ខេត្តកំពត ៖ ពលរដ្ឋនៅស្រុកកំពង់ត្រាច នឹងលែងខ្សឹបខ្សៀវគ្នាទៀតហើយ ពាក់ព័ន្ធនឹងបន្ទាយទាហាន នៅជាប់ផ្លូវជាតិលេខ៣៣ ដែលនៅមិនឆ្ងាយប៉ុន្មានពីសាលាស្រុក ព្រោះលក់បាត់ស្ងាត់ឈឹង សល់តែរូបសំណាកទាហាននៅបន្តឈរយាមទ្វារឱ្យក្រុមហ៊ុនទិញដីបន្ទាយយ៉ាងកម្សត់ មិនដឹងថា…
ខេត្តកំពត ៖ ពលរដ្ឋនៅស្រុកកំពង់ត្រាច នឹងលែងខ្សឹបខ្សៀវគ្នាទៀតហើយ ពាក់ព័ន្ធនឹងបន្ទាយទាហាន
នៅជាប់ផ្លូវជាតិលេខ៣៣ ដែលនៅមិនឆ្ងាយប៉ុន្មានពីសាលាស្រុក ព្រោះលក់បាត់ស្ងាត់ឈឹង សល់តែរូបសំណាកទាហាននៅបន្តឈរយាមទ្វារឱ្យក្រុមហ៊ុនទិញដីបន្ទាយយ៉ាងកម្សត់ មិនដឹងថា គេជិតកាយចោលនោះទេ ។
បន្ទាយទាហាននេះមាន២នៅជាប់គ្នា គឺ១ បន្ទាយវរៈលេខ៣០២ការពារព្រំដែនគោក និងមួយទៀតគឺបញ្ការដ្ឋានផ្នែកសឹករងកំពង់ត្រាច ។ បន្ទាយទាំងពីរនេះ មានផ្ទៃដីប្រមាណជាង៣ហិកតា បានលក់ទៅឱ្យឯកជនមួយបាត់ទៅហើយ ដែលគេមិនដឹងតម្លៃពិតប្រាកដទេ អ្នកខ្លះថា រាប់សែនដុល្លារ អ្នកខ្លះទៀតថាលានដុល្លារ គ្មានបុរសណាអះអាងឱ្យពិតទេ ដែលបានលក់កាលឆ្នាំមុន ។
ទោះបីជាបែបណា មេបញ្ជាការរងម្នាក់ៗត្រូវគេដឹងថា ទទួលបានប្រាក់លួងចិត្តជាង១ពាន់ដុល្លារដែរ ។ ចំណែកឯពលទាហានខ្លះបាន១០០ដុល្លារ ខ្លះបានលុយសុខសាន្តឈប់និយាយ ខ្លះអត់បានលុយនៅតែដើរ
រអូ៊រទាំដូចខឹងខ្លួនឯង គ្មានសំណាងនឹងគេសោះ ។ ចំពោះប្រជាពលរដ្ឋនៅតំបន់ជិតខាងក៏អស់ឆ្ងល់តទៅទៀតដែរ ។ រីឯមេទាហានទាំងពីរអង្គភាព ក៏បានផ្លាស់ប្ដូទៅកាន់កន្លែងផ្សេងអស់ដែរ។
ប៉ុន្តែអ្វីដែលគេនៅតែស្រណោះស្រណោកនោះ គឺរូបសំណាកទាហានអង់អាច កាន់អាវុធឈរយាមបន្ទាយរយៈពេលចង់មួយសតវត្សមកហើយអត់មានអ្នកណាគិតគូរទេ ប្រហែលជាគេទុកឱ្យនៅបន្តយាមឱ្យក្រុមហ៊ុន ក៏មិនដឹងច្បាស់ដែរ ព្រោះមិនដឹងម្ចាស់ថ្មីជាអ្នកណា ។
លោក អ៊ុក សុខ អាយុ៨៧ឆ្នាំ ជាអតីតមន្ត្រីសាលាស្រុកកំពង់ត្រាចនិយាយថា បន្ទាយទាហាននេះបើតាមគាត់ធ្លាប់ដឹងតាំងពីគាត់នៅអាយុ១៣ឆ្នាំមកម្ល៉េះ គឺកាលនោះគាត់ជាសិស្សសាលា រៀននៅខាងត្បូងបន្ទាយ ។ និយាយឱ្យខ្លី គឺបន្ទាយនេះបានបង្កើតឡើងតាំងពីឆ្នាំ១៩៥២មកម្លេ៉ះ មុនថ្ងៃប្រទេសបានឯករាជ្យពីបារាំងសេស ។ លោកតា អ៊ុកសុខ និយាយថា បន្ទាយទាហានមួយនេះមានវ័យចំណាស់ជាងគេ គ្រាន់តែអាយុខ្លី មិនអាចនៅតទៅទៀតបាន ព្រោះតែលោកតាប្រាក់ ។
លោក ង៉ូវ ហេង មេបញ្ជាការផ្នែកសឹករងកំពង់ត្រាច និយាយថា លោកមកកាន់ជាមេបញ្ជាការផ្នែកសឹករងនេះក្រោយគេទេ អ្នកមុនគេចេញបាត់អស់ហើយ ។ លោកមេបញ្ជាការថ្មីនិយាយយ៉ាងខ្លីថា រឿងនេះជារឿងថ្នាក់លើ។ ទាហានម្នាក់ទៀតនៅតែរំឭកថា គេលក់ដីទាហានមួយកន្លែងទៀត នៅកងអនុសេនាធំភ្នំប្រាសាទក្នុងស្រុកកំពង់ត្រាច មានផ្ទៃដីជាង១ហិកតា ដោយលក់ទៅឱ្យចិនបានជាង៣ម៉ឺនដុល្លារ ។ គេថាលុយនោះមិនត្រូវចែកគ្នាទេ យកទៅកសាងអគារនៅភ្នំអង្គរជ័យ តែជិត២ឆ្នាំទៅហើយបាត់ស្ងាត់ឈឹង មិនឃើញកសាងបានអីសោះឃើញតែទាហានអង្គុយយាមក្នុងផ្ទះតូចដដែល ។ គេនាំគ្នានិយាយថា ចិនមិនមែនដេញតែខ្មែរស៊ីវិលទេ ដេញតាំងពីទាហានឡើងទៅ ។
អ្នកឃើញហេតុការណ៍នេះឱ្យដឹងថា មូលហេតុដែលនាំឱ្យឧទ្ធម្ភាគចក្របង្ខំចុះចតបន្ទាន់នេះសង្ស័យមានបញ្ហាខ្យល់និងភ្លៀងខ្លាំង ។ឧទ្ធម្ភាគចក្រនេះហាក់បើកឃ្លេងឃ្លោងពេលហោះហើរនៅលើតំបន់បឹងអូរក្រាំងអំបិល ហើយពេលនោះក៏មានភ្លៀងនិងខ្យល់ខ្លាំងដែរ ។
មិនមានព័ត៌មានលម្អិតណាមួយ ស្តីពីឧទ្ធម្ភាគចក្រដែលចុះចតភ្លាមៗនៅក្នុងបឹងនោះទេ តែក៏មិនមានគ្រោះថ្នាក់អ្វីធ្ងន់ដែរ៕
ចែករំលែកព័តមាននេះ