មកស្គាល់! ស្ត្រីវៀតណាមដំបូងគេបង្អស់ នឹងធ្វើដំណើរទៅកាន់លំហអវកាស
សហរដ្ឋអាម៉េរិក ៖ ស្ត្រីជនជាតិវៀតណាម សញ្ជាតិអាម៉េរិកាំងម្នាក់ នឹងហោះទៅកាន់លំហអវកាសជា
សហរដ្ឋអាម៉េរិក ៖ ស្ត្រីជនជាតិវៀតណាម សញ្ជាតិអាម៉េរិកាំងម្នាក់ នឹងហោះទៅកាន់លំហអវកាសជា
សហរដ្ឋអាម៉េរិក ៖ ស្ត្រីជនជាតិវៀតណាម សញ្ជាតិអាម៉េរិកាំងម្នាក់ នឹងហោះទៅកាន់លំហអវកាសជាផ្នែកនៃយុទ្ធនាការ ដែលត្រូវបានឧបត្ថម្ភដោយអង្គការមិនរកប្រាក់ចំណេញរបស់សហរដ្ឋអាម៉េរិក Space for Humanity។
កញ្ញា Amanda Ngoc Nguyen អាយុ៣២ឆ្នាំ នឹងធ្វើដំណើរទៅកាន់លំហអវកាស ដោយស្របតាមកម្មវិធី Space for Humanity’s Citizen Astronaut Program ដែលមានគោលបំណងផ្តល់សិទ្ធិអំណាចដល់អវកាសយានិកពលរដ្ឋម្នាក់ៗ ក្នុងការដោះស្រាយបញ្ហាប្រឈមជាសកល ជាមួយនឹងទស្សនវិស័យទូលំទូលាយ។
កញ្ញា Amanda Ngoc Nguyen ដែលមានឪពុកម្ដាយជាជនជាតិវៀតណាម បានកើតនៅរដ្ឋកាលីហ្វ័រញ៉ា និងរស់នៅរដ្ឋធានីវ៉ាស៊ីនតោនឌីស៊ី នឹងក្លាយជាស្ត្រីដើមកំណើតវៀតណាមដំបូងបង្អស់ ដែលធ្វើដំណើរទៅកាន់លំហអវកាសដោយយាន New Shepard របស់ក្រុមហ៊ុន Blue Origin ដែលជាក្រុមហ៊ុនផលិតយានអវកាសអាម៉េរិក ក៏ដូចជាក្រុមហ៊ុនសេវាបើកដំណើរការ និងបច្ចេកវិទ្យាអវកាស។
កញ្ញា Amanda ថ្លែងអំពីអារម្មណ៍ថា «ខ្ញុំរំភើបណាស់ ដែលបានធ្វើជាដៃគូជាមួយនឹង Space for Humanity មិនត្រឹមតែសម្រាប់ការគាំទ្ររបស់ពួកគេប៉ុណ្ណោះទេ ប៉ុន្តែក៏បង្ហាញអំពីចក្ខុវិស័យ និងតម្លៃរបស់ពួកគេផងដែរ។ ខ្ញុំទន្ទឹងរង់ចាំការធ្វើដំណើរទៅកាន់លំហអវកាស ក៏ដូចជាការបន្តដំណើររបស់យើងទៅកាន់អនាគតដ៏ត្រចះត្រចង់ និងប្រសើរជាងមុន»។
Amanda ដែលជាប់ឈ្មោះនៅក្នុងប្រជែងពានរង្វាន់ណូបែលសន្តិភាពឆ្នាំ ២០១៩ និងជាប់ជាស្ត្រីឆ្នើមប្រចាំឆ្នាំ ២០២២ គឺជាសកម្មជនសិទ្ធិជនស៊ីវិល និងជាស្ថាបនិកអង្គការក្រៅរដ្ឋាភិបាល Rise ដែលត្រូវបានស្គាល់ថា ការងាររបស់នាងផ្អែកលើច្បាប់សិទ្ធិអ្នករស់រានមានជីវិតពីការរំលោភបំពានផ្លូវភេទ និងការតស៊ូមតិសម្រាប់សិទ្ធិជនជាតិអាម៉េរិក-អាស៊ី។
នៅក្នុងវីដេអូដែលចេញផ្សាយដោយស្ថានទូតអាម៉េរិកប្រចាំប្រទេសវៀតណាម កាលពីថ្ងៃទី២៨ ខែមីនា ឆ្នាំ២០២៤ កន្លងទៅ កញ្ញា Amanda Ngoc Nguyen បាននិយាយជាភាសាវៀតណាម ដែលមានន័យថា «ខ្ញុំគឺជាជនជាតិវៀតណាម ខ្ញុំត្រៀមហោះទៅកាន់ទីលំហ ដើម្បីបង្ហាញនារីវៀតណាមវ័យក្មរងបានឃើញខ្លួនឯងនៅក្នុងចំណោមតារា ហើយអ្វីដែលសំខាន់សម្រាប់ខ្ញុំនោះគឺ ខ្ញុំអាចដឹកសហគមន៍របស់ខ្ញុំនៅក្បែរខ្ញុំ។ ខ្ញុំប្រហែលជាមនុស្សដំបូង ប៉ុន្តែមិនមែនជាមនុស្សចុងក្រោយនោះទេ»។
យ៉ាងណាមិញ មកទល់ពេលនេះ មិនមានកាលបរិច្ឆេទជាក់លាក់ណាមួយ សម្រាប់ការចាប់ផ្តើមយាន New Shepard ដែលត្រូវប្រកាសជាផ្លូវការនោះទេ៕ (ប្រភព ៖ VnExpress)
ចែករំលែកព័តមាននេះ