ខេត្តកែប៖ ស្ត្រីជាម្តាយម្នាក់បានដឹកដៃកូនប្រុសអាយុ២ខួបកន្លះទៅបេះកញ្ឆែតនៅក្នុងប្រឡាយជិតផ្ទះដែលមានទឹកជ្រៅ ហើយកូនប្រុសអាយុ២ឆ្នាំកន្លះបានរអិលជើងធ្លាក់ចូលទៅក្នុងទឹកប្រឡាយ បណ្តាលឱ្យលង់ស្លាប់គួរឲ្យអាណោចអាធ័ម ។ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង១០និង៣០នាទីព្រឹកថ្ងៃទី១៣ ខែកក្កដា ឆ្នាំ ២០១៨ ស្ថិតនៅចំណុចប្រឡាយទឹកមួយកន្លែងក្នុងភូមិកោះសោម…
ខេត្តកែប៖ ស្ត្រីជាម្តាយម្នាក់បានដឹកដៃកូនប្រុសអាយុ២ខួបកន្លះទៅបេះកញ្ឆែតនៅក្នុងប្រឡាយជិតផ្ទះដែលមានទឹកជ្រៅ ហើយកូនប្រុសអាយុ២ឆ្នាំកន្លះបានរអិលជើងធ្លាក់ចូលទៅក្នុងទឹកប្រឡាយ បណ្តាលឱ្យលង់ស្លាប់គួរឲ្យអាណោចអាធ័ម ។ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង១០និង៣០នាទីព្រឹកថ្ងៃទី១៣ ខែកក្កដា ឆ្នាំ ២០១៨ ស្ថិតនៅចំណុចប្រឡាយទឹកមួយកន្លែងក្នុងភូមិកោះសោម ឃុំពងទឹក ស្រុកដំណាក់ចង្អើរ ខេត្តកែប។
ក្មេងប្រុសដែលស្លាប់ឈ្មោះ ហាន់ សៀងឡេង ភេទប្រុស អាយុ២ឆ្នាំកន្លះ មានឪពុកឈ្មោះ ហាន់ ខ្លិច អាយុ៣២ឆ្នាំ និងម្តាយឈ្មោះ សុខ មុំ អាយុ២៥ឆ្នាំ រស់នៅភូមិ-ឃុំកន្លែងកើតហតុ ខាងលើ។
ទាក់ទិននឹងករណីក្មេងប្រុសលង់ទឹកស្លាប់ខាងលើ លោកវរសេនីយ៍ឯក តូវ សុវណ្ណ អធិការនគរបាលស្រុកដំណាក់ចង្អើរ បានឲ្យដឹងថា មុនពេលកើតហេតុ ស្ត្រីជាម្តាយបានដឹកដៃកូនប្រុសអាយុ២ខួបកន្លះទៅបេះកញ្ឆែតនៅក្នុងប្រឡាយជិតផ្ទះដែលមានទឹកជ្រៅ ។ ពេលម្តាយចុះបេះកញ្ឆែតបានទុកកូនឲ្យឈរនៅលើភ្លឺប្រឡាយតែម្នាក់ឯង ដោយរវល់តែបេះកញ្ឆែតភ្លេចនឹកឃើញកូនឈរនៅភ្លឺប្រឡាយតែម្នាក់ឯង រីឯកូនពេលឃើញម្តាយចុះទៅបេះកញ្ឆែតនោះ កូនប្រុសក៏ដើរនៅលើភ្លឺប្រឡាយ ពេលនោះរអិលជើងធ្លាក់ទៅក្នុងទឹកប្រឡាយបាត់ មួយសន្ទុះក្រោយមកទើបម្តាយនឹកឃើញកូនដែលខ្លួនបានដាក់ឲ្យឈរនៅលើភ្លឺប្រឡាយ ហើយក៏បាត់កូនមិនឃើញ ទើបមានការសង្ស័យ ក៏រត់មកផ្ទះរកកូនក្រែងកូនដើរមកផ្ទះមុន ពេលមកដល់ផ្ទះក៏មិនឃើញកូនទៀត ក៏ផ្អើលឆោឡោប្រាប់អ្នកជិតខាងឲ្យជួយរកកូន ទើបប្រទះឃើញកូនលង់ទឹកប្រឡាយស្លាប់គួរឲ្យអាណោចអាធ័ម ។
លោកអធិការបានឲ្យដឹងទៀតថា ការស្លាប់បាត់បង់ជីវិតក្មេងប្រុសនេះ គឺមកពីម្តាយមានការធ្វេសប្រហែស នៅពេលដឹកដៃកូនប្រុសដែលទើបតែអាយុ២ខួបកន្លះទៅបេះកញ្ឆែតក្នុងប្រឡាយដោយទុកកូនឲ្យឈរម្នាក់ឯង លុះពេលកូនធ្លាក់ទឹកក៏ម្តាយមិនដឹងដែរ ទើបបណ្តាលឲ្យលង់ស្លាប់គួរឲ្យសោកស្តាយបែបនេះ។
បច្ចុប្បន្ន សពក្មេងប្រុសរងគ្រោះត្រូវបានអាណាព្យាបាលចាត់ចែងរៀបចំធ្វើបុណ្យតាមប្រពៃណីនៅឯលំនៅឋាន៕
ចែករំលែកព័តមាននេះ