ខេត្តរតនគិរី ៖ ក្រុមការងារគណបក្សប្រជាជនកម្ពុជា ដឹកនាំដោយលោក ប៊ី ជីវ័នតារា អនុប្រធានគណៈកម្មាធិការគណបក្សប្រជាជនកម្ពុជា ក្រុងបានលុង រួមជាមួយក្រុមការងារជាច្រើននាក់ទៀតបាននាំអំណោយយកទៅជូន
ខេត្តរតនគិរី ៖ ក្រុមការងារគណបក្សប្រជាជនកម្ពុជា ដឹកនាំដោយលោក ប៊ី ជីវ័នតារា អនុប្រធានគណៈកម្មាធិការគណបក្សប្រជាជនកម្ពុជា ក្រុងបានលុង រួមជាមួយក្រុមការងារជាច្រើននាក់ទៀតបាននាំអំណោយយកទៅជូនក្រុមគ្រួសារ លោក យិន ទូច អាយុ៣៤ឆ្នាំ មុខរបរកម្មករកែច្នៃកៅស៊ូ និងប្រពន្ធ នាង វណ្ណសោភា អាយុ៣០ឆ្នាំ រស់នៅភូមិកម្មករ៣ សង្កាត់កាចាញ ក្រុងបានលុង ដែលជួបបញ្ហាកូនលង់ទឹកស្លាប់ កាលពីវេលាម៉ោង៤ និង៣០នាទីល្ងាច ថ្ងៃទី១៧ កញ្ញា ២០១៥ ។
លោក ប៊ី ជីវ័នតារា អនុប្រធានគណៈកម្មាធិការគណបក្សប្រជាជនកម្ពុជា ក្រុងបានលុង បានឱ្យដឹងថា ក្រុមគ្រួសារខាងលើ មានកូនប្រុសម្នាក់ឈ្មោះ ទូច សុភូ អាយុ៦ឆ្នាំ បានលង់ទឹកស្លាប់កាលពីម៉ោង១២ថ្ងៃត្រង់ ថ្ងៃទី១៦ ខែកញ្ញា ឆ្នាំ២០១៥ នៅអណ្តូងខាងក្រោយផ្ទះ ។ ដោយមើលឃើញក្រុមគ្រួសាររងគ្រោះមានជីវភាពក្រីក្រពេក ក្រុមការងារបក្សបាននាំអំណោយយកទៅចែកជូនរួមមាន អង្ករ១បាវ ទម្ងន់៥០គីឡូក្រាម លុយខ្មែរ៧០ម៉ឺនរៀល ដើម្បីជួយរំលែកទុក្ខដល់ពួកគាត់ និងគ្រាន់ដោះទ័លបានមួយគ្រា ។
លោក ប៊ី ជីវ័នតារា បានបន្តទៀតថា កន្លែងណាមានទុក្ខលំបាក និងជួបគ្រោះអាសន្នអំពីបញ្ហាផ្សេងៗ គណបក្សប្រជាជនតែងតែមើលឃើញ និងនាំយកអំណោយទៅចែកជូន ដោយមិនប្រកាន់និន្នាការ ព្រោះថាសុទ្ធតែជាតិសាសន៍ខ្មែរដូចគ្នា ។ ចំណែកក្រុមគ្រួសាររងគ្រោះក៏បានថ្លែងអំណរគុណដល់គណៈកម្មាធិការគណបក្សក្រុងបានលុង ដែលបានជួយរំលែកទុក្ខលំបាក់ដល់ប្រជាជនដែលជួបប្រទះភាពក្រីក្រ ដូចក្រុមគ្រួសាររបស់គាត់ជាដើម ៕
ចែករំលែកព័តមាននេះ