បន្តិចទៀត… សល់តែឈ្មោះអគារប៊ូឌីញ ឯរូបបាត់ហើយ
រហូតមកទល់ថ្ងៃទី២២ សីហា នេះ ត្រូវបានធ្វើការវាយកម្ទេចចោល
រហូតមកទល់ថ្ងៃទី២២ សីហា នេះ ត្រូវបានធ្វើការវាយកម្ទេចចោល
រាជធានីភ្នំពេញ ៖ អគារប៊ូឌីញ «ស» គឺជាអគារដែលត្រូវបានសាងសង់ឡើងកាលពីឆ្នាំ១៩៦២ និងមកទល់ពេលបច្ចុប្បន្ន គឺមានអាយុកាលជិត៦០ឆ្នាំទៅហើយ ហើយត្រូវបានអ្នករាល់គ្នាបានស្គាល់ និងនាំគ្នាហៅថា «ប៊ូឌីញៗ» ដែលមានទីតាំងនៅតាមបណ្តោយផ្លូវព្រះសុធារស ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
រហូតមកទល់ថ្ងៃទី២២ សីហា នេះ ត្រូវបានធ្វើការវាយកម្ទេចចោលស្ទើរតែបាត់រូបរាងទាំងស្រុង ពីក្រសែភ្នែករបស់បងប្អូនអស់បាត់ទៅហើយ ដោយនៅសល់តែតួអគារផ្នែកខាងជើងបន្តិចបន្តូចតែប៉ុណ្ណោះ ។ ក្រោយពីមានការដោះដូររវាងប្រជាពលរដ្ឋ ដែលរស់នៅក្នុងអគារប៊ូឌីញនេះ ប្រមាណចំនួន៤៩៣គ្រួសារ ជាមួយនិងក្រុមវិនិយោគមកពីប្រទេសជប៉ុនមួយឈ្មោះអារ៉ាកាវ៉ា តាមរយះ លោកទេសរដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ រួចរាល់ក្នុងតម្លៃ១,៤០០ដុល្លារ ក្នុងមួយម៉ែត្រការ៉េរួចមក ។
ក្នុងរយៈពេលមិនដល់មួយខែផង ក្រោយពីប្រជាពលរដ្ឋបាននាំគ្នារុះរើចេញទៅអស់នោះ គេសង្កេតឃើញថា តួអគារប៊ូឌីញ«ស»ស្ទើរតែបាត់រូបរាងស្ទើរតែទាំងស្រុង ពីក្រសែភ្នែករបស់បងប្អូនទៅហើយ ដោយត្រូវបានគេប្រើប្រាស់គរឿងចក្រជាច្រើនគ្រឿង និងមនុស្សជាច្រើននាំគ្នាធ្វើសកម្មភាពវាកម្ទេចចោលទាំងយប់ និងថ្ងៃនោះ។
ចែករំលែកព័តមាននេះ