ខេត្តកំពង់ស្ពឺ ៖ នាព្រឹកថ្ងៃទី៤ កក្កដា នៅអង្គការបណ្តុះបណ្តាលនិងថែរក្សាកុមារកំព្រា ស្រុកភ្នំស្រួច ស្ថិតក្នុងភូមិទី១ (ដីអំបិល) ឃុំត្រែងត្រយឹង មានប្រារព្ធធ្វើកម្មវិធីផ្លាស់ប្តូរទស្សនកិច្ចសិក្សាសារ៉ូស (Saros) រវាងនិស្សិតកម្ពុជា-វៀតណាម ដែលកម្មវិធីនេះសហការដោយសារ៉ូស និងមណ្ឌលកុមារកំព្រា ។
ខេត្តកំពង់ស្ពឺ ៖ នាព្រឹកថ្ងៃទី៤ កក្កដា នៅអង្គការបណ្តុះបណ្តាលនិងថែរក្សាកុមារកំព្រា ស្រុកភ្នំស្រួច ស្ថិតក្នុងភូមិទី១ (ដីអំបិល) ឃុំត្រែងត្រយឹង មានប្រារព្ធធ្វើកម្មវិធីផ្លាស់ប្តូរទស្សនកិច្ចសិក្សាសារ៉ូស (Saros) រវាងនិស្សិតកម្ពុជា-វៀតណាម ដែលកម្មវិធីនេះសហការដោយសារ៉ូស និងមណ្ឌលកុមារកំព្រា ។
ពិធីនេះប្រារព្ធធ្វើក្រោមអធិបតីភាពលោកម៉ម ឈៀង នាយកសាលាអភិវឌ្ឍន៍មជ្ឈមណ្ឌលចំការចេក លោកអុំ សារិត អធិការរងនគរបាល ស្រុកភ្នំស្រួច លោកជុច កង ប្រធានក្រុមប្រឹក្សា ឃុំត្រែងត្រយឹង ។ ចូលរួមក្នុងពិធីនោះដែរ មានតំណាងឱ្យបុគ្គលិកមណ្ឌលកុមារកំព្រា លោកសុខ សារ៉ាត សមាជិកអង្គការ O.P.T.O លោក ស្រី JENEH CAROL ទន្តបណ្ឌិតនៅសហរដ្ឋអាមេរិក លោកមឿន ចំរើន អ្នកគ្រប់គ្រងផ្ទាល់កុមារកំព្រា , តំណាងអង្គការ KYSD លោក VESLY ប្រធាន SAROS Exchange Program ព្រមទាំងកុមារា កុមារី កំព្រា និងនិស្សិតកម្ពុជា និងនិស្សិតវៀតណាមសរុបជិត២០០នាក់ ។
លោកកែវ សុភ័ណ បានបង្ហាញពីការរីកលូតលាស់នៃកុមារកំព្រាក្នុងមណ្ឌល ដោយមានការឧបត្ថម្ភពីសម្តេចអគ្គមហាធម្មពោធិសាល ជា ស៊ីម តាមរយៈលោកជំទាវផេង គន្ធាបុរី នាយិកាពិធីការ ព្រមទាំងការគាំទ្រ និងជួយ ឧបត្ថម្ភពីលោកសាយ ឈុំ តំណាងរាស្ត្រមណ្ឌល កំពង់ស្ពឺ និងជាអនុប្រធានទី២នៃរដ្ឋសភា រួមទាំងសប្បុរសជនជាច្រើនទៀត ។
ក្នុងមណ្ឌលកុមារកំព្រានេះ មានបុគ្គលិក គ្រប់គ្រងចំនួន១៧នាក់ (ស្រី៥នាក់) កុមារកំព្រាចំនួន១២២នាក់ ដែលមានអាយុចាប់ពី២ឆ្នាំ ដល់១៦ឆ្នាំ ។ មណ្ឌលបានបណ្តុះបណ្តាលបង្រៀនភាសាខ្មែរភាសាអង់គ្លេស ភាសាកូរ៉េ និងមុខវិជ្ជារូបវិទ្យា គីមី គណិតវិទ្យា កុំព្យូទ័រ អំពីសិទ្ធិកុមារ និងត្បាញក្រមា ។ មណ្ឌលក៏មានការដឹកនាំពីវិធីដាំដំណាំ សម្រាប់ផ្គត់ផ្គង់ជីវភាពប្រចាំថ្ងៃផងដែរ ។
លោកស្រីវេជ្ជបណ្ឌិត JENEH CAROL បានលើកឡើងថា ជាង១០ឆ្នាំហើយដែលលោកស្រីបានមករស់នៅជាមួយកុមារបែបនេះនៅកម្ពុជាក្នុងនាមជួយផ្នែកសុខភាពកុមារ និងឧបត្ថម្ភអស់ពីចិត្តពីថ្លើម ដើម្បីការពារសិទ្ធិកុមារដោយពុំរើសអើង ។ លោកម៉ម ឈៀង មានប្រសាសន៍ថា ជីវិតកុមារកំព្រានៅពេលនេះ កំពុងតែមានការគាំទ្រពុំដាច់រយៈដោយការផ្តល់ស្បៀង ផ្តល់ចំណេះវិជ្ជាទូទៅ ដើម្បីឱ្យពួកគេក្លាយជាពន្លកធនធានមនុស្សដ៏ថ្លៃថ្នូរសម្រាប់ប្រទេសជាតិនាអនាគត ដោយមានការបណ្តុះបណ្តាលពីអាយុតិចឱ្យមានកម្រិតវៃឆ្លាត រហូតឈានទៅអនុវិទ្យាល័យ វិទ្យាល័យ និងមហាវិទ្យាល័យផងដែរ។
តំណាងនិស្សិតខ្មែរ-វៀតណាម និងអាេមរិកមានចំនួន២៤នាក់ បានមកទស្សនកិច្ច និងជួយការងារដល់កុមារកំព្រាក្នុងរយៈពេល២សបា្តហ៍នៅកម្ពុជា និង២សបា្តហ៍នៅវៀតណាម ដែលនេះជាកិច្ចសហការសាមគ្គីភាពរវាងគ្នានឹងគ្នា ដើម្បីជួយគ្នា ទោះបីភាសាខុសគ្នាក៏ដោយ ៕
ចែករំលែកព័តមាននេះ