រឿងនេះអាជ្ញាធរដោះមិនចេញ នាំគ្នាទៅស្បថក្នុងវត្ត…
- កំពត
ខេត្តកំពត ៖ ប្រជាពលរដ្ឋរាប់រយនាក់ ដែលមានទំនាស់ដីធ្លីមកពីភូមិព្រៃពាយ ឃុំត្រពាំងភ្លាំង ស្រុកឈូក កាលពីព្រឹកថ្ងៃទី៤ ខែមករា កន្លងទៅ បាននាំគ្នាមកស្ដាប់ការប្រកាសឈ្មោះពលរដ្ឋ…
ខេត្តកំពត ៖ ប្រជាពលរដ្ឋរាប់រយនាក់ ដែលមានទំនាស់ដីធ្លីមកពីភូមិព្រៃពាយ ឃុំត្រពាំងភ្លាំង ស្រុកឈូក កាលពីព្រឹកថ្ងៃទី៤ ខែមករា កន្លងទៅ បាននាំគ្នាមកស្ដាប់ការប្រកាសឈ្មោះពលរដ្ឋ…
ខេត្តកំពត ៖ ប្រជាពលរដ្ឋរាប់រយនាក់ ដែលមានទំនាស់ដីធ្លីមកពីភូមិព្រៃពាយ ឃុំត្រពាំងភ្លាំង ស្រុកឈូក កាលពីព្រឹកថ្ងៃទី៤ ខែមករា កន្លងទៅ បាននាំគ្នាមកស្ដាប់ការប្រកាសឈ្មោះពលរដ្ឋ ដែលត្រូវបានក្រុមការងារខេត្តចេញប្លង់កម្មសិទិ្ធដីធ្លីឱ្យដោយស្របច្បាប់ ។
ការប្រកាសនេះ បានធ្វើឡើងនៅក្នុងវត្តមួយដោយមានការចូលរួមពីលោក ជឹង ផល្លា អភិបាលរងខេត្ត និងលោក អ៊ុក ចាន់ មន្ត្រីសុរិយោដីខេត្ត និងជាក្រុមការងារថ្នាក់ខេត្តវាស់វែងដីធ្លី ជូនប្រជាពលរដ្ឋនៅតំបន់មានជម្លោះជាច្រើនឆាំ្ននៅឃុំត្រពាំងភ្លាំង តែហាក់ដូចជាមិនបានបញ្ចប់តាមការសន្យារបស់អាជ្ញាធរខេត្តឡើយ ។ អ្នកមកអង្គុយចាំស្ដាប់ដំណឹងដែលអាជ្ញាធរខេត្តប្រកាសឈ្មោះ បានក្លាយទៅជារឿងប្រកែកគ្នាជាមួយមន្ត្រីពាក់ព័ន្ធទៅវិញ ។
ពលរដ្ឋម្នាក់ឈ្មោះ ទន់ រ៉ន ភេទប្រុស អាយុ៥២ឆាំ្ន និយាយថា ដីរបស់គាត់មានជាង២០ហិកតា សុទ្ធតែដាំដំណាំរួចហើយ ប៉ុន្តែត្រូវបានភាគីម្ខាងទៀតកាប់ចោលអស់ ។ ចំណែកពលរដ្ឋឈ្មោះ ជិន ភន ភេទស្រី អាយុ៦២ឆាំ្ន និយាយថា រូបគាត់ជាស្ត្រីមេម៉ាយចិញ្ចឹមចៅកំព្រា៤នាក់ កាលពីថ្ងៃទី១ ខែមករាកន្លងទៅថ្មីៗ នេះ មានអ្នកផ្សេងមកកាប់ដើមស្វាយចោលដណ្ដើមយកដីពីគាត់ ដែលគាត់មិនបានលក់ដីទៅឲ្យអ្នកណាទេ។
អ្នកភូមិព្រៃពាយ ឃុំត្រពាំងភ្លាំង និយាយថា ការហៅពួកគាត់ឲ្យមកស្ដាប់លោកអភិបាលរងខេត្តនិយាយពីរឿងដីធ្លីនៅភូមិព្រៃពាយ គឺជារឿងដដែលៗ ព្រោះដីមានទំនាស់ច្រើនមិនបានដោះស្រាយឲ្យទៅពលរដ្ឋទេ ឯដីខ្លះកំពុងមានទំនាស់ស្រាប់តែមានឈ្មោះក្នុងបញ្ជីដែលត្រូវបានប្លង់ ។ ពួកគាត់និយាយថា ការប្រកាសរបស់អាជ្ញាធរមិនអាចបញ្ចប់រឿងបានទេ ។
លោក ជឹង ផល្លា អភិបាលរងខេត្ត មានប្រសាសន៍ទៅកាន់ពលរដ្ឋថា អ្នកដែលលក់ដីឲ្យទៅគេហើយមិនអាចដោះស្រាយបានទេ ទាល់តែតុលាការទើបអាចដោះស្រាយបាន ។ ទោះជាយ៉ាងណា ការដោះស្រាយទំនាស់ដីធ្លីនៅភូមិព្រៃពាយ ត្រូវតែបញ្ចប់នៅឆាំ្ន២០១៩នេះ ។ លោកជឹង ផល្លា មានប្រសាសន៍ទៀតថា លោកនឹងប្រឹងប្រែងដោះស្រាយរឿងទំនាស់ដីធ្លីនៅភូមិព្រៃពាយនេះឲ្យចប់។ លោកក៏បានទាមទារឲ្យមានការស្បថមួយនៅមុខព្រះអង្គក្នុងវត្ត ផងដែរ បើពលរដ្ឋថាដីនៅក្នុងតំបន់នោះមានទំនាស់ ។
គេបានដឹងថា អ្នកភូមិព្រៃពាយអ្នកខ្លះមានដី តែអ្នកខ្លះមានដីហើយបែរជាមានម្ចាស់ផ្សេងមកដណ្ដើមកាន់កាប់ និងអ្នកខ្លះទៀតលក់ដីឲ្យគេហើយ គ្រាន់តែទទួលការកក់លុយ១ហិកតា៣០០ដុល្លារ ហើយមកដល់ពេលនេះឲ្យលុយមិនទាន់គ្រប់ ទើបម្ចាស់ដីជំទាស់យកដីវិញ។ ទោះបីជាបែបណា អ្នកមានលុយកាក់បានប្រើគ្រឿងចក្រកាយដីព្រំរបស់ខ្លួនរួចអស់ទៅហើយ ៕
ចែករំលែកព័តមាននេះ