រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានអះអាងនៅពេលខាងមុខ នឹងមានការលុបចោលអង្គភាពរបស់ រដ្ឋមួយចំនួននៅត្រឹមថ្នាក់ស្រុក។ ការលើកឡើងរបស់ប្រមុខរាជរដ្ឋាភិបាលនេះ ធ្វើឡើងក្នុងពិធីសំណេះសំណាលជាមួយកម្មករកម្មការិនី…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានអះអាងនៅពេលខាងមុខ នឹងមានការលុបចោលអង្គភាពរបស់ រដ្ឋមួយចំនួននៅត្រឹមថ្នាក់ស្រុក។ ការលើកឡើងរបស់ប្រមុខរាជរដ្ឋាភិបាលនេះ ធ្វើឡើងក្នុងពិធីសំណេះសំណាលជាមួយកម្មករកម្មការិនី នៅខេត្តកំពត នាព្រឹកថ្ងៃទី២៥ ខែមករា ឆ្នាំ២០១៩នេះ ។
សម្តេចតេជោបានបញ្ជាក់ថា៖ «ទាំងអស់នេះ គឺជារបៀបវារៈ ដែលត្រូវធ្វើនៅក្នុងអាណត្តិនេះ ហើយខ្ញុំនឹងបន្តថា ដើម្បីដឹកនាំកំណែទម្រងនេះបន្តទៀត ចូលកន្លែងណា ត្រូវវះកាត់ គឺត្រូវកាត់ចេញតែម្តង ។ អង្គភាពរដ្ឋមួយចំនួន ដែលមិនចាំបាច់ គឺលុបចេញពីបញ្ជីតែម្តង នៅពេលខាងមុខ អភិបាលខេត្តនានា ស្តាប់ឲ្យហើយ ជាពិសេសនោះ នៅថ្នាក់ស្រុក ក្រសួងនានា ក៏ត្រូវស្តាប់ឱ្យបានច្បាស់»។
សម្តេចបន្តថា៖ «នៅរចនាសម្ព័ន្ធក្រសួងមួយក្រៅពីក្រសួង មានអគ្គនាយកដ្ឋាន ក្រៅពីមន្ទី ក៏មានការិយាយល័យនៅតាមស្រុកដែរ ។ នៅពេលខាងមុខនេះ នឹងត្រូវលុបចោលការិយាយល័យ និងអង្គភាពរបស់ក្រសួងមួយចំនួន នៅត្រឹមថ្នាក់ស្រុកតែម្តង»។
សម្តេចបន្ថែមថា របស់ដែលត្រូវទុកនោះ គឺតំបន់ប្រតិបត្តិការ ផ្នែកកងទ័ព កំលាំងនគរបាល ខាងសុខាភិបាល ត្រូវទុកអប់រំត្រូវទុករៀបចំដែនដីត្រូវទុក ព្រោះវាសំខាន់ ។ ឯក្រៅពីនោះ ត្រូវយកមករៀបចំជាកញ្ចប់ ផ្នែកផលិតកម្ម ឧទារណហ៍៖ ផ្នែកកសិកម្ម ធនធានទឹក អភិវឌ្ឍន៍ជនបទ ឬឧស្សាហកម្មរ៉ែ ដាក់មួយដុំចង្កោមសេដ្ឋកិច្ច ។ ហើយសង្គមកិច្ច វប្បធម៌… ក៏ដាក់នៅមួយដុំ ឲ្យនៅជាតួអង្គរដ្ឋបាលឯកភាព ដើម្បីកុំសាំញាំ អាលូវមួយការិយាល័យពីរនាក់តើធ្វើអី?
ព័ត៌មានបន្ថែមនឹងមានផ្សាយជូនបន្តទៀត ។
ចែករំលែកព័តមាននេះ