ពួកគាត់ក្តៅក្រហាយខ្លាំងណាស់….OCIC
ស្ថិតលើដីទំនាស់ដែលរងផលប៉ះពាល់ពីការអភិវឌ្ឍន៍ទីក្រុងរណបជ្រោយចង្វារ ដោយប្រឆាំងនឹងគ្រឿងចក្ររបស់ក្រុមហ៊ុន OCIC
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា នាព្រឹកថ្ងៃទី២២ សីហា នេះ ស្ថិតលើដីទំនាស់ដែលរងផលប៉ះពាល់ពីការអភិវឌ្ឍន៍ទីក្រុងរណបជ្រោយចង្វារ ដោយប្រឆាំងនឹងគ្រឿងចក្ររបស់ក្រុមហ៊ុន OCIC និងអាជ្ញាធរខណ្ឌជ្រោយចង្វារ គឺមានពលរដ្ឋប្រមាណជាជិត៤០នាក់ បានប្រមូលផ្តុំគ្នាជាថ្មីទៀត និងកាន់បដាស្រែកតវ៉ា ទាមទារឱ្យអាជ្ញាធរទាំងអស់ ត្រូវចេញដោះស្រាយបញ្ហាដែលកំពុងប៉ះពាល់លើដីពួកគាត់នេះ ឱ្យទទួលបានសមរម្យផង ។
គួររំរំលឹកថា ប្រជាពលរដ្ឋប្រមាណជិត៥០នាក់ បានផ្ទុះការតវ៉ាដោយប្រមូលកង់រថយន្ត និងកាន់ដបសាំងគំរាមដុតប្រឆាំង នឹងគ្រឿងចក្ររបស់ក្រុមហ៊ុន OCIC និងអាជ្ញាធរខណ្ឌជ្រោយចង្វារ ដែលបានប្រើកម្លាំងចុះទៅរុះរើវាយកម្រេចរបង ដើម្បីស្ថាបនា ផ្លូវនៅលើដីរបស់ពួកគាត់កាន់កាប់ ដែលរងផលប៉ះពាល់ពីការអភិវឌ្ឍន៏ទីក្រុងរណបជ្រោយចង្វារ និងពុំទាន់ដោះស្រាយនោះ ។ ការតវ៉ាបានផ្ទុះឡើងជាថ្មីម្តងទៀត បង្កការភ្ញាក់ផ្អើលកាលពីវេលាម៉ោងប្រមាណ៩ព្រឹកថ្ងៃទី២១ សីហា នេះ ស្ថិតនៅលើដីអភិវឌ្ឍន៍ ក្នុងភូមិដើមគរ សង្កាត់ជ្រោយចង្វារ ខណ្ឌជ្រោយចង្វារ ។
នៅព្រឹកនោះដែរ ក៏មានការប៉ះទង្គិចគ្នា ហើយអាជ្ញាធរដែលដឹកនាំ ដោយលោកហ៊ុន សារុន អភិបាលរងខណ្ឌជ្រោយចង្វារ បានបញ្ជារឱ្យកម្លាំងសណ្តាប់ធ្នាប់ចាប់សែងចៅម្ចាស់ដី ដែលរារាំងបញ្ជូនទៅកាន់សាលាខណ្ឌ តែក្រោយមកក៏បានដោះលែងវិញ ។ ទន្ទឹមនោះ ប្រជាពលរដ្ឋដែលជាម្ចាស់ដីបានចាត់ទុកថា ជាការបំផ្លិចបំផ្លាញរបង និងរំលោភយកដីរបស់ពួកគាត់ ដោយពុំបានដោះស្រាយឱ្យបានសមរម្យឡើយ។
តាមអាជ្ញាធរខណ្ឌជ្រោយចង្វារឱ្យដឹងថា របងដែលអាជ្ញាធរចុះវាយបើកផ្លូវនោះ មានម្ចាស់ឈ្មោះ លី សុវណ្ណរតនា ដែលបានសងរំលោភលើដីក្នុងតំបន់អភិវឌ្ឍន៍ ជ្រោយចង្វារ ។កន្លង មកអាជ្ញាធរក៍បានជួនដំណឹងជាបន្តបន្ទាប់ដើម្បីអោយម្ចាស់រុះរើដោយខ្លួន ឯង តែម្ចាស់មិនស្តាប់តាមការណែនាំអាជ្ញាធរក៏បានប្រើកម្លាំង និងគ្រឿងចក្រចុះមករុះរើតែម្តង ។
ចែករំលែកព័តមាននេះ