យាយអាយុ៧៤ឆ្នាំរងគ្រោះដោយភ្លើងឆេះផ្ទះ បានទទួលអំណោយសប្បុរសជន
ខេត្តស្វាយរៀង ៖ លោកវរៈសេនីយ៍ឯក តូច សារឿន មេបញ្ជាការរងកងរាជអាវុហត្ថខេត្ត និងលោក ឈីវ សារ៉ន អភិបាលរងក្រុងស្វាយរៀង
ខេត្តស្វាយរៀង ៖ លោកវរៈសេនីយ៍ឯក តូច សារឿន មេបញ្ជាការរងកងរាជអាវុហត្ថខេត្ត និងលោក ឈីវ សារ៉ន អភិបាលរងក្រុងស្វាយរៀង
ខេត្តស្វាយរៀង ៖ លោកវរៈសេនីយ៍ឯក តូច សារឿន មេបញ្ជាការរងកងរាជអាវុហត្ថខេត្ត និងលោក ឈីវ សារ៉ន អភិបាលរងក្រុងស្វាយរៀង ព្រមទាំងក្រុមប្រឹក្សាសង្កាត់សង្ឃ័រ មន្ត្រីរាជការ នគបាលប៉ុស្តិ៍រដ្ឋបាលសង្កាត់សង្ឃ័រ នាយទាហាន នាយទាហានរងកងរាជអាវុធហត្ថសរុប៥៣នាក់ បាននាំយក អំណោយជាសម្ភារឧបភោគ បរិភោគ ទៅជូនប្រជាពលរដ្ឋ១គ្រួសារដែលរងគ្រោះដោយភ្លើងឆេះផ្ទះ ឈ្មោះ កែន អិត ភេទស្រី អាយុ៧៤ឆ្នាំ ជាចាស់ជរា មានទីលំនៅភូមិចំបក់ពាម សង្កាត់សង្ឈ័រ ក្រុងស្វាយរៀង។
សម្ភារជាអំណោយរួមមាន អង្ករ១០០គីឡូក្រាម មីចំនួន៦កេះ ស្កសរ៥គីឡូក្រាម-ប៊ីចេង៣គីឡូក្រាម ត្រីខកំប៉ុង៥យួរ ទឹកត្រី៤យួរទឹកស៊ីអ៊ីវ៤យួរ ទឹកបរិសុទ្ធ៣កេះ និងថវិកាចំនួន១លានរៀល។ការយកអំណោយជូនលោកយាយអាយុ៧៤ឆ្នាំនេះ ធ្វើឡើងកាលពីវេលាម៉ោង៨និង៣០នាទីព្រឹក ថ្ងៃទី២៥ ខែកក្កដា ឆ្នាំ២០១៧ នៅភូមិចំបក់ពាម សង្កាត់សង្ឈ័រ ក្រុងស្វាយរៀង។ បើតាមសមត្ថកិច្ចបានឲ្យដឹងថា ផ្ទះដែលឆេះអស់ទាំងស្រុង មានទំហំ៦គុណនឹង៧ម៉ែត្រ ដំបូលប្រក់ហ្វីប្រូ ជញ្ជាំងស័ង្កសី រនាបក្តារ និងមានតយ៉ាបទៅក្រោយ៤ ម៉ែត្រ ទទឹងយ៉ាប៧ម៉ែត្រ ឆេះហ្មត់សល់តែគ្រោងឆ្អឹង។
ទ្រពសម្បត្តិដែលត្រូវខូចខាតរួមមាន ស្រូវចំនួន៥ការ៉ុងធំស្មើ១តោន មាសចំនួន៣តម្លឹង និងខោអាវ មុងផួយ កន្ទេលខ្នើយ ឆេះទាំងអស់ សល់តែមួយចង្កេះជាប់ខ្លួន។ សមត្ថកិច្ចបន្តទៀតថា សមាជិកគ្រួសារជនរងគ្រោះមានចំនួន០៦នាក់បានចេញទៅធ្វើការ និងទៅរៀនអស់សល់តែលោកយាយអាយុ៧៤ឆ្នាំបានទៅផ្ទះអ្នកជិតខាងក៏ត្រូវភ្លើងឆាបឆេះតែម្តង ទម្រាំបានដឹងហួសពេលបាត់ទៅហើយទើបមិនអាចពន្លត់បាន។បើតាមការអះអាងរបស់ម្ចាស់ផ្ទះបានឲ្យដឹងថា មូលហេតុបណ្តាលមកពីទុស្សេខ្សែភ្លើង៕
ចែករំលែកព័តមាននេះ