រាជធានីភ្នំពេញ ៖ ពេជ្រ ប៊ុនធឿន មកពីក្លិបខេត្តបាត់ដំបង ដែលបានបាត់មុខយូរ ត្រូវបានគេរៀបចំឱ្យជួបប្រកួតជាមួយតក់ សោភ័ណ្ឌ មកពីក្លិបអេ ភូថង កីទ្បានៅថ្ងៃអាទិត្យ ទី៤ មករា លើសង្វៀនទូរទស្សន៍ប៉ុស្តិ៍លេខ៣ ចំណែកសោម វិឆ័យ
រាជធានីភ្នំពេញ ៖ ពេជ្រ ប៊ុនធឿន មកពីក្លិបខេត្តបាត់ដំបង ដែលបានបាត់មុខយូរ ត្រូវបានគេរៀបចំឱ្យជួបប្រកួតជាមួយតក់ សោភ័ណ្ឌ មកពីក្លិបអេ ភូថង កីទ្បានៅថ្ងៃអាទិត្យ ទី៤ មករា លើសង្វៀនទូរទស្សន៍ប៉ុស្តិ៍លេខ៣ ចំណែកសោម វិឆ័យ មកពីក្លិបសាលវ័ន្តកីទ្បា ជួបប្រកួតជាមួយគង់ សំបូរ មកពីក្លិបបុរីរិទ្ធកីទ្បា ។
ពេជ្រ ប៊ុនធឿន ធ្លាប់បានសាងកេរ្តិ៍ឈ្មោះល្បីល្បាញនៅលើសង្វៀនក្នុងនាមជាជើងខ្លាំងមួយរូប ប៉ុន្តែពេលបាត់មុខយូរបែបនេះ មិនដឹងថាថ្វីដៃប្រកួតរបស់គេនៅល្អដូចមុនទៀត ឬអត់នោះទេ ។ ទោះបីជាយ៉ាងណា ការមកជួបប្រកួតជាមួយតក់ សោភ័ណ្ឌ ដែលគ្រាន់តែជាអ្នកប្រដាល់ជើងថ្មីម្នាក់នោះ ប្រហែលជាមិនពិបាកទប់ទល់ទេ ដោយសារអ្នកណាក៏ដឹងថា អ្នកប្រដាល់ជើងថ្មីរូបនេះមិនមានស្នៀតអីដែលពូកែនោះទ្បើយ ។
រឿងសោភ័ណ្ឌ ល្អបានតែស្នៀតកណ្តាប់ដៃនិងស្នៀតជើងប៉ុណ្ណោះ និងចូលចិត្តប្រើកម្លាំងជាងការប្រើល្បិច តែកម្លាំងរបស់គេយ៉ាងច្រើនបានត្រឹមតែ៣ទឹកប៉ុណ្ណោះ គឺទៅលែងរួចហើយ។ ដូច្នេះសម្រាប់ ពេជ្រ ប៊ុនធឿន បើអាចទប់ទល់បានត្រឹមទឹកទី៣ គឺអាចមានសង្ឃឹមឈ្នះច្រើន ។
សោម វិឆ័យ និងគង់ សំបូរ ទើបតែឈានជើងទ្បើងសង្វៀនប្រកួតមិនបានយូរប៉ុន្មានទ្បើយ ទើបមិនសូវមានអ្នកស្គាល់ពីប្រវត្តិប្រកួតច្បាស់លាស់ ។ លោក ទ្បុង សាលវ័ន្ត ដែលជាគ្រូបង្ហាត់នៅក្នុងក្លិបសាលវ័ន្តកីទ្បា មិនហ៊ានអះអាងថា សិស្សគុនរបស់លោកអាចតស៊ូប្រកួតជាមួយគង់ សំបូរ បានដល់កម្រិតណានោះទេ ឯគង់ សំបូរ វិញនោះអត់មានអ្នកណាចេញមុខមកអះអាងថា យ៉ាងណាដែរ ។
នៅលើសង្វៀនដដែល កីទ្បាករពុធ សុជាតិ មកពីក្លិបពុទ្ធសេរីវង្សកីទ្បា ត្រូវប្រកួតជាមួយកីទ្បាករ ញ៉ោ រិទ្ធ មកពីក្លិបអេភូថងកីទ្បា និងកីទ្បាករយាង សុខឃៀង មកពីក្លិបពន្លឺវិបុល ប្រកួតជាមួយកីទ្បាករមិន សាយ័ន្ត មកពីក្លិបតាព្រហ្មមានជ័យបង្ក្រាបគ្រឿងញៀន ៕
ចែករំលែកព័តមាននេះ