រាជធានីភ្នំពេញ ៖ មានហេតុការណ៍ភ្ញាក់ផ្អើលមួយដែលស្ត្រីជាជនអនាថាម្នាក់បានដេកស្លាប់នៅក្បែររបងវត្តស្ទឹងមានជ័យ ដោយបុរសជាប្តីបានត្រឹមអង្គុយទ្រហោយំឱបសពប្រពន្ធដង្ហើយហៅឲ្យគេឯងជួយ ព្រោះគ្មានលុយធ្វើបុណ្យសពប្រពន្ធ ។ ហេតុការណ៍នេះកើតឡើងកាលពីរសៀលថ្ងៃទី២ ខែកញ្ញា ឆ្នាំ២០១៨ នៅចំណុចរបងវត្តចង្ក្រានតាព្រហ្ម…
រាជធានីភ្នំពេញ ៖ មានហេតុការណ៍ភ្ញាក់ផ្អើលមួយដែលស្ត្រីជាជនអនាថាម្នាក់បានដេកស្លាប់នៅក្បែររបងវត្តស្ទឹងមានជ័យ ដោយបុរសជាប្តីបានត្រឹមអង្គុយទ្រហោយំឱបសពប្រពន្ធដង្ហើយហៅឲ្យគេឯងជួយ ព្រោះគ្មានលុយធ្វើបុណ្យសពប្រពន្ធ ។ ហេតុការណ៍នេះកើតឡើងកាលពីរសៀលថ្ងៃទី២ ខែកញ្ញា ឆ្នាំ២០១៨ នៅចំណុចរបងវត្តចង្ក្រានតាព្រហ្ម ហៅវត្តស្ទឹងមានជ័យ ស្ថិតក្នុងភូមិមានជ័យ១ សង្កាត់ស្ទឹងមានជ័យ១ ខណ្ឌមានជ័យ ។
សពស្ត្រីខាងលើមានឈ្មោះ ហួន ស្រីសុខ អាយុ៣៤ឆ្នាំ ។ ដោយឡែកបុរសជាប្តីមានឈ្មោះ ពាន់ រិទ្ធី អាយុ៤៤ឆ្នាំ មុខរបររើសអេតចាយ ។ ពួកគេទាំង២នាក់ជាជនអនាថាដែលដេកតាមចិញ្ចើញផ្លូវដូចគ្នា ។
ប្រភពព័ត៌មានមន្ត្រីអាជ្ញាធរមូលដ្ឋានឲ្យដឹងថា ស្ត្រីអានាថាខាងលើជាមនុស្សមានជំងឺប្រចាំកាយច្រើន និងមានសតិមិនប្រក្រតី ។ នាងក៏មានបងប្អូនសាច់ញាតិរស់នៅម្តុំវត្តស្ទឹងមានជ័យផងដែរ គ្រាន់តែសាច់ញាតិគេកាត់កាលចោលអស់ ។ ប្រភពបន្តថា នាងនិងបុរសជាប្តីទើបតែយកគ្នាជាប្តីប្រពន្ធបាន១ខែប៉ុណ្ណោះ ដោយពុំមានរៀបការត្រឹមត្រូវតាមប្រពៃណីឡើយ។
ដោយសារតែមានជំងឺប្រចាំកាយច្រើនរហូតធ្វើឲ្យនាងមានសភាពស្គមស្គាំងខ្លាំងនៅវេលាកើតហេតុខាងលើនាងក៏ដេកស្លាប់នៅក្បែររបងវត្តស្ទឹងមានជ័យតែម្តង ។
តាមមន្ត្រីសមត្ថកិច្ចជំនាញបញ្ជាក់ថា សពស្ត្រីអានាថាខាងលើ គឺស្លាប់ដោយសារខ្យល់គរ និងគាំបេះដូង ។
សូមបញ្ជាក់ថា បន្ទាប់ពីទទួលបានព័ត៌មាននៃការស្លាប់ខាងលើរួចមក កម្លាំងអាជ្ញាធរមូលដ្ឋាន សហការជាមួយគរបាលប៉ុស្តិ៍បានចុះអន្តរាគមន៍ និងជួយលើកសពស្ត្រីរងគ្រោះចូលទៅក្នុងវត្តស្ទឹងមានជ័យ ដើម្បីតម្កល់ទុកសិន និងបានខិតខំខ្នះខ្នែងរកសប្បុរសជនជិតខាងឲ្យជួយជាថវិកាសម្រាប់ធ្វើបុណ្យសពផងដែរ ។
ក្រោយការកៀរគរបច្ច័យពីសំណាក់អាជ្ញាធររួចមកមានសម្បុរសជនបានជួយឧបត្ថម្ភជាមឈូស និងថវិកាមួយចំនួនធំជាបន្តបន្ទាប់ សម្រាប់ធ្វើបុណ្យបូជាតាមប្រពៃណីផងដែរ ។ ក្រោយមានថវិកាសម្រាប់ធ្វើបុណ្យហើយនោះសពត្រូវដឹកតាមរថយន្តយកទៅបូជានៅវត្តសំបួរសមាសនៅល្ងាចថ្ងៃខែឆ្នាំដដែល ៕
ចែករំលែកព័តមាននេះ