នាពេលថ្មីៗនេះ កីឡាករ Tyson Fury បានឆ្លើយតបទៅនឹងការទាមទារចង់ប្រកួតជាថ្មីម្តងទៀតរបស់កីឡាកររួមជាតិអង់គ្លេសAnthony Joshua ដោយនិយាយថា៖«វាគឺជាការប្រកួតដ៏ពិសេសមួយដែលពិភពលោកចង់ឃើញ » ។
សូមបញ្ជាក់ថា ម្ចាស់ខ្សែក្រវាត់ជើងឯកទម្ងន់ធ្ងន់ IBF, WBA និង IBO កីឡាករ Anthony Joshua ធ្លាប់សុំប្រកួតជាមួយកីឡាករTyson Fury ម្តងរួចមកហើយបន្ទាប់ពីកីឡាករវ័យ ២៧ឆ្នាំរូបនេះយកឈ្នះកីឡាករWladimir Klitschko កាលពីខែមេសា ។ យ៉ាងណាមិញ កាលពីថ្ងៃអង្គារកន្លងទៅ Anthony Joshua បានលើកឡើងពីបំណងប្រាថ្នារបស់ខ្លួនជាថ្មីម្តងទៀតចំពោះការចង់ប្រកួតជាមួយTyson Fury ។ Anthony Joshua ប្រាប់សារព័ត៌មាន Sky Sports ថា៖«វាគឺជាការប្រកួតដែលមនុស្សគ្រប់គ្នាចង់ឃើញ» ។
ឆ្លើយតបទៅនឹងការទាមទាររបស់ Anthony Joshua ខាងលើ កីឡាករ Tyson Fury បានរៀបរាប់ថា៖«ពិភពលោកចង់ឃើញការប្រកួតរវាងខ្ញុំ និង Anthony Joshua ។ ខ្ញុំបានដើរចេញពីសង្វៀនប្រកួតជាង២ឆ្នាំមកហើយ ដូច្នេះខ្ញុំសុំពេលហ្វឹកហាត់ឡើងវិញសិន សឹមឡើងរេញប្រកួត ។ មានមនុស្សជាច្រើនគិតថា Anthony Joshua អាចយកឈ្នះខ្ញុំបាន ប៉ុន្តែខ្ញុំគិតថា វាជារឿងដែលមិនអាចទៅរួចទេ » ៕
ចែករំលែកព័តមាននេះ