ខេត្តកំពត ៖ សេចក្តីរាយការណ៍បានឱ្យដឹងថា កាលពីវេលាម៉ោង១២ និង២០នាទីថ្ងៃត្រង់ថ្ងៃទី១៨ មីនា បុរសម្នាក់បានធ្វើអត្តឃាតដោយដុតសម្លាប់ខ្លួនឯងនៅលើផ្ទះក្នុងភូមិតាទែន ឃុំច្រែស ស្រុកជុំគិរី ។លទ្ធផលបានសម្រេចដូចបំណង គឺឆេះផ្ទះ១ខ្នង ធ្វើអំពីឈើប្រក់ក្បឿងទំហំ៦ម៉ែត្រគុណនឹង៨ម៉ែត្រ និងទ្រព្យសម្បត្តិក្នុងផ្ទះ ក៏ក្លាយជាចំណីភ្លើងទាំងអស់ ព្រមជាមួយនឹងសាកសពខ្លួនឯងដែលឆេះខ្លោច ។
បុរសដែលដុតខ្លួនឯងនោះឈ្មោះ គង់ សឿន អាយុ៥៥ឆ្នាំ នៅភូមិតាទែន ឃុំច្រែស ស្រុុកជុំគិរី ជាមន្ត្រីយោធាចូលនិវត្តន៍ មានប្រពន្ធឈ្មោះ សែម សុខ លីន អាយុ៣៤ឆ្នាំ ។
តាមស្ត្រីជាភរិយាបានប្រាប់សមត្ថកិច្ចឱ្យដឹងថា ប្តីរបស់គាត់មានជំងឺប្រចាំកាយទឹកនោមផ្អែម ហើយតែងមានទំនាស់ជាមួយគ្រួសារញឹកញាប់ និងមានការប្រចណ្ឌគាត់ជាប្រពន្ធទៀតផង ដោយសារគាត់មានអាយុចាស់ ។ ការដុតសម្លាប់ខ្លួននៅលើផ្ទះនេះ បានធ្វើឱ្យអណ្តាតភ្លើងលេបត្របាក់ទាំងមនុស្ស ទាំងផ្ទះ និងទ្រព្យសម្បត្តិ ខណៈគាត់ជាប្រពន្ធមិនបាននៅផ្ទះទេ លុះពេលមកដល់ផ្ទះវិញភ្លើងឆេះហ្មត់ទៅហើយ ។ តាមប្រភពព័ត៌មានបន្ថែមបានឱ្យដឹងថា បុរសដែលដុតសម្លាប់ខ្លួននេះ មានប្រពន្ធដើមនៅខេត្តព្រៃវែង និងមានកូន៦នាក់ ។
ប្រភពដដែលថា បុរសនេះ បានលែងលះជាមួយប្រពន្ធដើមហើយ បានមកយកប្រពន្ធក្រោយនេះ មានកូន៣នាក់ ដែលកូនបងអាយុ១២ឆ្នាំ និ ងកូនប្អូនអាយុ៩ឆ្នាំ ។ ការសម្លាប់ខ្លួននេះ ដោយសារតែភ្លើងប្រចណ្ឌ ខណៈដែលខ្លួនមានជំងឺប្រចាំកាយ ហើយសង្ស័យថាប្រពន្ធក្បត់ចិត្ត ព្រោះប្រពន្ធនៅក្មេងជាងច្រើន ៕
អត្ថបទសរសេរ ដោយ
អត្ថបទសរសេរ ដោយ
ចែករំលែកព័តមាននេះ