ខេត្តកំពង់ចាម ៖ ប្រជាពលរដ្ឋរស់នៅភូមិកំពង់រលីង សង្កាត់សំបួរមាស ក្រុងកំពង់ចាម ក្នុងរយៈពេលជាង៣០ឆ្នាំ ទើបមានអគ្គិសនីប្រើប្រាស់នៅតាមផ្ទះ ហើយសមិទ្ធិផលនេះ ជាការយកចិត្តទុកដាក់របស់អាជ្ញាធរគ្រប់ស្រទាប់វណ្ណៈ ។ ជាមួយនោះពលរដ្ឋក៏បានស្នើសុំដល់អាជ្ញាធរ សូមជួយដាក់អំពូលភ្លើងនៅតាមដងផ្លូវសម្រាប់បំភ្លឺនៅពេលរាត្រី ដើម្បីងាយស្រួលក្នុងការធ្វើដំណើរផងដែរ ។
ស្ត្រីឈ្មោះ នីម ថុល អាយុ៥៧ឆ្នាំ នៅភូមិសង្កាត់ខាងលើប្រាប់ឲ្យដឹងនៅល្ងាចថ្ងៃទី១៣ ខែមីនានេះថាចាប់តាំងពីក្រោយឆ្នាំ១៩៧៩ ផ្ទះរបស់គាត់ក៏ដូចជា ផ្ទះអ្នកផ្សេងទៀតនៅក្នុងភូមិបានប្រើប្រាស់ចង្កៀង
ប្រេងកាត ដើម្បីបំភ្លឺនៅពេលរាត្រី ហើយក្រោយមកទៀត ក៏មានម៉ាស៊ីនភ្លើងបញ្ជូលអាគុយ ដោយតាម
ផ្ទះនាំគ្នាទៅទិញអាគុយនៅឯផ្សារយកមកទុកប្រើ ពេលណាអស់ភ្លើង ត្រូវយកទៅបញ្ចូលភ្លើងតាមផ្ទះ
ដែលមានម៉ាស៊ីនភ្លើងសម្រាប់បញ្ឆេះបញ្ចូលអាគុយ ។
ស្ត្រីឈ្មោះ នីម ថុល ប្រាប់បន្តថា ដោយសារតែមានការយកចិត្តទុកដាក់ពីសំណាក់អាជ្ញាធរគ្រប់លំដា
ប់ថ្នាក់នោះ បានរៀបចំដាក់បង្គោលបេតុងអគ្គិសនី ដោយបានតភ្ជាប់ពីក្រុងកំពង់ចាមចូលមកដល់ភូមិ
កំពង់រលីងលុះនៅឆ្នាំ២០១៧ ទើបបានប្រើប្រាស់ ។ ក្នុងរដូវប្រាំងពេលដែលអាកាសធាតុក្តៅត្រូវបាន
ដាក់កង្ហារចំនួន០២គ្រឿងបក់ឲ្យត្រជាក់ខុសកាលពីមិនទាន់មានអគ្គិសនី ប្រើពេលក្តៅដូចគ្នាពិបាកនឹង
ទ្រាំ ។ ជាមួយនឹងសមិទ្ធិផលទាំងនេះ ពិតជាមានក្តីសប្បាយរីករាយ តែនៅពេលយប់ៗតាមផ្លូវមុខផ្ទះងងឹតមិនមានអំពូលភ្លើងបំពាក់នៅតាមបង្គោលភ្លើងនោះទេ គាត់ស្នើសុំដល់អាជ្ញាធរមេត្តាជួយរៀបចំ
ដាក់អំពូលភ្លើងបំភ្លឺនៅពេលយប់ផង ។ ដើម្បីងាយស្រួលដល់ពលរដ្ឋក្មេងចាស់ប្រុសស្រី ធ្វើដំណើរនៅ
ក្នុងភូមិពេលចេញទៅណាមកណានោះ ។
លោក ជុំ គង់ អាយុ៥៧ឆ្នាំ នៅភូមិកំពង់រលីងប្រាប់ថា គាត់បានកើតនៅភូមិនេះតែម្តង លុះពេលដឹងក្តី
មិនមានភ្លើងអគ្គិសនីប្រើប្រាស់នោះទេ នៅតាមផ្ទះនីមួយៗមានតែភ្លើងចង្កៀងតែប៉ុណ្ណោះ ហើយប្រជា
ពលរដ្ឋក៏មិនសូវមានប៉ុន្មានដែរ ។ តែមកដល់សព្វថ្ងៃនេះ មានរហូតដល់ទៅរាប់រយខ្នងផ្ទះ ឡើងពេញ
ភូមិ និងមានភ្លើងអគ្គិសនីប្រើប្រាស់ ក្នុងនោះមានអ្នកខ្លះប្រើអស់ច្រើន និងខ្លះទៀតតិចទៅតាមឧបករ
ណ៍នៅតាមផ្ទះនីមួយៗ ។ រូបលោកពិតជាមានក្តីសប្បាយរីករាយដោយសារ តែអាជ្ញាធរបានគិតគូរតប
ណ្តាញភ្លើងអគ្គិសនីឲ្យមកប្រើ ហើយគាត់ក៏មានសំណូមពរដូចស្ត្រីទី១ដែរ ។
លោកគួច ចំរើន អភិបាលនៃគណៈអភិបាលខេត្ត មានប្រសាសន៍ឲ្យដឹងដែរថា ក្នុងពេលដែលរូបលោកមកកាន់តំណែងអភិបាលខេត្តកំពង់ចាម ដោយបានយកចិត្តទុកដាក់រៀបចំពាក់អំពូលភ្លើង ពេលរាត្រីដាក់នៅតាមបណ្តាសង្កាត់ទាំងបួនក្នុងក្រុងកំពង់ចាមបានជាច្រើនកន្លែង ងាយស្រួលដល់ពលរដ្ឋធ្វើ
ដំណើរនៅពេលយប់ៗ ។ ជាមួយនឹងសំណើរការលើកឡើងខាងលើរបស់ពលរដ្ឋខាងលើ រូបលោក
រៀបចំចាត់ចែងទៅតាមដំណាក់កាល ព្រោះសេចក្តីត្រូវការមានទំហំធំធេង តែថវិការនូវមានកម្រិត ៕
ចែករំលែកព័តមាននេះ