ខេត្តសៀមរាប ៖ បុរសជនជាតិអាល្លឺម៉ង់វ័យចំណាស់ម្នាក់បានដេកស្លាប់ នៅក្នុងមន្ទីពេទ្យបង្អែកខេត្តសៀមរាប កាលពីវេលាម៉ោងប្រហែល០២និង២០នាទីទៀបភ្លឺ ថ្ងៃទី១៨ ខែមករា ឆ្នាំ២០១៨ ខណៈមានជម្ងឺប្រចាំកាយ(ជម្ងឺទឹកនោមផ្អែម និងលើសឈាម) ដែលមានទីតាំងស្ថិតនៅ ភូមិមណ្ឌល១ សង្កាត់ស្វាយដង្គំ ក្រុង-ខេត្តសៀមរាប ។
ប្រភពសមត្ថកិច្ចនគរបាលខេត្តបានប្រាប់ថា ជនរងគ្រោះឈ្មោះ SOMMER LOTHAR ភេទ ប្រុស អាយុ៧៣ឆ្នាំ ជនជាតិអាល្លឺម៉ង់ កាន់លិខិតឆ្លងដែនលេខ C៣FT៣F១T៥ ស្នាក់នៅ លេខEI០១៣១៩៥៩៥ ផុតកំណត់ថ្ងៃទី០៣ មិថុនា ២០១៨ មុខរបរគ្មាន ស្នាក់នៅផ្ទះជួលភូមិស្វាយដង្គំ សង្កាត់ ស្វាយដង្គំ ក្រុង-ខេត្តសៀមរាប ។ ជនរងគ្រោះមានជម្ងឺប្រចាំកាយ(ជម្ងឺទឹកនោមផ្អែម និងលើសឈាម) ហើយនៅវេលាម៉ោងប្រហែល២១និង៣០នាទីយប់ថ្ងៃទី១៧ ខែមករា ឆ្នាំ២០១៨ ដោយស្ថានភាពជម្ងឺជនរងគ្រោះមានសភាពធ្ងន់ធ្ងរត្រូវបានសមត្ថកិច្ចបញ្ជូនទៅសង្គ្រោះនៅមន្ទីរពេទ្យបង្អែកខេត្តសៀមរាប រហូតដល់វេលាម៉ោងប្រហែល០២និង២០នាទីទៀបភ្លឺ ជនរងគ្រោះក៏បានស្លាប់បាត់បង់ជីវិត ។
ផ្អែកតាមការស្រាវជ្រាវសមត្ថកិច្ចជំនាញ និងលោកវេជ្ជបណ្ឌិត អ៊ិត ឆប ឆរ័ត្ន គ្រូពេទ្យ អមតុលាការខេត្តបានសន្និដ្ឋានថា ជនរងគ្រោះស្លាប់ដោយគាំងបេះដូង ។ បច្ចប្បន្នសាកសព ជនរងគ្រោះ ត្រូវបានសមត្ថកិច្ចតម្កល់ទុកបណ្តោះអាសន្ននៅក្នុងមន្ទីរពេទ្យបង្អែកខេត្តសៀមរាប ដើម្បីរង់ចាំការសម្រេចរបស់ក្រុមគ្រួសារ និងស្ថានទូត ៕
ចែករំលែកព័តមាននេះ