ស្ទាវឥឡូវសាហា.វណាស់ ! ដេញកា.ប់គ្នាដូចរឿងហុងកុង
រាជធានីភ្នំពេញ ៖ ក្មេងស្ទាវមួយក្រុមបានជិះម៉ូតូជាច្រើនគ្រឿងដេញកា.ប់គ្នាដួចរឿងចិនហុងកុង បណ្ដាលឲ្យក្មេងស្ទាវម្នាក់រងរបួសដាច់ដៃខាងស្ដាំយ៉ាងធ្ងន់ធ្ងរហូរឈាមពេញខ្លួន …
រាជធានីភ្នំពេញ ៖ ក្មេងស្ទាវមួយក្រុមបានជិះម៉ូតូជាច្រើនគ្រឿងដេញកាប់គ្នាដួចរឿងចិនហុងកុង បណ្ដាលឲ្យក្មេងស្ទាវម្នាក់រងរបួសដាច់ដៃខាងស្ដាំយ៉ាងធ្ងន់ធ្ងរហូរឈាមពេញខ្លួន ត្រូវរថយន្តសង្គ្រោះដឹកយកទៅមន្ទីរពេទ្យកាល់ម៉ែត្រដើម្បីសង្គ្រោះភ្លាមៗ ។ ហេតុការណ៍នេះកើតឡើងកាលពីវេលាម៉ោង១០ និង៣០នាទីយប់ ថ្ងៃទី២៥ ខែកុម្ភៈឆ្នាំ២០១៧ នៅក្បែរហាងស៊ុបឡុកឡុក២ ផ្លូវលេខ១២២ សង្កាត់ផ្សារដេប៉ូ៣ ខណ្ឌទួលគោក ។
ជនរងគ្រោះដែលត្រូវគេកាប់ឈ្មោះ សឿន បញ្ញា ភេទប្រុស អាយុ១៧ឆ្នាំ ស្នាក់នៅម្ដុំផ្សារ៧មករា ។
ប្រជាពលរដ្ឋ និងអ្នកឃើញហេតុការណ៍បានឲ្យដឹងថា មុនពេលកើតហេតុគេបានឃើញក្រុមក្មេងស្ទាវមួយក្រុមមានគ្នាជិត១០នាក់ ជិះម៉ូតូបីគ្រឿង ពីរគ្រឿង ម៉ាកហុងដាឌ្រីម និងមួយគ្រឿងទៀតម៉ាកនិច តែមិនចាំស្លាកលេខប្រដាប់ដោយដាវសាំមូរ៉ៃ៣ មានទាំងដុំថ្ម និងខ្សែក្រវាត់ គ្រប់ដៃ ជិះម៉ូតូដេញតាមម៉ូតូជនរងគ្រោះពីរគ្រឿង ម៉ាក និច លុះមកដល់ចំណុចផ្លូវលេខ១២២ ក្មេងស្ទាវមួយក្រុមមានគ្នាជាង១០នាក់នោះបានឈប់កាក់ពីមុខម៉ូតូជនរងគ្រោះ ហើយបក្សពួករបស់គេក៏រត់ទៅដេញកាប់ប្រហារដូចជាក្នុងរឿងហុងកុង ធ្វើឲ្យជនរងគ្រោះម្នាក់លោតចុះពីលើម៉ូតូរត់ឡើងទៅលើផ្ទះប្រជាពលរដ្ឋម្តុំនោះសុំឲ្យគេជួយ ចំណែកជនរងគ្រោះបីនាក់ទៀតជិះគេចខ្លួនយ៉ាងលឿនពីកន្លែងកើតហេតុ ។
ប្រភពបន្តថា ក្រុមក្មេងស្ទាវមួយក្រុមនោះនៅតែដេញកាប់ប្រហារជនរងគ្រោះម្នាក់ដែលព្យាយាមរត់ឲ្យគេជួយ បណ្តាលឲ្យរងរបួសដោយកាំបិតចំកដៃខាងស្តាំ(ជិតដាច់) និងត្រូវដងខ្លួនជាច្រើនកាំបិតទៀត រងរបួសធ្ងន់ធ្ងរ ហូរឈាមស្រោចខ្លួន ទើបជនដៃដល់ឈប់កាប់ប្រហារជនរងគ្រោះ ។
ប្រភពនៅកន្លែងកើតហេតុបានបន្ថែមទៀតថា ក្រោយពីក្រុមក្មេងស្ទាវកាប់ប្រហារជនរងគ្រោះគ្មានប្រណីដៃរួច ក៏នាំគ្នារត់គេចខ្លួនទៅបាត់ស្រមោលអស់ភ្លាមៗ គ្មានខ្លាចញញើតសមត្ថកិច្ចបន្តិចឡើយ ។
ប្រជាពលរដ្ឋ និងអ្នកឃើញហេតុការណ៍ បាននិយាយដូចៗគ្នាថា ករណីខាងលើនេះអាចមិនមែនជាករណីប្លន់ទេ តែអាចជារឿងគុំនុំច្រើនជាង ព្រោះជនដៃដល់ចង់កាប់សម្លាប់ជនរងគ្រោះតែម្តង ។
ហើយរឿងមួយទៀត ពួកគាត់សុំឲ្យសមត្ថកិច្ចខណ្ឌ ឬសមត្ថកិច្ចប៉ុស្លិ៍ គួរតែដាក់កម្លាំងល្បាតខ្លះហើយ កុំឲ្យរឿងឆក់ ប្លន់ កាប់ចាក់នេះកើតឡើងខ្លាំងពេក ។ គួរឲ្យប្រជាពលរដ្ឋទុកចិត្តលើពាក្យភូមិ-ឃុំមានសុវត្ថិភាពផង កុំឲ្យដូចជាគេនិយាយថា រឿងកើតឡើងផុតហើយ ទើបមានមុខសមត្ថកិច្ចចុះមកដល់សួរនាំ ៕
ចែករំលែកព័តមាននេះ