បុរសម្នាក់ជិះកង់ឆ្លងផ្លូវត្រូវរថយន្តបុ.កស្លា.ប់កណ្ដាលយប់ រីឯរថយន្តបន្ថែមល្បឿនបាត់ស្រមោល
- ភ្នំពេញ
ខេត្តបាត់ដំបង៖ បុរសម្នាក់ត្រូវរថយន្តបុកបណ្ដាលឲ្យស្លាប់ ពេលគាត់កំពុងជិះកង់ឆ្លងផ្លូវដោយខ្វះការប្រុងប្រយ័ត្ន កាលពីវេលាម៉ោង១០និង៣០នាទីយប់ថ្ងៃទី ០៤ កក្កដា នៅលើផ្លូវជាតិលេខ៥ ត្រង់ចំណុចភូមិស្វាយធំ ឃុំអូរដំបង២ ស្រុកសង្កែ ប៉ុន្តែរថយន្តមិនត្រូវបានគេស្កាល់ភិនភាគទេ ហើយបានបន្ថែមល្បឿនបើករត់គេចបាត់ស្រម៉ោលទាំងយប់។
របាយការណ៏មន្ត្រីមូលដ្ឋាន បានឲ្យដឹងថា ជនរងគ្រោះ ឈ្មោះ លឿប ឆានីន ភេទប្រុសៃអាយុ៣៤ឆ្នាំ នៅភូមិពុកឆ្មា ឃុំអន្លង់វិល ស្រុកសង្កែ។
ដោយឡែករថយន្តមិនងត្រូវបានគេស្គាល់ភិនភាគទេ ប៉ុន្តែមន្ត្រីចរាចរណ៏បាននិងកំពុងចុះធ្វើការស្រាវជ្រាវនៅឡើយទេ។ របាយការណ៏ដដែលបានឲ្យដឹងថា ជនរងគ្រោះងត្រូវរថយន្តមិនស្គាល់ភិនភាគនោះបុកពេញទំហឹង ពេលដែលគាត់កំពុងព្យាយាមជិះកង់ឆ្លងផ្លូវ កាត់ទទឹងពីមុខរថយន្ត ទើបងត្រូវរថយន្តមុកតែម្ដង។
ប្រធានស្ដីទី ការិយាល័យចរាចរណ៏ជើងគោក លោក ម៉ែន បូរី បានប្រាប់ថា បើតាមស្លាកស្នាមនៅចំណុចកើតហេតុ គេអាចសន្និដ្ឋានបានថា រថយន្តនោះធ្វើដំណើរពីទិសខាងលិច ឆ្ពោះទៅកើត ហើយបានបុកអ្នកជិះកង់ នៅពេលគាត់ព្យាយាមជិះឆ្លងផ្លូវ កាត់ទទឹងមុខរថយន្ត។
លោកបានបញ្ជាក់ថា នៅព្រឹកថ្ងៃទី ០៥ កក្កដា មន្ត្រីជំនាញ បានសហការជាមួយមន្ត្រីមូលដ្ឋាន ដើម្បីចុះទៅកាន់ចំណុចកើតហេតុ ដើម្បីធ្វើការស្រាវជ្រាវ និង ស៊ើបអង្កេត អំពីភិនភាគរថយន្ត តែនៅមិនទាន់មានតម្រុយ ប៉ុន្តែមន្ត្រីជំនាញ នៅតែបន្តធ្វើការស្រាវជ្រាវនៅឡើយ៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ