រាជធានីភ្នំពេញ ៖ ការប្រកួតបាល់ទាត់មិត្តភាពយុវជនអន្តរក្រសួង-ស្ថាប័នប្រចាំឆ្នាំ២០១៥ វគ្គជម្រុះដែលបានធ្វើឡើងនៅលើទីលានសិប្បនិមិត្តទួលគោក បានឈានចូលដល់ទីបញ្ចប់ហើយគិតត្រឹមថ្ងៃអាទិត្យ ទី២៩ វិច្ឆិកា កន្លងមកនេះ ។
រាជធានីភ្នំពេញ ៖ ការប្រកួតបាល់ទាត់មិត្តភាពយុវជនអន្តរក្រសួង-ស្ថាប័នប្រចាំឆ្នាំ២០១៥ វគ្គជម្រុះដែលបានធ្វើឡើងនៅលើទីលានសិប្បនិមិត្តទួលគោក បានឈានចូលដល់ទីបញ្ចប់ហើយគិតត្រឹមថ្ងៃអាទិត្យ ទី២៩ វិច្ឆិកា កន្លងមកនេះ ។
សម្រាប់ការប្រកួតនៅក្នុងពូល«ច» កាលពីថ្ងៃសុក្រទី២៧ វិច្ឆិកា ក្រុមក្រសួងការងារបណ្ដុះបណ្ដាល និងវិជ្ជាជីវៈ បានយកឈ្នះក្រុមក្រសួងដែនដីនគរូបនីយកម្ម និងសំណង់ ៦-២ ។ មួយប្រកួតទៀត ក្រុមធនាគារជាតិនៃកម្ពុជា ឈ្នះក្រុមក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច ៤-១ ។ ចំណែកការប្រកួតកាលពីថ្ងៃសៅរ៍ ទី២៨ វិច្ឆិកា ក្រុមអាជ្ញាធរសវនកម្មជាតិ ឈ្នះក្រុមក្រសួងបរិស្ថាន៤-៣ និងមួយប្រកួតទៀតក្រុមក្រសួងសុខាភិបាលឈ្នះក្រុមក្រសួងប្រៃសណីយ៍ និងទូរគមនាគមន៍កម្ពុជា ៥-១ ។
ដោយឡែកសម្រាប់ការប្រកួតកាលពីថ្ងៃអាទិត្យទី២៩ វិច្ឆិកា ដែលជាថ្ងៃប្រកួតជម្រុះចុងក្រោយតាមពូល ក្រុមក្រសួងការបរទេស និងសហប្រតិបត្តិការអន្តរជាតិ ឈ្នះក្រុមក្រសួងវប្បធម៌ និងវិចិត្រសិល្បៈ ៣-០ ។ ដូច្នេះពេលនេះគេបានរកឃើញក្រុមដែលត្រូវឡើងទៅប្រកួតនៅវគ្គជម្រុះ១២ក្រុមចុងក្រោយជាបន្តទៀតហើយនៅសប្ដាហ៍ក្រោយនេះដែលធ្វើឡើងចាប់ពីថ្ងៃចន្ទ ទី៣០ វិច្ឆិកា ដល់ថ្ងៃសៅរ៍ ទី៥ ធ្នូ។ នៅថ្ងៃចន្ទមាន២ប្រកួតគឺជាការជួបគ្នារវាងក្រុមក្រសួងសុខាភិបាល លេខ១ពូល«ក» ប្រកួតជាមួយក្រុមក្រសួងទេសចរណ៍ លេខ២ពូល«ខ» ។ មួយប្រកួតទៀត ក្រុមក្រសួងសង្គមកិច្ចអតីតយុទ្ធជន និងយុវនីតិសម្បទា លេខ១ពូល«ខ» ប្រកួតជាមួយក្រុមក្រសួងបរិស្ថាន លេខ២ពូល«ក» ។
នៅថៃ្ងសុក្រ ទី៤ ធ្នូ ក្រុមក្រសួងធនធានទឹក និងឧតុនិយម លេខ១ពូល«គ» ប្រកួតជាមួយក្រុមក្រសួងពាណិជ្ជកម្ម លេខ២ពូល«ឃ» និងមួួយប្រកួតទៀតក្រុមសាលារាជធានីភ្នំពេញ លេខ១ពូល«ឃ» ប្រកួតជាមួយក្រុមក្រសួងអប់រំ យុវជន និងកីឡា លេខ២ពូល«គ» ។ នៅថ្ងៃសៅរ៍ ទី៥ ធ្នូ ក្រុមក្រសួងសាធារណការនិងដឹកជញ្ជូនលេខ១ពូល«ង» ប្រកួតជាមួយក្រុមក្រសួងការងារ និងបណ្ដុះបណ្ដាលវិជ្ជាជីវៈ លេខ២ពូល«ច» និងមួយប្រកួតទៀតក្រុមធនាគារជាតិនៃកម្ពុជាលេខ១ពូល«ច» ប្រកួតជាមួយក្រុមក្រសួងការបរទេសនិងសហប្រតិបត្តិការអន្តរជាតិ លេខ២ពូល«ង» ៕
ចែករំលែកព័តមាននេះ