រាជធានីភ្នំពេញ ៖ ជនសង្ស័យជាជនជាតិចិន៣នាក់ ត្រូវបានចាប់ខ្លួនជាមួយនឹងលុយរហូតដល់ជាង៣លានដុល្លារ ដែលគ្មានប្រភពច្បាស់លាស់ ។ នេះបើយោងតាមសេចក្តីប្រកាសព័ត៌មានរបស់ក្រសួងមហាផ្ទៃ នៅថ្ងៃទី២៦ មេសា នេះ ។
ការចាប់ខ្លួននោះ ត្រូវបានធ្វើឡើងកាលពីថ្ងៃទី២៣ មេសា នៅព្រលានយន្ដហោះអន្ដរជាតិភ្នំពេញ ។ ប៉ូលិសបានរកឃើញនាំលុយជាង៣.៥លានដុល្លារ ដោយគ្មានប្រភពច្បាស់លាស់ពីទីក្រុងហុងកុង ចូលមកប្រទេសកម្ពុជា ។
ជនជាតិចិនទាំង៣នាក់ ត្រូវបានបញ្ជូនទៅកាន់តុលាការចាត់វិធានការតាមនីតិវិធី ក្នុងច្បាប់ស្ដីពីការប្រឆាំងការសម្អាតប្រាក់ និងហរិញ្ញប្បទានភេរវកម្ម ព្រមទាំងច្បាប់ និងលិខិតបទដ្ឋានគតិយុត្តិពាក់ព័ន្ធជាធរមាននៅកម្ពុជា ។
ចែករំលែកព័តមាននេះ