ខេត្តបាត់ដំបង ៖ សមត្ថកិច្ចនៃស្នងការដ្ឋានខេត្ត បានធ្វើការឃាត់ខ្លួនមន្ត្រីយោធាម្នាក់ កាលពីវេលាម៉ោង១០ និង៣៥នាទីយប់ថ្ងៃទី២២ វិច្ឆិកា ២០១៥ ខណៈដែលមន្ត្រីយោធារូបនេះ បានយកកាំភ្លើងបា.ញ់បោះសេរីនៅក្នុងបន្ទប់ខារ៉ាអូខេមួយកន្លែងបង្កឱ្យមានការភ្ញាក់ផ្អើល ស្ថិតក្នុងភូមិរំចេក៤ សង្កាត់រតនៈ ក្រុងបាត់ដំបង ។
ខេត្តបាត់ដំបង ៖ សមត្ថកិច្ចនៃស្នងការដ្ឋានខេត្ត បានធ្វើការឃាត់ខ្លួនមន្ត្រីយោធាម្នាក់ កាលពីវេលាម៉ោង១០ និង៣៥នាទីយប់ថ្ងៃទី២២ វិច្ឆិកា ២០១៥ ខណៈដែលមន្ត្រីយោធារូបនេះ បានយកកាំភ្លើងបាញ់បោះសេរីនៅក្នុងបន្ទប់ខារ៉ាអូខេមួយកន្លែងបង្កឱ្យមានការភ្ញាក់ផ្អើល ស្ថិតក្នុងភូមិរំចេក៤ សង្កាត់រតនៈ ក្រុងបាត់ដំបង ។
ប្រភពបានឱ្យដឹងថា មន្ត្រីយោធាខាងលើឈ្មោះរ័ត្ន សៅបញ្ញា អាយុ៣៦ឆ្នាំ នៅអង្គភាពកងរថក្រោះ ។
ប្រភពបន្តថា ជននេះ រួមជាមួយបក្សពួក២នាក់ទៀត ដែលស្ថិតក្នុងស្ថានភាពស្រវឹងជោកជាំ បាននាំគ្នាចូលច្រៀងខារ៉ាអូខេយីហោ «ព្រីនសេស» ដែលមានទីតាំងនៅភូមិ-ឃុំខាងលើ ស្រាប់តែមួយសន្ទុះ ជនដៃដល់បានចេញមកខាងក្រៅ យកកាំភ្លើងពីក្នុងរថយន្ត ដើរចូលក្នុងបន្ទប់ច្រៀងវិញ ក៏បាញ់ផ្អើលពេញបន្ទប់ខារ៉ាអូខេតែម្ដង ។
បើតាមនារីបម្រើការនៅទីនោះបាននិយាយថា បុរសបង្កដែលស្រវឹងជោកនោះ ដកកាំភ្លើងខ្លីបាញ់ដោយសារវង្វេងវង្វាន់រឿងបាត់ទូរស័ព្ទដែលមិនដឹងថា ទូរស័ព្ទខ្លួនបាត់ ឬភ្លេចនៅកន្លែងណាទេ ស្រាប់តែមកបង្ករឿងបាញ់បោះផ្អើលពេញក្លិបខារ៉ាអូខេ ។ ជននេះត្រូវបកម្លាំងសមត្ថកិច្ចចាប់វាយខ្នោះ នាំទៅស្នងការទាំងយប់ដើម្បីសួរនាំ ។
ប្រភពពីសមត្ថកិច្ចឱ្យដឹងទៀតថា ប៉ុន្មានថ្ងៃមុន ជននេះបានប្រើប្រាស់អាវុធបាញ់ផ្អើលក្លិបខារ៉ាអូខេ «ព្រីនសេស» នេះ ម្ដងហើយ តែសមត្ថកិច្ចគ្រាន់តែព្រមាន និងឱ្យធ្វើកិច្ចសន្យា ។ តែពេលផឹកស៊ីស្រវឹង ជននេះបាញ់បោះសេរីដដែល ។ បច្ចុប្បន្នជនដៃដល់
កំពុងស្ថិតក្រោមការគ្រប់គ្រងរបស់សមត្ថកិច្ចនៅក្នុងស្នងការនៅឡើយ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ