រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានាព្រឹកថ្ងៃទី១៩ ខែកុម្ភៈ ឆ្នាំ២០១៨ បានអនុញ្ញាតឲ្យលោក Oh…
រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានាព្រឹកថ្ងៃទី១៩ ខែកុម្ភៈ ឆ្នាំ២០១៨ បានអនុញ្ញាតឲ្យលោក Oh Nak Young ឯកអគ្គរដ្ឋទូតសាធាណរដ្ឋកូរ៉េខាងត្បូងថ្មីប្រចាំនៅព្រះរាជាណាចក្រកម្ពុជាជួបសម្តែងការគួរសមក្នុងឱកាសដែលលោកត្រូវបានតែងតាំងជាឯកអគ្គរដ្ឋទូតវិសាមញ្ញ និងពេញសមត្ថភាពសាធារណរដ្ឋកូរ៉េប្រចាំកម្ពុជានៅវិមានសន្តិភាព ។
លោកឯកអគ្គរដ្ឋទូតថ្មីសាធារណរដ្ឋកូរ៉េខាងត្បូងបានមានប្រសាសន៏ថា បេសកកម្មរបស់លោកមកកាន់កម្ពុជានាពេលនេះគឺដើម្បីធ្វើយ៉ាងណាពង្រីក និងពង្រឹងនូវទំនាក់ទំនងរវាងប្រទេសទាំងពីរកសាងលើមូលដ្ឋានទំនាក់ទំនងដែលមានស្រាប់ ធ្វើយ៉ាងណាក្តាប់ឲ្យបាននូវសក្តានុពលទាំងឡាយនៅកម្ពុជាដើម្បីជំរុញទំនាក់ទំនងឲ្យបានលើគ្រប់វិស័យ ។ លើសពីនោះទៅទៀតលោកក៏បានជំរាបសម្តេចផងដែរអំពីគោលនយោបាយឆ្ពោះទៅកាន់កូរ៉េខាងត្បូង ទាំងនោះសុទ្ធសឹងតែគោលនយោបាយក្នុងការពង្រីកទំនាក់ទំនងជាមួយនឹងប្រទេសនៅក្នុងតំបន់អាស៊ាន ទំនាក់ទំនងទ្វេភាគីក៏ដូចជាក្នុងក្របខណ្ឌមេគង្គ ក៏ដូចជាអាស៊ានជាមួយកម្ពុជាផងដែរ ។
ជាការឆ្លើយតប សម្តេចតេជោបានថ្លែងអំណរគុណចំពោះលោក Oh Nak Young ហើយសម្តេចក៏បានសម្តែងនូវការស្វាគមន៏ និងអបអរសាទរចំពោះលោក Oh Nak Young ដែលត្រូវបានតែងតាំងជាឯកអគ្គរដ្ឋទូតវិសាមញ្ញ និងពេញសមត្ថភាពនៅកម្ពុជា ។ សម្តេចបានស្វាគមន៏ និងយល់ស្របជាមួយនឹងការលើកឡើងរបស់លោក Oh Nak Young ក្នុងការពង្រឹង និងពង្រីកទំនាក់ទំនងរវាងប្រទេសទាំងពីរឈរលើមូលដ្ឋានទំនាក់ទំនងដែលមានស្រាប់ ពង្រឹងបន្ថែមទៀតស្របតាមសក្តានុពលដែលប្រទេសទាំងពីរមាន ជាពិសេសលើវិស័យវិនិយោគ ពាណិជ្ជកម្ម សេដ្ឋកិច្ច និងទេសចរណ៏ជាដើម ៕
ចែករំលែកព័តមាននេះ