រាជធានីភ្នំពេញ ៖ សេចក្តីរាយការណ៍បានឱ្យដឹងថា ទីតាំងដីឡូត៍មួយកន្លែងស្ថិតនៅក្នុងដីឡូត៍លេខ៣១ ផ្លូវ៣១៥ សង្កាត់បឹងកក់១ ខណ្ឌទួលគោក បានដុតផាវ និងកាំជ្រួចបើកការដ្ឋានសាងសង់ខុនដូ
រាជធានីភ្នំពេញ ៖ សេចក្តីរាយការណ៍បានឱ្យដឹងថា ទីតាំងដីឡូត៍មួយកន្លែងស្ថិតនៅក្នុងដីឡូត៍លេខ៣១ ផ្លូវ៣១៥ សង្កាត់បឹងកក់១ ខណ្ឌទួលគោក បានដុតផាវ និងកាំជ្រួចបើកការដ្ឋានសាងសង់ខុនដូបង្កឱ្យមានការភ្ញាក់ផ្អើលដល់ប្រជាពលរដ្ឋរាយការណ៍ទៅអាជ្ញាធរ និងសមត្ថកិច្ចចុះមកពិនិត្យ កាលពីវេលាម៉ោង៩ និង២០នាទីព្រឹក ថ្ងៃទី២៦ វិច្ឆិកា ២០១៥ នេះ។
ហេតុការណ៍នេះបានធ្វើឱ្យផ្អើលដល់លោកប៉ាង លីដា អភិបាលរងខណ្ឌទួកគោក រួមទាំងកងរាជអាវុធហត្ថ និងប៉ូលិសចុះមកមើលព្រោងព្រាតនៅកន្លែងកើតហេតុ ខណៈពេលដែលសន្តិសុខត្រូវបានពង្រឹងនៅក្នុងឱកាសនៃព្រះរាជពិធីបុណ្យអុំទូក។
គួរបញ្ជាក់ថា ដីឡូត៍ខាងលើនេះត្រូវគេអះអាងថា ជាគម្រោងរបស់លោកឧកញ៉ា ជា សុខហេង ហើយកាលពីដើមឡើយ ដីឡូត៍នេះជារបស់លោកឧកញ៉ា វេង តិចឡា ម្ចាស់វិមានសុភមង្គល ដែលពីប៉ុន្មានខែមុននេះត្រូវបានលក់ទៅឱ្យក្រុមហ៊ុនមួយ ហើយក្រុមហ៊ុននោះបានធ្វើការវាយកម្ទេចចោល ខណៈនោះត្រូវអាជ្ញាធរចុះមកហាមឃាត់ម្តងហើយ ហើយពេលនេះបានចាប់ផ្តើមបើកការដ្ឋានសាងសង់ខុនដូដុតផាវ និងកាំជ្រួចធ្វើឱ្យផ្អើលដល់អាជ្ញាធរ និងសមត្ថកិច្ចចុះមកហាមឃាត់ជាថ្មីម្តងទៀត។
ពេលនេះសមត្ថកិច្ចបានឃាត់ជនជាតិចិននៅក្នុងការដ្ឋាននោះដើម្បីធ្វើការសាកសួរសិន រង់ចាំសុំគោលការណ៍ពីសាលារាជធានីភ្នំពេញ៕
ចែករំលែកព័តមាននេះ