រាជធានីភ្នំពេញ ៖ បន្ទាប់ពីបានចេញពីពន្ធនាគារ កាលពីវេលារំលងអធ្រាត្រឈានចូលថ្ងៃទី២៨ សីហា ក្រុម សកម្មជន និងអតីតតំណាងរាស្ត្រអតីតគណបក្សសង្គ្រោះជាតិ កាលពីរសៀលថ្ងៃដដែលនោះ បាននាំគ្នាទៅស្រោចទឹកនៅវត្តចាស់…
រាជធានីភ្នំពេញ ៖ បន្ទាប់ពីបានចេញពីពន្ធនាគារ កាលពីវេលារំលងអធ្រាត្រឈានចូលថ្ងៃទី២៨ សីហា ក្រុម សកម្មជន និងអតីតតំណាងរាស្ត្រអតីតគណបក្សសង្គ្រោះជាតិ កាលពីរសៀលថ្ងៃដដែលនោះ បាននាំគ្នាទៅស្រោចទឹកនៅវត្តចាស់ ស្ថិតក្នុងខណ្ឌជ្រោយចង្វា ។
លោក មាជ សុវណ្ណារ៉ា បានថ្លែងនៅចំពោះមុខអ្នកកាសែត ក្រោយពេលស្រោចទឹកនៅវត្តចាស់នេះថា ការដែលពួកលោកបានស្នើសុំទៅព្រះមហាក្សត្រ តាមរយៈការអន្តរាគមន៍របស់សម្តេចតេជោ ហ៊ុន សែន នាយករដ្ឋមន្ត្រី ដោយសារតែពួកលោកទៅចូលរួមបាតុកម្មកាលពីឆ្នាំ២០១៤ ដើម្បីបញ្ចេញមតិតាមច្បាប់រដ្ឋធម្មនុញ្ញដែលបានចែងថា ពលរដ្ឋមានសិទ្ធិក្នុងការបញ្ចេញមតិ ។
លោកថា ពេលនោះ ស្ថានការណ៍មានភាពអាប់អួក្នុងផ្នែកនយោបាយ ។ លោក មាជ សុវណ្ណារ៉ា ក៏បានបន្លុយពីគម្រោងស្នើសុំជួបសម្តេចតេជោ ហ៊ុន សែន សម្តេចក្រឡាហោម ស ខេង និងសុំចូលគាល់ព្រះករុណាព្រះមហាក្សត្រផងដែរ តែលោកមិនបានប្រាប់ពីកាលបរិច្ឆេទជាក់លាក់នោះទេ ៕
ចែករំលែកព័តមាននេះ