ខេត្តស្វាយរៀង ៖ មានករណីអំពើហិង្សាដែលបង្កឡើងដោយក្មេងទំនើង១ក្រុមបានព្រួតគ្នាវាយទៅលើយុវជនម្នាក់ដែលកំពុងអង្គុយលេងនៅសួនឆ្នេរទន្លេវ៉ៃគោ (ទំនប់តាណេង) ខាងមុខហាងមីហឹរអេអាយ បង្កឲ្យមានការភ្ញាក់ផ្អើលដល់ប្រជាពលរដ្ឋយ៉ាងខ្លាំង ដោយក្រុមក្នុងទំនើងគ្មានខ្លាចញញើតដល់សមត្ថកិច្ចឡើយ ។ ករណីនេះ បានកើតឡើងនៅវេលាម៉ោង០៩និង៥នាទីយប់ថ្ងៃទី១២…
ខេត្តស្វាយរៀង ៖ មានករណីអំពើហិង្សាដែលបង្កឡើងដោយក្មេងទំនើង១ក្រុមបានព្រួតគ្នាវាយទៅលើយុវជនម្នាក់ដែលកំពុងអង្គុយលេងនៅសួនឆ្នេរទន្លេវ៉ៃគោ (ទំនប់តាណេង) ខាងមុខហាងមីហឹរអេអាយ បង្កឲ្យមានការភ្ញាក់ផ្អើលដល់ប្រជាពលរដ្ឋយ៉ាងខ្លាំង ដោយក្រុមក្នុងទំនើងគ្មានខ្លាចញញើតដល់សមត្ថកិច្ចឡើយ ។
ករណីនេះ បានកើតឡើងនៅវេលាម៉ោង០៩និង៥នាទីយប់ថ្ងៃទី១២ មករា ២០២៥ ស្ថិតនៅខាងមុខហាងមីហិរមុខសួនច្បារតាបុល ទំនប់តាណេងមាត់ទន្លេវ៉ៃគោ ភូមិស្រះវង់ សង្កាត់ស្វាយរៀង ក្រុងស្វាយរៀង។
បើតាមអ្នកលក់ដូរនៅកន្លែងកើតហេតុបានឲ្យដឹងថា មុនពេលកើតហេតុ គេឃើញយុវជនរងគ្រោះម្នាក់អង្គុយលេងនៅលើសួនច្បារតាបុល មាត់ទន្លេវ៉ៃគោ មិនដឹងជាមូលហេតុអី ស្រាប់តែមានក្រុមក្មេងទំនើង១ក្រុមមានគ្នាប្រមាណ៧ ទៅ០៨នាក់ជិះម៉ូតូចំនួន០៤គ្រឿងពីត្បូងមកជើង មកឈប់ក្បែរជនរងគ្រោះហើយព្រួតវាយទៅលើជនរងគ្រោះយ៉ាងសាហាវតែម្តង មិនដឹងជាមានគំនុំអ្វីទេ ខណៈនោះក៏មានក្មេងស្រី ២នាក់ស្គាល់ជនរងគ្រោះក៏បានជួយឃាត់ពួកក្មេងទំនើងទាំងនោះ ក៏ប៉ុន្តែឃាត់មិនឈ្នះពួកគេវាយតប់ជនរងគ្រោះអស់ចិត្តក៏នាំគ្នាឡើងជិះម៉ូតូទៅផ្តុំគ្នា ជិតបង្គន់អនាម័យសាធារណៈខាងត្បូងកន្លែងកើតហេតុប្រមាណជាង២០០ម៉ែត្រ ស្ថិតក្នុងភូមិមេភ្លើងសង្កាត់ស្វាយរៀង ក្រុងស្វាយរៀង ។
ចំណែកជនរងគ្រោះមានរបួសជាំខ្លួនប្រាណនិងពកក្បាលបានឡើងជិះម៉ូតូគេចខ្លួនពីក្រុមក្មេងទំនើងត្រឡប់ទៅផ្ទះវិញ។
មហាជនបានរិះគន់ថា ក្រុមក្មេងទំនើងធ្វើសកម្មភាព វាយជនរងគ្រោះគឺនៅជិតប៉ុស្តិ៍នគរបាលដែរ ក៏ប៉ុន្តែមិនឃើញមានកម្លាំងសមត្ថកិច្ចការពារសន្តិសុខសណ្តាប់ធ្នាប់នៅចំណុចសួនច្បារមាត់ទន្លេរវ៉ៃគោនេះទេ គួរតែសមត្ថកិច្ចដាក់កម្លាំងប្រចាំការ ដោយសួនច្បារតាបុលមាត់ទន្លេវ៉ៃគោនេះ មានប្រជាពលរដ្ឋ ភ្ញៀវ មកលេងកំសាន្ត និងបរិភោគចំណីអាហារ ច្រើនកុះករ មិនគួរឲ្យថ្លោះធ្លោយ ក្មេងទំនើងធ្វើសកម្មភាពគ្មានកម្លាំងសមត្ថកិច្ចបង្ក្រាប ។
ទាក់ទិនករណីនេះដែរ មន្ត្រីនគបាលនៃអធិការដ្ឋាននគបាលក្រុងស្វាយរៀងបានឲ្យដឹងថា ក្រោយពីទទួលពាក្យបណ្តឹងពីប្រជាពលរដ្ឋភ្លាម លោកអធិការនៃអធិការដ្ឋាននគបាលក្រុងស្វាយរៀងបានបញ្ជាកម្លាំងផ្នែកព្រហ្មទណ្ឌ ចុះទៅកន្លែងកើតហេតុភ្លាមៗដែរ ក៏ប៉ុន្តែពេលទៅដល់ គឺយឺតមួយជំហាន ដោយក្រុមក្មេងទំនើងបានគេចខ្លួនពីកន្លែងកើតហេតុអស់ ចំណែកជនរងគ្រោះក៏ត្រឡប់ទៅផ្ទះបាត់ មិនឃើញមកដាក់ពាក្យបណ្តឹងទេ ។
ប្រភពបន្តថា ទោះបីជាយ៉ាងណា កម្លាំងនគបាលផ្នែកព្រហ្មទណ្ឌកំពុងដុតដៃដុតជើង ធ្វើការស្រាវជ្រាវ រកក្រុមជនដៃដល់មកចាត់ការតាមនីតិវិធី ។ សមត្ថកិច្ចក៏បានប្រកាសឲ្យជនរងគ្រោះ និងក្រុមគ្រួសារជនរងគ្រោះមកដាក់ពាក្យបណ្តឹងនៅអធិការដ្ឋាននគបាលក្រុងស្វាយរៀង ងាយស្រួលសមត្ថកិច្ចមានចំណាត់ការនីតិវិធីដោយករណីនេះ រហូតមកដល់វេលាម៉ោង៣រសៀលថ្ងៃទី១៣ មករា ២០២៥ នេះ នៅមិនទាន់ចាប់ខ្លួនក្រុមក្មេងទំនើងបានទេ ៕
ចែករំលែកព័តមាននេះ