ខេត្តក្រចេះ ៖ ជនជាមុខសញ្ញាប្រុស-ស្រីពីរនាក់ជាមួយនិងថ្នាំញៀនពីរកញ្ចប់ធំដែលពួកគេបានយកញាត់ចូលក្នុងសំបកផ្លែសាវម៉ាវសម្រាប់បន្តការជួញដូរត្រូវនគរបាលស្រុកឆ្លូងឆ្មក់បង្ក្រាបបានកាលពីល្ងាចថ្ងៃទី៣
ខេត្តក្រចេះ ៖ ជនជាមុខសញ្ញាប្រុស-ស្រីពីរនាក់ជាមួយនិងថ្នាំញៀនពីរកញ្ចប់ធំដែលពួកគេបានយកញាត់ចូលក្នុងសំបកផ្លែសាវម៉ាវសម្រាប់បន្តការជួញដូរត្រូវនគរបាលស្រុកឆ្លូងឆ្មក់បង្ក្រាបបានកាលពីល្ងាចថ្ងៃទី៣ កក្កដា។
នគរបាលស្រុកឆ្លូងបានឲ្យដឹងថា ជនសង្ស័យទាំងពីរនាក់ ម្នាក់ឈ្មោះអាត គា ភេទប្រុស អាយុ៣០ឆ្នាំ និងស្ត្រីម្នាក់ទៀតឈ្មោះឈឿន ស្រីវី អាយុ៣៨ឆ្នាំ ជនជាតិខ្មែរអ៊ិស្លាម អ្នកទាំងពីររស់នៅស្រុកមេម៉ត់ ខេត្តត្បូងឃ្មុំ ជាមុខសញ្ញាជួញដូរគ្រឿងញៀនសកម្មទាំងពីរនាក់។
អធិការនគរបាលស្រុកឆ្លូងលោកវរសេនីយ៍ត្រី ឌួង សុទ្ឋី បានឲ្យដឹងថា ក្នុងការចាប់ឃាត់ខ្លួនជនសង្ស័យប្រុសស្រីទាំងពីរនាក់ នគរបាលបានឆែកឆេររកឃើញថ្នាំញៀនប្រភេទម៉ាទឹកកកចំនួន២កញ្ចប់ធំដែលពួកគេយកញាត់ចូលទៅក្នុងផ្លែសាវម៉ាវដើម្បីយកជួញដូរបន្ត។
នគរបាលបានឲ្យដឹងថា ថ្នាំញៀនទាំងពីរកញ្ចប់នេះ ត្រូវបានក្រុមជនសង្ស័យញាត់ចូលក្នុងផ្លែសាវម៉ាវ ដើម្បីយកមកជួញដូរនៅក្នុងស្រុកឆ្លូង។ លោកអធិការបានបញ្ជាក់ថា ជនសង្ស័យទាំងពីរនាក់នេះ ត្រូវបាននគរបាលដាក់ការឃ្លាំមើលជាយូរមកហើយលើករណីជួញដូរគ្រឿងញៀន៕
ចែករំលែកព័តមាននេះ