កាសែតរុស្ស៊ី ROSSIISKAIA GAZETE រាយការណ៍នាពេលថ្មីៗនេះថា សហគ្រាសរុស្ស៊ី URALVAGONZAVOD (UVZ) សម្រាប់ឆ្នាំ២០១៦ ទទួលបានលទ្ធផលល្អប្រសើរបំផុតពុំធ្លាប់មានពីមុនមក សម្រាប់ការនាំចេញ
កាសែតរុស្ស៊ី ROSSIISKAIA GAZETE រាយការណ៍នាពេលថ្មីៗនេះថា សហគ្រាសរុស្ស៊ី URALVAGONZAVOD (UVZ) សម្រាប់ឆ្នាំ២០១៦ ទទួលបានលទ្ធផលល្អប្រសើរបំផុតពុំធ្លាប់មានពីមុនមក សម្រាប់ការនាំចេញរបស់ខ្លួនក្នុងក្របខណ្ឌនៃកិច្ចសហប្រតិបត្តិការយោធា និងបច្ចេកទេស ។
តាមកាសែតនេះថា ក្នុងឆ្នាំ២០១៥ UVZ ជាប់ចំណាត់ថ្នាក់ទី៦៦ ក្នុងបញ្ជីសហគ្រាសការពារសំខាន់ៗនៃពិភពលោក ក៏ប៉ុន្តែដោយទំហំនៃការលក់របស់ខ្លួនក្នុងឆ្នាំ២០១៦ (១៤១,៩ពាន់លានរូប្លិ៍ប្រមាណ២,២៥ពាន់លានអឺរ៉ូ) ការលក់របស់សហគ្រាសនេះមានការកើនឡើងដល់៣០% បើប្រៀបធៀបទៅនឹងឆ្នាំ២០១៥ ធ្វើឱ្យសហគ្រាសនេះឡើងដល់ចំណាត់ថ្នាក់ទី២០ ចូលទៅក្នុង TOP-50 នៃផលិតករអាវុធ ។
ជោគជ័យនៃគ្រឿងសព្វាវុធរុស្ស៊ីលើទីផ្សារអន្តរជាតិមួយផ្នែកដោយសារការប្រើប្រាស់មានប្រសិទ្ធភាពនៅស៊ីរី ។
ទោះបីរថក្រោះម៉ូដែលចាស់ T-72 និង T-90 ដែលធន់ចំពោះការវាយប្រហារដោយផ្ទាល់ពីសំណាក់មីស៊ីលបញ្ជាអាមេរិកក៏លក់ដាច់ណាស់ដែរ បើប្រៀបធៀបទៅនឹងរថក្រោះប្រយុទ្ធអាមេរិក អាល្លឺម៉ង់ ឬតួកគី ។
ម្យ៉ាងវិញទៀត UVZ ផ្តល់ផលិតផលនានាកាន់តែសុក្រិតឡើង ។ សហគ្រាសនោះក្នុងឆ្នាំ២០១៦ ផលិតជាខ្សែសង្វាក់អាវុធថ្មី៧ប្រភេទ ហើយអាវុធដែលគេចាប់អារម្មណ៍បំផុតគឺរថក្រោះជំនាន់ចុងក្រោយ T-72B3 ។ រថក្រោះធុននេះមានម៉ាស៊ីនយ៉ាងខ្លាំងមួយ និងប្រព័ន្ធបាញ់ទំនើបមួយ ។ ក្រុមហ៊ុននេះក៏ផលិតផងដែរបណ្តារថក្រោះដោះមីន ឬកម្ទេចមីន BMR-3MA ដែលអាចបើកផ្លូវកាត់ចម្ការមីនមួយ ដោយពុំមានការរារាំងដល់ចលនារបស់ក្បួនកងទ័ព ។
ក្រុមហ៊ុន UVZ ក៏ធ្វើឱ្យទំនើបផងដែរដល់អាវុធបាញ់អណ្តាតភ្លើងចល័តធុនធ្ងន់ TOS-1A SOLNTSEPEK រថយន្តវិស្វកម្ម IMR-3M និងត្រាក់ទ័រ DT-10PM ដោយបើកធ្វើផលិតកម្មរថយន្តសង្គ្រោះរបស់ខ្លួនផ្ទាល់ ។
សហគ្រាសនេះបង្ហាញផលិតផលអាវុធថ្មីៗក្នុងបណ្តាពិព័រណ៍អាវុធអន្តរជាតិ ក្នុងនោះមានអាវុធជួយបាញ់ទ្រទ្រង់ TERMINATOR ដាក់តាំងលើរថក្រោះធុន T-72 ប្រព័ន្ធធ្វើឱ្យផ្ទុះពីចម្ងាយបណ្តាគ្រាប់អម្បែង និងគ្រាប់កម្ទេចសម្រាប់រថក្រោះ T-72, T-80 និង T-90 ហើយផលិតរ៉ូបូប្រយុទ្ធបំពាក់កាណុងទំហំ៥៧មីល្លីម៉ែត្រ ។ ពុំមានរថពាសដែកដឹកជញ្ជូនកងទ័ព ឬប្រយុទ្ធរបង់កងទ័ពជើងគោកលើពិភពលោកណាអាចទប់បានចំពោះការវាយប្រហាររបស់វាឡើយ ៕
ចែករំលែកព័តមាននេះ