រាជធានីភ្នំពេញ ៖ សេចក្តីរាយការណ៍ឱ្យដឹងថា យុវជនម្នាក់សង្ស័យបែកថ្នាំ ដោយបាននិយាយប្រាប់គេថា មានគេធ្វើអំពើបានកាត់ប្រដាប់ភេទរបស់ខ្លួនចោល ។ ពេលនោះ ត្រូវបានហៅរថយន្តសង្គ្រោះដឹកយកទៅប៉ុន្តែដល់ពាក់កណ្តាលផ្លូវ ស្រាប់តែជននោះសុំចុះពីលើរថយន្តវិញ…
រាជធានីភ្នំពេញ ៖ សេចក្តីរាយការណ៍ឱ្យដឹងថា យុវជនម្នាក់សង្ស័យបែកថ្នាំ ដោយបាននិយាយប្រាប់គេថា មានគេធ្វើអំពើបានកាត់ប្រដាប់ភេទរបស់ខ្លួនចោល ។ ពេលនោះ ត្រូវបានហៅរថយន្តសង្គ្រោះដឹកយកទៅប៉ុន្តែដល់ពាក់កណ្តាលផ្លូវ ស្រាប់តែជននោះសុំចុះពីលើរថយន្តវិញ ដែលហេតុការណ៍នេះ បង្កការភ្ញាក់ផ្អើលកាលពីវេលាម៉ោង១១ និង៣០នាទីយប់ថ្ងៃទី២២ កក្កដា ស្ថិតតាមបណ្តោយផ្លូវព្រះស៊ីសុវត្ថិ ត្រង់ចំណុចមុខព្រះបរមរាជវាំង ក្នុងសង្កាត់ជ័យជំនះ ខណ្ឌដូនពេញ ។
សាក្សីដែលឃើញហេតុការណ៍ឱ្យដឹងថា មុនពេលកើតហេតុ គេបានឃើញយុវជនរូបនេះ មានអាយុប្រហែល១៨ឆ្នាំ មិនដឹងមកពីណានោះទេ បានអង្គុយនៅមុខរូបព្រះមហាក្សត្រ ដោយដៃទាំង២បានក្តោបប្រដាប់ភេទ ប្រលាក់សុទ្ធតែឈាម រួចស្រែកឱ្យគេជួយ ទាំងខ្លួនស្រាតននលគក ។ ភ្លាមនោះ ប្រជាពលរដ្ឋដែលមកកម្សាន្តនៅទីនោះស្មានថា យុវជនខាងលើរូបនេះ បានកាត់ប្រដាប់ភេទខ្លួនឯង ។
មួយសន្ទុះក្រោយមក ក៏បានផ្អើលទៅដល់សមត្ថកិច្ចប៉ុស្តិ៍ជ័យជំនះ មកអន្តរាគមន៍ ដោយលោកអធិការរង គង់ សុភារិទ្ធ បានទំនាក់ទំនងហៅរថយន្តសង្គ្រោះរបស់គ្លីនិកដឹកយកទៅព្យាបាល ។ ប៉ុន្តែទៅបានពាក់កណ្តាលផ្លូវ ក៏ស្រាបតែយុវជននោះទាមទារចុះមិនព្រមទៅព្យាបាល ហើយលោកគ្រូពេទ្យក៏ពិនិត្យមើលទៅឃើញថា មិនដូចដែលយុវជននេះនិយាយឡើយ គឺគ្រាន់តែមានស្នាមរយះដៃពីរបីកន្លែង ទើបបណ្តាលឱ្យហូរឈាមបែបនេះ ។
ក្រោយពេលកើតហេតុ យុវជនបែកថ្នាំខាងលើ បានឡើងទៅអង្គុយលេងនៅព្រះគន្លង ទើបសមត្ថកិច្ចខណ្ឌដូនពេញ មកលួងលោមដោយសុំលុយប៉ូលិសចំនួន៥០០រៀល ហើយប៉ូលិសក៏ឱ្យ១ពាន់រៀល រួចក៏ដើរចេញទៅបាត់ទៅ ។
ចែករំលែកព័តមាននេះ