តាមជំនឿរបស់ជនជាតិអឺរ៉ុប ។
លោកជិនឌឹក ម៉ៅ អនុប្រធានគណៈកម្មការជាតិជនជាតិវៀតណាមឆ្លងដែនបានបញ្ជាក់ថា មានមូលហេតុ២យ៉ាងដែលធ្វើឱ្យជនជាតិវៀតណាមធ្វើដំណើរត្រឡប់មកស្រុកកំណើតកើនឡើង ព្រោះជាឆ្នាំដែលសេដ្ឋកិច្ចចាប់ផ្ដើមងើប ឡើងវិញនៅទូទាំងពិភពលោក និងជាឆ្នាំកំពុងមានហេតុការណ៍សំខាន់នៅក្នុងប្រទេសវៀតណាម គឺការប្រារឰពិធីគំរប់ខួបឆ្នាំទី១.០០០នៃការកកើតក្រុងថាំងឡុង ដែលបច្ចុប្បន្ន្នមានឈ្មោះថា ក្រុងហាណូយ ដោយរដ្ឋាភិបាលកំណត់ឱ្យមានការប្រារឰពិធី បុណ្យនៅទូទាំងប្រទេស ។
រដ្ឋាភិបាលវៀតណាម កំពុងរៀបចំពិធីស្វាគមន៍ជនជាតិវៀតណាមដែលធ្វើដំណើរឆ្លងដែនជាផ្លូវការដូចកាលពីឆ្នាំមុនដែរ ដែលរៀបចំំនៅវត្ដវ៉ានមៀវ ក្នងទីក្រុងហាណូយ ដោយលោកប្រធានាធិបតីង្វៀនមិញទ្រៀត អញ្ជើញជាកិត្ដិយសក្នុងពិធីជួបជាមួយជនជាតិវៀតណាមឆ្លងដែនជាង៥០០នាក់។
ជនជាតិវៀតណាមដែលរស់នៅប្រទេសក្រៅភាគច្រើនគ្រោងធ្វើដំណើរទេសចរណ៍នៅទីក្រុងហាណូយ ក្រុងសាប៉ា ដែលជាក្រុងទេសចរណ៍នៅភាគខាងជើងក្រុងដាណាង នៅភាគកណ្ដាល ក្រុងវ៉េ ក្រុងញ៉ាត្រាង រួមទាំងកោះហ្វ៊ូគួក ក្នុងខេត្ដគៀនយ៉ាង ។
គួររំលឹកថា ក្នុងអំឡុងពេលជាច្រើនឆ្នាំនេះ ជនជាតិវៀតណាមដែលប្រកបមុខរបររកស៊ីនៅបរទេស បានផ្ញើប្រាក់ឱ្យបងប្អូនញាតិមិត្ដនិងក្រុមគ្រួសារនៅវៀតណាម មានចំនួនកើនឡើងជារៀងរាល់ឆ្នាំ គឺ៦.០០០ លានដុល្លារក្នុងឆ្នាំ២០០៧ និងកើនឡើងដល់៨.០០០លានដុល្លារ នៅឆ្នាំ២០០៩ ៕
ចែករំលែកព័តមាននេះ