រៃលុយគ្នាដើម្បីរាំសប្បាយ បែរជាឆោឡោទាំងកណ្តាលយប់
ខេត្តកំពង់ស្ពឺ ៖ មានករណីអំពើហិ.ង្សាមួយបានកើតឡើង ខណៈពេលដែលកំពុងរាំធុងបាសដើម្បីអបអរបុណ្យចូលឆ្នាំថ្មី ដោយយុវជនម្នាក់បានយក
ខេត្តកំពង់ស្ពឺ ៖ មានករណីអំពើហិង្សាមួយបានកើតឡើង ខណៈពេលដែលកំពុងរាំធុងបាសដើម្បីអបអរបុណ្យចូលឆ្នាំថ្មី ដោយយុវជនម្នាក់បានយកពូថៅកាប់ទៅលើជនរងគ្រោះ បណ្តាលឱ្យរងរបួសធ្ងន់ ហេតុការណ៍នេះបង្កការភ្ញាក់ផ្អើលកាលពីយប់ថ្ងៃទី១៣ ខែមេសា ឆ្នាំ២០១៧ វេលាម៉ោង២៣និង០០នាទី នៅចំណុចភូមិត្រពាំងក្រឡូង ឃុំក្សេមក្សាន្ត ស្រុកឧដុង្គ ។
ជនជសង្ស័យឈ្មោះ វណ្ណា គីមលី ភេទប្រុស អាយុ១៨ឆ្នាំ រស់នៅភូមិក្រាំងខ្នុល ឃុំដំណាក់រាំង ស្រុកឧដុង្គ វត្ថុតាងពូថៅដៃប្រវែង០,២៨ម៉ែត្រ ចំណែកជនរងគ្រោះឈ្មោះ ឆុន អេង ភេទប្រុស អាយុ២២ឆ្នាំ រស់នៅភូមិ-ឃុំជាមួយគ្នា បានរបួសចំក្បាល និងគុំត្រចៀកខាងស្តាំ ។
បើតាមប្រភពជំហានដំបូងបានឱ្យដឹងថា មុខពេលកើតហេតុអ្នកភូមិត្រពាំងក្រឡូង បានរៃលុយគ្នាបង្កើតកម្មវិធីចាក់ធុងបាសរាំកម្សាន្ត ដើម្បីអបអរបុណ្យចូលឆ្នាំថ្មីដែលជិតមកដល់ ចំណែកឯជនរងគ្រោះ និងជនសង្ស័យក៏បានមករាំក្នុងកម្មវិធីនោះដែរ ។ ខណៈពេលដែលកំពុងរាំនោះ ជនរងគ្រោះបានជ្រុលជាន់ជើងជនសង្ស័យ ហើយជនសង្ស័យក៏បានដើរទៅយកពូថៅកាប់ទៅលើជនរងគ្រោះ បណ្តាលឱ្យត្រូវចំក្បាល និងគុំត្រចៀករងរបួសធ្ងន់ ។ ភ្លាមៗនោះដែរ ជនរងគ្រោះក៏ត្រូវបានអ្នកភូមិបញ្ជូនទៅមន្ទីរពេទ្យដើម្បីសង្គ្រោះ ហើយក៏រាយការណ៍ទៅសមត្ថកិច្ចដើម្បីជួយអន្តរាគមន៍។
លុះដល់ម៉ោង៥និង៣០នាទីទៀបភ្លឺថ្ងៃដដែល កម្លាំងសមត្ថកិច្ចបានចុះឃាត់ខ្លួនជនសង្ស័យមកអធិការដ្ឋាននគរបាលស្រុក ដើម្បីសាកសួរ និងបញ្ជូនទៅស្នងការដ្ឋាននគរបាលខេត្តចាត់ការតាមនីតិវិធីច្បាប់ ៕
ចែករំលែកព័តមាននេះ