មន្ត្រីជាន់ខ្ពស់ផ្នែកដោះមីនបានធ្វើការអំពាវនាវអោយប្រជាជនកម្ពុជាឈប់ហូបសាច់ឆ្កែ ឬសុនខដោយនិយាយថា វាចូលរួមសកម្មភាពជាច្រើនជួយដល់មនុស្សលោកដូចជាការដោះមីនជាដើម ។ តាមរយៈហ្វេសប៊ុករបសគាត់ កាលពីពេលថ្មីៗនេះ លោកហេង រតនា អគ្គនាយក មជ្ឈមណ្ឌលសកម្មភាពកំចាត់មីនកម្ពុជា…
មន្ត្រីជាន់ខ្ពស់ផ្នែកដោះមីនបានធ្វើការអំពាវនាវអោយប្រជាជនកម្ពុជាឈប់ហូបសាច់ឆ្កែ ឬសុនខដោយនិយាយថា វាចូលរួមសកម្មភាពជាច្រើនជួយដល់មនុស្សលោកដូចជាការដោះមីនជាដើម ។
តាមរយៈហ្វេសប៊ុករបសគាត់ កាលពីពេលថ្មីៗនេះ លោកហេង រតនា អគ្គនាយក មជ្ឈមណ្ឌលសកម្មភាពកំចាត់មីនកម្ពុជា ឬស៊ីម៉ាក់បាននិយាយថា«សុនខហិតជាតិផ្ទុះ និងហិតមីន សុនខប្រឆាំងគ្រឿងញៀន សុនខសន្តិសុខ សុនខប្រឆាំងភេវរកម្ម សុនខកងទ័ព សុនខគ្រួសារ ពួកគេជាសមាជិកគ្រួសារ ជាមិត្តភក្តិ ជាមិត្តរួមអាវុធដ៏ស្មោះត្រង់បំផុត ពួកគេខិតខំហាត់ពុតលត់ដំ តាំងពីតូចរហូតមានជំនាញច្បាស់លាស់ និងមាន សមត្ថភាពបម្រើមនុស្សលោក ។
លោកនិយាយទៀតថា «អ្នកបរិភោគសាច់សុនខ ដូចបរិភោគសាច់កូនចៅ មិត្តភក្តិខ្លួនឯង ហើយការបរិភោគសាច់សុនខនេះវាក៏ប្រឆាំងទៅនឹងទំនៀមទំលាប់វប្បធម៌ប្រពៃណីដ៍ល្អប្រពៃនៃជាតិសាសន៍ខ្មែរយើងផងដែរ!» ។
គួរកត់សម្គាល់ថា ប្រជាជនកម្ពុជាមួយចំនួនតូចបរិភោគសាច់ឆ្កែ ឬហៅថា សាច់ពិសេស ។ ទន្ទឹមនឹងនោះគេក៏ឃើញមានហាងខ្លះលក់សាច់ពិសេសនេះផងដែរ ៕ កែសម្រួលដោយ ៖ សុឃាក់
ចែករំលែកព័តមាននេះ