ខេត្តក្រចេះ ៖ ស្របទៅនឹងទិន្ន័យរបស់ពលរដ្ឋដែលបានមកទទួលសេវាព្យាបាលនៅក្នុង មន្ទីរពេទ្យរដ្ឋកាន់តែមានចំនួនកើនឡើងពីមួយឆ្នាំទៅមួយឆ្នាំ ដែលចំនួននេះបានឆ្លុះបញ្ជាំងថា ពលរដ្ឋកាន់តែមានទំនុកចិត្តមកលើសេវាសុខាភិបាល ។ ទន្ទឹម និងរាជរដ្ឋភិបាលក៏កំពុងតែខិតខំប្រឹងប្រែងកំណែរទម្រង់ប្រព័ន្ធសុខាភិបាលផងដែរនោះ ។…
ខេត្តក្រចេះ ៖ ស្របទៅនឹងទិន្ន័យរបស់ពលរដ្ឋដែលបានមកទទួលសេវាព្យាបាលនៅក្នុង មន្ទីរពេទ្យរដ្ឋកាន់តែមានចំនួនកើនឡើងពីមួយឆ្នាំទៅមួយឆ្នាំ ដែលចំនួននេះបានឆ្លុះបញ្ជាំងថា ពលរដ្ឋកាន់តែមានទំនុកចិត្តមកលើសេវាសុខាភិបាល ។ ទន្ទឹម និងរាជរដ្ឋភិបាលក៏កំពុងតែខិតខំប្រឹងប្រែងកំណែរទម្រង់ប្រព័ន្ធសុខាភិបាលផងដែរនោះ ។
អភិបាលរងខេត្តក្រចេះលោក វ៉ា ថន បានជម្រុញឲ្យមន្ត្រីសុខភិបាល និងក្រុមគ្រូពេទ្យ ត្រូវបង្កើនការយកចិត្តទុកដាក់ការផ្តល់សេវាព្យាបាលឲ្យកាន់តែខ្លាំងក្លា ការបំពេញការងារត្រូវប្រកាន់ខ្ជាប់នូវក្រមសីលធម៌វិជ្ជាជីវៈ សុជីវធម៌ ដើម្បីចូលរួមការអនុវត្តគោលនយោបាយសហវត្សកាត់បន្ថយភាពក្រីក្រនៅកម្ពុជា ។ មានប្រសាសន៍ទៅកាន់មន្ត្រីនៃមន្ទីរសុខាភិបាល និងក្រុមគ្រូពេទ្យចំនួនជាង២រយនាក់ នៅក្នុងពិធីប្រកាស់តែងតែតាំង មុខងាររបស់មន្ត្រីនៃមន្ទីរសុខាភិបាលដែលបានធ្វើឡើងកាល ពីរសៀលថ្ងៃទី០៥ ខែមេសានេះ ។
អភិបាលរងខេត្តក្រចេះលោកវ៉ា ថនបានវាយតម្លៃថា កន្លងមក វិស័យសុខាភិបាលរបស់ខេត្តក្រចេះបានបំពេញមុខងារតួនាទីរបស់ខ្លួនបានយ៉ាងល្អប្រសើរ ក្នុងការបម្រើសេវាព្យាបាលដល់ពលរដ្ឋ បើនៅមានតិចតួចយ៉ាងណាក្តី ។
ប្រធានមន្ទីរសុខាភិបាលខេត្តលោក ឈ្នាង សុវត្ថា បានឲ្យដឹងដែរថា មន្ត្រីសុខាភិបាល ចំនួន១០រូប ត្រូវបានប្រកាសតួនាទី ដើម្បីបំពេញបន្ថែមឲ្យគ្រប់តាមត្រូវការរបស់ក្រសួង ឆ្លើយ តបឲ្យបានគ្រប់គ្រាន់ក្នុងកិច្ចការងារសេវាសុខាភិបាល ។ មន្ត្រីទាំង១០រូប ត្រូវបានប្រកាស តួនាទីចាប់ពីប្រធាន អនុប្រធានការិយាល័យបុគ្គលិក ការិយាល័យបច្ចេកទេស ប្រធានអនុ ប្រធាន មណ្ឌលសុខភាព ស្រុក ក្រុង ។
យោងតាមរបាយការណ៍ប្រចាំឆ្នាំរបស់មន្ទីរសុខាភិបាលខេត្ត បានបង្ហាញឲ្យដឹងថា ខេត្តក្រចេះមានមន្ទីរពេទ្យបង្អែករដ្ឋធំៗចំនួន៣កន្លែង មណ្ឌលសុខភាពចំនួន៣០ ប៉ុស្តិ៍សុខ ភាពចំនួន១៤កន្លែង ហើយក្នុងឆ្នាំ២០១៦-២០១៧ ចំនួនពលរដ្ឋបានមកទទួលសេវាព្យាល គឺមានអត្រាកើតឡើង ។ ពលរដ្ឋដែលមកទទួលសេវាភាគច្រើនលើជំងឺទូទៅ ខណៈដែលស្ថានភាពនៃជំងឺឆ្លងដូចជា គ្រុនចាញ់ គ្រុនឈាម និងជំងឺរបេងសួត គឺនៅតែមានអត្រាកើនឡើង តែមិនមានអ្នកស្លាប់នោះទេ ៕
ចែករំលែកព័តមាននេះ