ខេត្តមណ្ឌលគិរី ៖ សេចក្តីរាយការណ៍បឋមបានឲ្យដឹងថា យុវជនម្នាក់បានស្លាប់យ៉ាងអាណោចអាធម៌ ខណៈកំពុង អារឈើយក ទៅសាងសង់ផ្ទះ ត្រូវដើមឈើដួលសង្កត់ ដែលករណីនេះបានកើតឡើងនៅម៉ោងប្រមាណជា០៨ព្រឹក ថ្ងៃទី២៤ មិថុនា ២០១៨ នៅភូមិមេមុំ ឃុំរយ៉ ស្រុកកោះញែក ។
លោកសូ សុវណ្ណ ស្នងការរងទទួលបន្ទុកផែនព្រហ្មទណ្ឌនៃស្នងការនគរបាលខេត្តមណ្ឌលគិរីបានឱ្យដឹងថា មានករណីគ្រោះថ្នាក់ដោយសារការអាឈើ រលំដួលត្រូវជនរងគ្រោះបែកក្បាល បណ្ដាលឱ្យស្លាប់ភ្លាមៗ នៅនឹងកន្លែង ។ ករណីនេះកើតហេតុនៅចំណុចត្រពាំងទឹកល្អក់ ស្តិតនៅភូមិ មេមុំ ឃុំរយ៉ ស្រុកកោះញែក ។
ជនរងគ្រោះមានឈ្មោះ ភាព ផាន់ ភេទប្រុស អាយុ១៥ឆ្នាំ ទីលំនៅបច្ចុប្បន្នភូមិអូយ៉េះ ឃុំស្រែសង្គម ស្រុកកោះញែក ខេត្តមណ្ឌលគិរីបានទៅអារឈើ ដើម្បីយកមកសាងសង់ផ្ទះ ។ នៅពេលអារឈើដាច់ហើយឈើជាប់វល្លិ ពេលរលំមកក៏សង្កត់លើ ត្រូវចំក្បាលស្លាប់ភ្លាមនៅកន្លែងកើតហេតុតែម្តង ។
លោកស្នងការរងបន្តថា ពេលកម្លាំងចុះពិនិត្យសាកសពឃើញថា ជនរងគ្រោះពិតជាស្លាប់ដោយឈើសង្កត់ពិតប្រាកដមែន ៕
ចែករំលែកព័តមាននេះ