រាជធានីភ្នំពេញ ៖ កាលពីព្រឹកថ្ងៃទី៣០ មីនា ២០១៥ នៅទីស្នាក់ការសមាគមគ្រឹះស្ថានឧត្តមសិក្សាកម្ពុជា មានទីតាំងនៅក្នុងបណ្ណាល័យសម្តេចអគ្គមហាសេនាបតីតេជោ ហ៊ុន សែន និងលោកជំទាវ ស្ថិតក្នុងបរិវេណវិទ្យាល័យបឹងត្របែក ក្រោមវត្តមាន លោកបណ្ឌិត ហេង វ៉ាន់ដា ប្រធានក្រុមប្រឹក្សាភិបាលសមាគមគ្រឹះស្ថានឧត្តមសិក្សាកម្ពុជាផង និងលោកបេង ស៊ីមេត មន្ត្រីជាន់ខ្ពស់ផ្នែកអប់រំមកពីធនាគារពិភពលោកទទួលបន្ទុកលើអនុវិស័យអប់រំឧត្តមសិក្សា បានអញ្ជើញមកផ្តល់កិត្តិយសសំណេះសំណាល និងធ្វើបទបង្ហាញស្តីពីកំណែទម្រង់វិស័យអប់រំឧត្តមសិក្សានៅកម្ពុជា ជូនដល់សមាជិកសមាគមសរុបចំនួន៦៧គ្រឹះស្ថានសិក្សា។
លោក លី ឆេង ប្រធានគណៈប្រតិបត្តិសមាគម បានថ្លែងថា នៅក្នុងឱកាសដ៏មមាញឹក និងមានតម្លៃ អញ្ជើញមកផ្តល់កិត្តិយសសំណេះសំណាល និងធ្វើបទបង្ហាញស្តីពីកំណែទម្រង់វិស័យអប់រំឧត្តមសិក្សានៅកម្ពុជាជូនដល់សមាជិកសមាគមទាំងអស់គ្នាបានស្តាប់ និងបង្កើនការយល់ដឹងជ្រួតជ្រាបកាន់តែច្បាស់បន្ថែមទៀត។
ក្នុងបទបង្ហាញស្តីពីកំណែទម្រង់វិស័យអប់រំឧត្តមសិក្សានៅកម្ពុជាលោក បេង ស៊ីមេត មន្ត្រីជាន់ខ្ពស់ផ្នែកអប់រំនៃធនាគារពិភពលោក បានលើកឡើងយ៉ាងច្បាស់លាស់ស្តីពីផែនការសកម្មភាពរយៈពេលខ្លីដែលត្រូវធ្វើជាបន្ទាន់ក្នុងឆ្នាំ២០១៥-២០១៦ ដោយយកសាកលវិទ្យាល័យភូមិន្ទភ្នំពេញមួយមកធ្វើការកែទម្រង់ឲ្យក្លាយជាសាកវិទ្យាល័យគំរូ។
លោកបន្តថា ក្នុងផែនការសកម្មភាពរយៈពេលមធ្យម២០១៦-២០១៨ នឹងនាំគ្រឹះស្ថានឧត្តមសិក្សា១០ទៀត ក្នុងនោះ៥មកពីគ្រឹះស្ថានឧត្តមសិក្សារដ្ឋ និង ៥ទៀតមកពីគ្រឹះស្ថានឧត្តមសិក្សាឯកជន៕
ចែករំលែកព័តមាននេះ