នៅថ្ងៃទី២៣ វិច្ឆិកា ឆ្នាំ២០១១ សាខាកាំកុងត្រូលផែស្ងួតចុងទីភ្នំពេញ បានចុះធ្វើការផ្សព្វផ្សាយពីសុវត្ថិភាពម្ហូបអាហារនៅវិទ្យាល័យ ហ៊ុន សែន ប៊ុន រ៉ានី វត្តភ្នំ ។
លោកគី លាភ នាយករងវិទ្យាល័យបានឱ្យដឹងថា ក្នុងវគ្គផ្សព្វផ្សាយនេះ សិស្សានុសិស្សចូលរួមចំនួន១៦៨នាក់ និងអាជីវករលក់ដូរក្នុងសាលាចំនួន៣០នាក់ ។
នៅថ្ងៃទី២៣ វិច្ឆិកា ឆ្នាំ២០១១ សាខាកាំកុងត្រូលផែស្ងួតចុងទីភ្នំពេញ បានចុះធ្វើការផ្សព្វផ្សាយពីសុវត្ថិភាពម្ហូបអាហារនៅវិទ្យាល័យ ហ៊ុន សែន ប៊ុន រ៉ានី វត្តភ្នំ ។
លោកគី លាភ នាយករងវិទ្យាល័យបានឱ្យដឹងថា ក្នុងវគ្គផ្សព្វផ្សាយនេះ សិស្សានុសិស្សចូលរួមចំនួន១៦៨នាក់ និងអាជីវករលក់ដូរក្នុងសាលាចំនួន៣០នាក់ ។
លោកចាន់ វាសនា ប្រធានសាខាកាំកុងត្រូលផែស្ងួតចុងទីភ្នំពេញ មានប្រសាសន៍ថា បច្ចុប្បន្ននេះ សាខាកាំកុងត្រូលផែស្ងួតចុងទីភ្នំពេញ មានភារកិច្ចសំខាន់ត្រួតពិនិត្យគុណភាពទំនិញ យថាប្រភេទ ទំនិញនាំចេញ-នាំចូល និងបង្រ្កាបការកែ្លងបន្លំទំនិញនៅតាមទីផ្សារនានាក្នុងរាជធានីភ្នំពេញ។ ការផ្សព្វផ្សាយពីសុវត្ថិភាពម្អូបអាហារដល់លោកគ្រូ-អ្នកគ្រូ សិស្សានុសិស្ស និងអាជីវករលក់ដូរនៅតាមគ្រឹះស្ថានសិក្សានានាក្នុងរាជធានីភ្នំពេញ ធ្វើឡើងដោយអនុវត្តតាមផែនការកំណត់របស់ក្រសួងពាណិជ្ជកម្មក៏ដូចជាអគ្គនាយកដ្ឋានកាំកុងត្រូល សហការជាមួយក្រសួងអប់រំ យុវជន និងកីឡា។ ចំណុចសំខាន់នៃការផ្សព្វផ្សាយគឺដើម្បីឱ្យសិស្សានុសិស្ស អាជីវករលក់ដូរទទួលបាននូវចំណេះដឹងទូទៅ ជាពិសេសយល់ដឹងបញ្ហាគុណភាពសុវត្ថិភាពម្ហូបអាហារប្រចាំថ្ងៃពីកសិដ្ឋានផលិតរហូតដល់តុបរិភោគ ឱ្យចេះធ្វើការសម្រេចចិត្តឱ្យបានត្រឹមត្រូវក្នុងការជ្រើសរើសផលិតផលម្ហូបអាហារយកទៅប្រើប្រាស់ប្រកបដោយសុវត្ថិភាពឱ្យស្គាល់តួនាទីរបស់ខ្លួនដែលជាអ្នកប្រើប្រាស់តាមរយៈការបង្ហាញពីមន្រ្តីជំនាញខាងម្ហូបអាហារ។
លោកប្រធានសាខា សំណូមពរឱ្យសិស្សានុសិស្សជួយផ្សព្វផ្សាយបន្តដល់មិត្តភក្តិគ្រួសារ និងសហគមន៍ ដើម្បីរួមចំណែកទប់ស្កាត់ការចែកចាយម្ហូបអាហារដែលពុំមានសុវត្ថិភាព ក៏ដូចជាចំណេះដឹងបឋមពីច្បាប់បទដ្ឋានគតិយុត្តិជុំវិញការផលិតចែកចាយម្ហូបអាហារពុំមានសុវត្ថិភាព និងបានផ្តាំផ្ញើដល់ប្អូនៗសិស្សានុសិស្សទាំងអស់ធ្វើខ្លួនឱ្យសមជាសិស្សល្អ មានអនាម័យ និងសណ្តាប់ធ្នាប់ល្អក្នុងការសិក្សា និងគេចចេញឱ្យផុតពីការជក់បារីផឹកគ្រឿងស្រវឹង និងសេពគ្រឿងញៀន៕
ចែករំលែកព័តមាននេះ