រណ្ដៅដីមរណៈរបស់ថៅកែកៅ (មានវីដេអូ)
- កណ្តាល
ខេត្តកណ្តាល ៖ រណ្តៅដីមរណៈរបស់លោក កៅ មួយកន្លែង ស្ថិតនៅក្នុងភូមិព្រះប្រសប់ ឃុំព្រះប្រសប់ ស្រុកខ្សាច់កណ្តាល ខេត្តកណ្ដាល កំពុងធ្វើឲ្យប្រជាពលរដ្ឋក្នុងមូលដ្ឋានមានការព្រួយបារម្ភយ៉ាងខ្លាំង…
ខេត្តកណ្តាល ៖ រណ្តៅដីមរណៈរបស់លោក កៅ មួយកន្លែង ស្ថិតនៅក្នុងភូមិព្រះប្រសប់ ឃុំព្រះប្រសប់ ស្រុកខ្សាច់កណ្តាល ខេត្តកណ្ដាល កំពុងធ្វើឲ្យប្រជាពលរដ្ឋក្នុងមូលដ្ឋានមានការព្រួយបារម្ភយ៉ាងខ្លាំង…
ខេត្តកណ្តាល ៖ រណ្តៅដីមរណៈរបស់លោក កៅ មួយកន្លែង ស្ថិតនៅក្នុងភូមិព្រះប្រសប់ ឃុំព្រះប្រសប់ ស្រុកខ្សាច់កណ្តាល ខេត្តកណ្ដាល កំពុងធ្វើឲ្យប្រជាពលរដ្ឋក្នុងមូលដ្ឋានមានការព្រួយបារម្ភយ៉ាងខ្លាំង នូវបញ្ហាប្រឈមនឹងគ្រោះថ្នាក់ដោយយថាហេតុផ្សេងៗទៅថ្ងៃមុខ ព្រោះតែរណ្តៅដីមួយនេះមានជម្រៅជ្រៅមហាសែនជ្រៅ មើលពីលើទៅឃើញគ្រឿងចក្រ និងឡានប៉ែនធំៗចូលទៅដឹកដីប្រៀបបីដូចជាកណ្ដុរកំពុងតែវាអញ្ចឹង ។ ទោះបីជារណ្តៅដីរបស់លោកកៅនេះមានជម្រៅជ្រៅចង់ដល់ក្បាលប្រេតជីកលើសច្បាប់អនុញ្ញតយ៉ាងណាក៏ដោយ ក៏មិនរំខានដល់អាជ្ញាធរ និងមន្ត្រីជំនាញឡើយ ។
ប្រភពព័ត៌មាននិយាយថា បើតាមផ្លូវច្បាប់កំណត់ឲ្យជីកជម្រៅត្រឹមតែ៥ម៉ែត្រទេ ប៉ុន្តែរណ្តៅដីរបស់លោក កៅ នេះជីករហូតដល់ទៅប្រហែលជាង១០ម៉ែត្រឯណោះ ដែលធ្វើឲ្យប្រជាកសិករមានដីស្រែបន្តិចបន្តួចនៅជុំវិញក្បែររណ្តៅដីនោះ គ្រាន់ធ្វើស្រូវចិញ្ចឹមជីវិតមានការព្រួយបារម្ភនាពេលរដូវវស្សាភ្លៀងធ្លាក់បណ្តាលឲ្យហូរច្រុះបាក់ច្រាំងប៉ះពាល់ដល់ដីស្រែរបស់ពួកគាត់ តើអ្នកណាជាអ្នកទទួលខុសត្រូវ ជាពិសេសខ្លាចមានគ្រោះថ្នាក់ដល់អាយុជីវិតសត្វពាហនៈ និងកូនក្មេងតូចៗរបស់ប្រជាពលរដ្ឋដើរឃ្វាលគោក្របីធ្លាក់ចូលរណ្តៅដីមរណៈនេះ ។
ពាក់ពន្ធ័បញ្ហានេះ លោក ហួត ហួតហាក់ ប្រធានការិយាល័យរ៉ែ និងថាមពលស្រុកខ្សាច់កណ្តាល បានប្រាប់ឲ្យដឹងតាមទូរស័ព្ទថា រណ្តៅដីរបស់លោក កៅ ត្រង់ចំណុចខាងលើនេះ គាត់មានច្បាប់ត្រឹមខេត្ត ក្នុងទំហំមួយហិកតា ដោយអនុញ្ញតឲ្យជីកជម្រៅតែ៥ម៉ែត្រទេ ។ លោកប្រធានការិយាល័យបន្តថា បើសិនជាគាត់ជីកលើសពច្បាប់អនុញ្ញតដូចអ្នកព័ត៌មានប្រាប់មែននោះ ចាំស្អែកលោកនឹងចុះទៅពិនិត្យមើល ។ ចំណែកលោក ប៉ុន ផេង អភិបាលស្រុកខ្សាច់កណ្តាល ក៏បានប្រាប់ឲ្យដឹងតាមទូរស័ព្ទដែរថា រឿងនេះលោកពុំទាន់បានដឹងទេ ព្រោះទើបមកកាន់តំណែងថ្មី ។ ប៉ុន្តែចាំលោកចាត់ឲ្យមន្ត្រីជំនាញចុះទៅវាស់វែងពិនិត្យមើលជាក់ស្តែង បើសិនលើសច្បាប់អនុញ្ញតមែន លោកនឹងអនុវត្តតាមច្បាប់ ៕
ចែករំលែកព័តមាននេះ