រហូតដល់ល្ងាចថ្ងៃនេះ ផ្លូវចម្ការដូងនៅតែបិទចរាចរ
រាជធានីភ្នំពេញ ៖ កំណាត់ផ្លូវលេខ២១៧ ហៅផ្លូវចំការដូង រហូតមកដល់ល្ងាចថ្ងៃទី២៣ ខែតុលា ឆ្នាំ២០១៦នេះគឺមានរយៈពេល៦ថ្ងៃហើយ គឺនៅតែបិទចរាចរមិនទាន់ឲ្យ …
រាជធានីភ្នំពេញ ៖ កំណាត់ផ្លូវលេខ២១៧ ហៅផ្លូវចំការដូង រហូតមកដល់ល្ងាចថ្ងៃទី២៣ ខែតុលា ឆ្នាំ២០១៦នេះគឺមានរយៈពេល៦ថ្ងៃហើយ គឺនៅតែបិទចរាចរមិនទាន់ឲ្យ …
រាជធានីភ្នំពេញ ៖ កំណាត់ផ្លូវលេខ២១៧ ហៅផ្លូវចំការដូង រហូតមកដល់ល្ងាចថ្ងៃទី២៣ ខែតុលា ឆ្នាំ២០១៦នេះគឺមានរយៈពេល៦ថ្ងៃហើយ គឺនៅតែបិទចរាចរមិនទាន់ឲ្យយានយន្តគ្រប់ប្រភេទធ្វើដំណើរឆ្លងកាត់នៅឡើយទេ ព្រោះទឹកនៅតែលិច និងហូរកាត់យ៉ាងខ្លាំងដដែលទោះបីជាទឹកបានស្រកចុះច្រើនក៏ដោយ ។
ប្រភពបានឲ្យដឹងថា ផ្លូវចំការដូងមិនត្រឹមតែត្រូវទឹកលិចប៉ុណ្ណោះទេ ថែមទាំងទឹកបានហូរកាត់ផ្ដាច់មួយកន្លែងមានប្រវែងជាង១០ម៉ែត្រនៅចំណុចភូមិព្រែកកំពឹស សង្កាត់ព្រែកកំពឹស ខណ្ឌដង្កោ ដែលអាចបង្កឲ្យមានគ្រោះថ្នាក់បានគ្រប់ពេលវេលាទៀតផង ។ ម្យ៉ាងទៀតទឹកស្ទឹងព្រែកត្នោតក៏ត្រូវបានមើលឃើញថា មានការស្រកចុះច្រើនដែរ ប៉ុន្តែភូមិឋានរបស់បងប្អូនប្រជាពលរដ្ឋជាច្រើនខ្នងស្ថិតនៅក្នុងសង្កាត់នានាមានដូចជាសង្កាត់ក្រាំងពង្រ, សាក់សំពៅ, គងនយ ,រលួស ,ទៀន ,ព្រែកកំពឹស ស្ពានថ្ម នៅតែបន្តលិចនៅឡើយ ដោយស្រូវជាច្រើនរយហិចតា រួមនិងដំណាំកសិផលផ្សេងៗទៀតបានរងការលិចលង់ ហើយមួយចំនួនធំបានរងការខូចខាតទាំងស្រុង ចំណែកមួយចំនួនទៀតកំពុងប្រឈមទៅនឹងការរលួយខូចខាតបណ្ដើរៗដែរហើយ ។
ប្រភពបន្តទៀតថា ប្រជាពលរដ្ឋជាច្រើនរួមជាមួយសត្វពាហនៈ គោ ក្របី មាន់ ទា របស់ពួកគាត់ នៅតែបន្តរស់នៅលើទីទួលសុវត្ថិភាព មិនទាន់អាចត្រឡប់ទៅកាន់លំនៅឋានរបស់ខ្លួនវិញនៅឡើយទេ ។ ទោះជាបែបនេះក្ដីបងប្អូនប្រជាពលរដ្ឋទាំងនោះ បានអនុវត្តបានតាមការណែនាំរបស់អាជ្ញាធរគ្រប់លំដាប់ថ្នាក់ ដែលបានធ្វើការផ្សព្វផ្សាយឲ្យពួកគាត់មានការប្រុងប្រយ័ត្នខ្ពស់ នៅពេលមានទឹកជំនន់នេះជាមួយសត្វអសិរពឹសផ្សេងៗ ជាពិសេសការពារកូនចៅតូចៗកុំឲ្យធ្លាក់ទឹកស្លាប់ ឬពេលផឹកស្រាស្រវឹងចុះទៅដាក់មង និងងូតទឹកនាំឲ្យលង់ស្លាប់ជាដើម ៕
ចែករំលែកព័តមាននេះ