ខេត្តកំពង់ស្ពឺ ៖ យ៉ាងហោចណាស់មនុស្សប្រុសស្រីក្មេងចាស់ជាច្រើននាក់ បានរងរបួសដោយការពុលនំបញ្ចុករបស់ម៉ូយប្រចាំ បណ្តាលឲ្យក្អួតរាគរូសពេញភូមិ តែករណីនេះមិនបណ្តាលឲ្យមានអ្នករងគ្រោះដល់អាយុជីវិតនោះទេ ។
ខេត្តកំពង់ស្ពឺ ៖ យ៉ាងហោចណាស់មនុស្សប្រុសស្រីក្មេងចាស់ជាច្រើននាក់ បានរងរបួសដោយការពុលនំបញ្ចុករបស់ម៉ូយប្រចាំ បណ្តាលឲ្យក្អួតរាគរូសពេញភូមិ តែករណីនេះមិនបណ្តាលឲ្យមានអ្នករងគ្រោះដល់អាយុជីវិតនោះទេ ។
ប្រភពពីមន្ត្រីនគរបាលប៉ុស្តិពេជមុនី បានឲ្យដឹងថាករណីនេះកើតឡើងកាលពីវេលាម៉ោង០៩និង៣០នាទី ថ្ងៃទី១៤ ខែមិថុនា ឆ្នាំ២០១៧ នៅភូមិកន្លែងរមាស ឃុំពេជ្រមុនី ស្រុកគងពិសី ខេត្តកំពង់ស្ពឺ ។ លោកនាយប៉ុស្តិ៍បានប្រាប់ថា ជនរងគ្រោះដែលពុលនំបញ្ចុករបស់ម៉ូយប្រចាំនេះ មានចំនួនសរុប២២ នាក់ស្រី១៥ អ្នកទាំងអស់រងរបួសស្រាល ។ ដោយឡែកនៅភូមិទួលព្រីង ជនរងគ្រោះសរុប១២នាក់ ស្រី៧នាក់ រងរបួសស្រាល ។ ចំណែកអ្នកលក់មានឈ្មោះ តែ នី ហៅ យិច ភេទស្រី អាយុ៦៩ឆ្នាំ នៅភូមផ្ចឹកជ្រុំ ឃុំពេជ្រមុនី ស្រុកគងពិសី ជាអ្នកប្រកបរបរលក់នំបញ្ចុកនៅតាមភូមិ ជាយូរឆ្នាំមកហើយ ។ តាមការសាកសួរពីសំណាក់មន្ត្រី ចំពោះអ្នកលក់ បានប្រាប់ថា គាត់ប្រកបរបរលក់នំបញ្ចុកតាមភូមិ ជាយូរមកហើយ ដោយលក់អស់ជាច្រើនគីឡូ ចំណែកទឹកសម្លវិញ២ធុងឯណោះ មិនដែលមានអ្នកណាពុល ឬវិលមុខដូចលើកនេះឡើយ ។ លើកនេះក៏ដូចលើកមុនដែរ គឺលោកយាយធ្វើដូចសព្វមួយដង ស្រាប់តែម៉ូយ (អ្នកហូបប្រចាំ) ដែលហូបហើយបែរជាមានអាការវិលមុខក្អួតចង្អោរគ្រប់គ្នាតែម្តង ។ គាត់មិនបានដឹងថា តើបណ្តាលមកពីបញ្ហាអ្វីនោះទេ ទើបកើតហេតុទៅជាបែបនេះ ព្រោះចង់មួយជីវិតគាត់ទៅហើយដែលលក់នំបញ្ចុកនេះ គឺមិនដែលមានបញ្ហាកើតឡើងឡើយ ។ លោកនាយប៉ុស្តីបានបញ្ជាក់ប្រាប់នៅល្ងាចថ្ងៃដដែលថា ករណីនេះមិនបណ្តាលឲ្យមានគ្រោះថ្នាក់ដល់អាយុជីវិតអ្នកណាម្នាក់ឡើយ ។ លោកអនុសេនីយ៍ទោ ម៉ែន នុត នាយប៉ុស្តិ៍បានប្រាប់ថា ខាងប៉ុស្តិសែនដី ស្រុកសំរោងទង ក៏មានអ្នករងរបួសដោយអាការពុលនំបញ្ចុកនេះដែរ គឺមានរហូតដល់២ភូមិឯណោះ ក្នុងនោះរួមមានភូមិត្រពាំងកែរ និងភូមិស្រះស្រង់ ឃុំសែនដី ស្រុកសំរោងទង មានចំនួនសរុប៤២នាក់ ស្រី២៨នាក់ ដោយឡែកមានក្មេងដែលធ្ងន់២នាក់ ត្រូវបានក្រុមគ្រួសារយកទៅសង្គ្រោះនៅមន្ទីរពេទ្យខេត្តដោយសារអាការធ្ងន់ធ្ងរពេក ។
លោកវរសេនីយ៍ឯក ឃឹម សុផាន់រ៉ា អធិការនគរបាលស្រុកគងពិសី បានប្រាប់ថា ខាងក្រុមគ្រួពេទ្យបង្អែកស្រុក បានយកនំព្រមទាំងល្បោយ និងទឹកសម្លផងដែរ ទៅកាន់បន្ទប់ពិសោធន៍ ដើម្បីពិនិត្យរកមូលហេតុដែលបណ្តាលឲ្យពុលបែបនេះ តែលទ្ធផលនៅមិនទាន់បញ្ជាក់នៅឡើយរង់ចាំនៅពេលពិនិត្យចប់សិន ៕
ចែករំលែកព័តមាននេះ