វាយប្រហារបំផ្ទុះរថយន្តស្លា.ប់50នាក់
អឌ្ឍចន្ទក្រហមឃើតរាយការណ៍ថា
អឌ្ឍចន្ទក្រហមឃើតរាយការណ៍ថា
ប្រទេសស៊ីរី ៖ អឌ្ឍចន្ទក្រហមឃើតរាយការណ៍ថា ពួកជនអត្តឃាតដែលបើករថយន្តផ្ទុកគ្រឿងផ្ទុះ៣គ្រឿង ធ្វើសកម្មភាពក្នុងនាមក្រុមរដ្ឋអ៊ិស្លាមបានសម្លាប់មនុស្សប្រមាណជា៥០នាក់នៅភាគឦសានស៊ីរីកាលពីថ្ងៃទី១២ តុលា ។
អង្គការសិទ្ធិមនុស្សស៊ីរី OSDH មានប្រភពព័ត៌មានច្រើនក្នុងប្រទេសនិយាយថា ការវាយប្រហារបំផ្ទុះរថយន្តទាំងនេះក៏បណ្តាលឱ្យមនុស្សជាច្រើននាក់រងរបួសផងដែរ ហើយកើតមាននៅតំបន់ ABOU FAS ជាប់ព្រំដែនគ្នារវាងខេត្ត DEIR EZZOR និងខេត្ត HASSAKE ។ ការវាយប្រហារទាំងនេះគឺសំដៅលើមនុស្សម្នាដែលរត់ភៀសខ្លួនចេញពីការប្រយុទ្ធគ្នានៅទីក្រុង DEIR EZZOR ព្រមទាំងលើបណ្តាសមាជិករបស់ ASSAYISH ជាកងកម្លាំងប៉ូលិសឃើតស៊ីរី ។ មុននេះលោករ៉ាមី អាប់ដែលរ៉ាហ៍ម៉ាន់ នាយករបស់ OSDH រៀបរាប់ពីមនុស្សស្លាប់ប្រមាណជា១៨នាក់ ក្នុងចំណោមជនភៀសខ្លួន និងសមាជិកកងកម្លាំងប៉ូលិសឃើត ៕
ចែករំលែកព័តមាននេះ