ខេត្តក្រចេះ៖ លំនៅឋានពលរដ្ឋ ស្ថិតនៅជួរមាត់ទន្លេមេគង្គតាមបណ្តោយដងទន្លេមេគង្គ នៅក្នុងស្រុកឆ្លូង នៅតែគំរាមកំហែងពីបាតុភាពបាក់ដីច្រាំង ខណៈអំឡុងរយៈពេលប៉ុន្មានឆ្នាំចុងក្រោយនេះ មានផ្ទះឈើតូចធំរបស់ពលរដ្ឋ យ៉ាងហោចជាង២០ខ្នងផ្ទះ ដែលសង់នៅជួរមាត់ច្រាំងទន្លេ នៅតំបន់ផ្សេងគ្នាក្នុងស្រុកឆ្លូង បានរងការបាក់ស្រុតខូចខាតជាបន្តបន្ទាប់គ្នាគួរឲ្យព្រួយបារម្ភ។
មានផ្ទះឈើយ៉ាងហោច៥ខ្នងផ្ទះផ្សេងទៀត ដែលសង់ជាប់ៗគ្នានៅតាមបណ្តោយមាត់ ច្រាំងទន្លេមេគង្គក្នុងភូមិកោះកណ្តុរ ឃុំឆ្លូង ស្រុកឆ្លូង បានជួបហេតុការបាក់ស្រុត ចូលទៅក្នុង ទន្លេជាមួយនិងដីច្រាំងដោយក្នុងនោះមានផ្ទះ១ខ្នង ក្រៅពីបានបាក់រលំថែមទាំងបានឆេះ សន្ឋោសន្ឋៅ ដោយសារទុស្សេចរន្តភ្លើង ។
ការបាក់ដីច្រាំងទន្លេដែលបានកើតមានសារជាថ្មីនៅយប់ថ្ងៃទី២៦ វិច្ឆិកា នេះត្រូវបាន អាជ្ញាធរស្រុកឆ្លូងបញ្ជាក់ថា មិនបានបង្កឲ្យមានគ្រោះថ្នាក់ដល់អាយុជីវិតពលរដ្ឋដែលជាម្ចាស់ ផ្ទះនោះទេដោយសារតែស្ថានភាពការបាក់បានកើតមានយឺតៗ ធ្វើឲ្យពួកគាត់បានជម្លៀសខ្លួន ក៏ជាសំភារៈចេញមកក្រៅបានខ្លះ។
ហេតុការណ៍នេះ គឺបានបង្កឲ្យមានពីមានផ្ទះឈើនិង ផ្ទះបេតុងមានចំនួន៥ខ្នងផ្ទះ ក្នុងនោះមាន៤ខ្នងផ្ទះជាលំនៅឋានរបស់ពលរដ្ឋជនជាតិវៀត ណាមគឺត្រូវាបខូចខាតស្ទើរទាំងស្រុង។ស្ថានភាពការបាក់ច្រាំងទន្លេ បង្កឲ្យខូចខាតលំនៅឋានពលរដ្ឋនេះដែរ ក៏ត្រូវបានអាជ្ញា ធរលើកឡើងថា ដោយសារខេត្តក្រចេះបានទទួលរងនូវជ្រលងសម្ពាធទាបពីព្យុះ USAGI ដែលមេឃបានបង្អុរភ្លៀងធ្លាក់យ៉ាងគំហុកក្នុងអំឡុងរយៈពេល២យប់១ថ្ងៃ ធ្វើឲ្យទឹកភ្លៀងបានហូរ ច្រោះដីច្រាំងទន្លេដែលជាប្រភេទដីល្បាប ទើបធ្វើឲ្យមានការបាក់ស្រុតលំនៅឋានខាង លើនេះ។
ប៉ុន្តែបើទោះបីជាអាជ្ញាធរបានលើកឡើងបែបនេះយ៉ាងណាក្តី តែពលរដ្ឋវិញបាន លើកឡើងថា មូលហេតុដែលស្រុកឆ្លូង តែងតែជួបនិងស្ថានភាពបាក់ច្រាំងទន្លេជាញឹកញាប់ គឺបណ្តាល មកការធ្វើអាជីវកម្មបូមក្រួសខ្សាច់របស់ក្រុមឈ្មួញអាជីវកម្មធំៗដែលកំពុងតែមាន សកម្មភាពនៅកណ្តាលទន្លេជារៀងរាល់ថ្ងៃ។
ពលរដ្ឋបានលើកឡើងទៀតថា កន្លងមកដោយសារតែមានក្តីបារម្ភមពីការបាក់ច្រាំងទន្លេបែបនេះ ពួកគាត់បានស្នើទៅអាជ្ញាធរស្រុកឲ្យមានវិធានការបញ្ឈប់អាជីវកម្មបូមក្រួសខ្សាច់ នៅកណ្តាលទន្លេមេគង្គក្នុងស្រុកមួយនេះ តែការបញ្ឈប់បានត្រឹមតែមួយរយៈពេលខ្លី ដោយការធ្វើអាជីវកម្មនៅតែធ្វើទៅបានដដែល ។
ចែករំលែកព័តមាននេះ