វិបត្តិគ្រួសារដុតផ្ទះប៉ងសម្លា.ប់ប្រពន្ធ-កូនរួចរត់មកលោតទឹក
រាជធានីភ្នំពេញ ៖ វេលាម៉ោង៧និង១៥នាទីព្រឹកថ្ងៃទី៦ ខែមីនា មានហេតុការណ៍ភ្ញាក់ផ្អើលមួយ ខណៈបុរសម្នាក់ធ្វើដំណើរដោយថ្មើរជើងមកលោតទឹកនៅទន្លេបាសាក់
រាជធានីភ្នំពេញ ៖ វេលាម៉ោង៧និង១៥នាទីព្រឹកថ្ងៃទី៦ ខែមីនា មានហេតុការណ៍ភ្ញាក់ផ្អើលមួយ ខណៈបុរសម្នាក់ធ្វើដំណើរដោយថ្មើរជើងមកលោតទឹកនៅទន្លេបាសាក់
រាជធានីភ្នំពេញ ៖ វេលាម៉ោង៧និង១៥នាទីព្រឹកថ្ងៃទី៦ ខែមីនា មានហេតុការណ៍ភ្ញាក់ផ្អើលមួយ ខណៈបុរសម្នាក់ធ្វើដំណើរដោយថ្មើរជើងមកលោតទឹកនៅទន្លេបាសាក់ក្បែរស្ពានព្រះមុនីវង្សថ្មី ស្ថិតក្នុងភូមិព្រែក សង្កាត់ច្បារអំពៅទី១ ខណ្ឌច្បារអំពៅ ដោយខ្លួនប្រាណមានរបួសរលាកភ្លើងពេញខ្លួន ។ បុរសរូបនេះត្រូវបានប្រាប់ថាឈ្មោះ អ៊ុច ធួនវីរៈ អាយុ៣៣ឆ្នាំ មានទីលំនៅក្នុងភូមិម័ល សង្កាត់ដង្កោ ខណ្ឌដង្កោ ។
តាមប្រភពព័ត៌មានឱ្យដឹងថា បុរសខាងលើមានវិបត្តិជាមួយប្រពន្ធ រហូតកើតការខឹងសម្បា ក៏ដុតផ្ទះខ្លួនរស់នៅសព្វថ្ងៃបំផ្លាញចោល រួចដើរមកដល់ច្រាំងទន្លេក្បែរគល់ស្ពានព្រះមុនីវង្សថ្មី ក៏លោតទឹកបំណងសម្លាប់ខ្លួន ឱ្យចប់ធាតុអាក្រក់ ប៉ុន្តែអាយុបាបមិនទាន់អស់ក៏ត្រូវកម្លាំងអាជ្ញាធរជួយសង្គ្រោះ ។
មន្ត្រីអាជ្ញាធរខណ្ឌច្បារអំពៅនិយាយថា ក្រោយពីទទួលបានដំណឹងនេះ អាជ្ញាធរ និងនគរបាលមូលដ្ឋាន បានចុះទៅអន្តរាគមន៍ស្រង់យកបុរសរូបនេះឡើងលើគោក រួចបញ្ជូនទៅសង្គ្រោះនៅមន្ទីរពេទ្យបង្អែកមានជ័យភ្លាមៗដែរ ។ បន្ទាប់ពីសង្គ្រោះឱ្យរស់ហើយនគរបាលក៏បានបញ្ជូនបុរសអគតិនេះប្រគល់ឱ្យខណ្ឌដង្កោចាត់ការបន្ត ។
នាព្រឹកថ្ងៃដដែលនោះ លោកវរសេនីយ៍ទោ ជឹម ស៊ីថា អធិការនគរបាលខណ្ឌដង្កោ បានឱ្យកោះសន្តិភាពដឹងតាមទូរស័ព្ទថា បុរសខាងលើពិតជាមានទីលំនៅក្នុងសង្កាត់ដង្កោ ខណ្ឌដង្កោ ប្រាកដមែន ហើយតែងមានទំនាស់ជាមួយប្រពន្ធខ្លួនជារឿយៗ រហូតធ្លាប់ចង់លែងលះគ្នាជាច្រើនលើកច្រើនសាទៀតផង ។
លោកអធិការបន្តថា នៅយប់ថ្ងៃទី៥ ខែមីនា ប្តីប្រពន្ធនេះបានឈ្លោះប្រកែកគ្នាយ៉ាងខ្លាំង លុះនៅវេលាម៉ោងប្រហែល៤ទៀបភ្លឺថ្ងៃទី៦ ខែមីនាបុរសជាប្តីក៏លួចដុតផ្ទះរបស់ខ្លួនចោល បណ្តាលឱ្យប្រពន្ធដែលកំពុងលង់លក់ក្នុងដំណេករងរបួសធ្ងន់ ត្រូវបានបញ្ចូនទៅសង្គ្រោះនៅមន្ទីរពេទ្យព្រះកុសុមៈ ។ ក្រោយពីដុតផ្ទះរួច បុរសនេះបានរត់គេចខ្លួនបាត់ស្រមោល លុះនៅវេលាម៉ោងប្រមាណ៧ព្រឹក ក៏ឮដំណឹងថាបម្រុងលោតទឹកទន្លេបាសាក់សម្លាប់ខ្លួន នៅខណ្ឌច្បារអំពៅ។
ប្រពន្ធដែលរងគ្រោះឈ្មោះ ស៊ឹម សុថាវី អាយុ២៨ឆ្នាំ មុខរបរលក់ដូរក្នុងសាលារៀនភូមិ៦ សង្កាត់ទួលទំពូងទី២ ខណ្ឌចំការមន ។ ប្តីប្រពន្ធនេះមានកូនស្រីម្នាក់ឈ្មោះ វីរ: ពេជ្ររ៉ូហ្សា បច្ចុប្បន្នអាយុ៦ឆ្នាំ ។
តាមបងប្អូនជនរងគ្រោះបានឱ្យដឹងថា ពីរនាក់ប្តីប្រពន្ធខាងលើបានរៀបការជាមួយគ្នារយៈពេល៧ឆ្នាំមកហើយ បច្ចុប្បន្នរស់នៅជាមួយឪពុកម្តាយខាងប្រពន្ធក្នុងភូមិម័ល សង្កាត់ដង្កោ ។ ទោះជាយ៉ាងណា ពួកគេទាំងពីរនាក់តែងតែឈ្លោះប្រកែកគ្នាជាញឹកញាប់ណាស់ ដោយសារប្តីជាមនុស្សត្រចៀកស ចិត្តស្រាលឆាប់ជឿគេពេក និងមានជំងឺសរសៃប្រសាទផងដែរ លេបថ្នាំរាល់ថ្ងៃ ។ កន្លងមកជិតមួយខែមកហើយ ប្តីប្រពន្ធនេះបានឈ្លោះប្រកែកគ្នារហូត ហើយប្តី្តបានទៅរស់នៅផ្ទះម្ដាយរបស់ខ្លួនទើបនឹងត្រឡប់មករស់នៅជាមួយប្រពន្ធវិញបាន២ទៅ៣ថ្ងៃប៉ុណ្ណោះ ។
ប្រភពដដែលបន្តថា ប្តីប្រពន្ធនេះមានគម្រោងនាំគ្នាទៅរកស៊ីលក់ដូរនៅខេត្តកំពង់ធំនៅព្រឹកថ្ងៃទី៦ មីនា ដោយប្រពន្ធបានរៀបចំបង្វេចខោអាវរួចរាល់អស់ហើយ ស្រាប់តែនៅយប់កើតហេតុមិនដឹងជាមានរឿងអី្វទេ ឮសូរសំឡេងឈ្លោះប្រកែកគ្នា និងឮសំឡេងស្រែក ។
ពេលនោះឪពុកម្តាយស្មានថា ជាការដេកមមើ លុះបន្តិចក្រោយមកស្រាប់តែឮសំឡេងដួលម៉ូតូគ្រាំង ហើយឆាបឆេះចេញជាអណ្តាតភ្លើងសន្ធោសន្ធៅនៅក្នុងផ្ទះជាន់ក្រោម ដែលជាកន្លែងជនរងគ្រោះដេក ។
ពេលនោះស្ថានភាពនៅក្នុងផ្ទះ ហាក់បីដូចជារញ៉េរញ៉ៃ ព្រោះបន្ទប់ដែលឆេះគឺជាប់សោពីខាងក្នុង ។ ស្របពេលនោះ អ្នកជិតខាងមកជួយក៏បានវាយកញ្ចក់បង្អួចនាំយកកូនស្រីចេញមកក្រៅរួចផុតពីអណ្តាតភ្លើង ។ ឯបុរសជាប្តីរត់គេចខ្លួនបាត់ ចំណែកប្រពន្ធត្រូវភ្លើងឆាបឆេះរោលពេញខ្លួន ទម្រាំតែបងប្អូនអ្នកជិតខាងនាំគ្នាវាយបំបែកកញ្ចក់ទ្វារចូលទៅបាញ់ទឹកពន្លត់ ទើបអាចយកជនរងគ្រោះចេញបាន ។ ទោះជាយ៉ាងណា ស្ត្រីជាប្រពន្ធត្រូវអណ្តាតភ្លើងឆាបឆេះតាំងពីត្រឹមកចុះមកដល់ចុងជើង ព្រមទាំងឆេះមុង ភួយ ពូក និងបង្វេចខោអាវផងដែរ ។
បើតាមកូនស្រីនិយាយថា មុនពេលកើតហេតុឪពុកម្តាយនាងឈ្លោះប្រកែកគ្នា បន្ទាប់មកស្រាប់តែឪពុកច្របាច់កម្តាយ រួចផ្តួលម៉ូតូបង្ហូរសាំងនិងដុតម៉ូតូឱ្យឆាបឆេះ ។ ជាមួយនេះ បានរុញម្តាយចូលក្នុងអណ្តាតភ្លើង រួចវាយកញ្ចក់ទ្វារដែលចាក់សោពីខាងក្នុងរត់ចេញទៅក្រៅ ។
ចំណែកម្តាយស្ត្រីរងគ្រោះវិញនិយាយថា កូនប្រសាប្រុសម្នាក់នេះកន្លងមកធ្លាប់ទូរស័ព្ទមកគំរាមថានឹងសម្លាប់ទាំងម្តាយនិងកូនម៉ាពូជតែម្តង ។ ការឆេះនេះគឺខូចខាតម៉ូតូសេ១០០ប៊ិកមួយគ្រឿង និងសម្ភារនៅក្នុងផ្ទះនៅជាន់ក្រោមអស់ស្ទើរទាំងស្រុង ។
លោក វឿក សាមឿន ចៅសង្កាត់ដង្កោ បានចុះទៅសួរសុខទុក្ខជនរងគ្រោះដល់មន្ទីរពេទ្យព្រះកុសុមៈ និងបានឧបត្ថម្ភទឹកប្រាក់ចំនួន១០០ដុល្លារ សម្រាប់ព្យាបាលផងដែរ ។
ដោយឡែក សមត្ថកិច្ចនៅមិនទាន់សាកសួរជនរងគ្រោះពីមូលហេតុដែលឈានដល់ការដុតសម្លាប់នេះនៅឡើយទេ ។ បើតាមវេជ្ជបណ្ឌិតនៅមន្ទីរពេទ្យព្រះកុសុមៈបានឲ្យដឹងថា ស្ថានភាពជនរងគ្រោះធ្ងន់ គឺកម្រិតរលាកដំណាក់កាលទីពីរ ៕
ចែករំលែកព័តមាននេះ