ខេត្តបាត់ដំបង ៖ កាលពីវេលាម៉ោង៧ព្រឹកថ្ងៃទី២៥ ធ្នូ ២០១៤ នេះ នៅចំកណ្តាលវាលស្រែលើដីទំនាស់ ដែលស្ថិតក្នុងភូមិសំណាងព្រះស្រី ឃុំបឹងប្រាំ
ខេត្តបាត់ដំបង ៖ កាលពីវេលាម៉ោង៧ព្រឹកថ្ងៃទី២៥ ធ្នូ ២០១៤ នេះ នៅចំកណ្តាលវាលស្រែលើដីទំនាស់ ដែលស្ថិតក្នុងភូមិសំណាងព្រះស្រី ឃុំបឹងប្រាំ ស្រុកបវេល ប្រជាពលរដ្ឋមួយចំនួនដែលមានបញ្ហាទំនាស់ដីធ្លី បាននាំគ្នាប្រារព្ធពិធីបុណ្យឆ្លងសាមគ្គី ដើម្បីបន់ស្រន់សុំម្ចាស់ទឹកម្ចាស់ដីជួយបន្ទន់ចិត្តដល់រាជរដ្ឋាភិបាល និងអាជ្ញាធរពាក់ព័ន្ធឱ្យជួយពន្លឿនដោះស្រាយទំនាស់ដីធ្លីនៅក្នុងឃុំត្រាំឱ្យបានឆាប់រហ័ស ។
ប្រភពបានឱ្យដឹងថា គេសង្កេតឃើញមានប្រជាពលរដ្ឋប្រមាណជិត១០០នាក់បានចូលរួម ក្នុងនោះមានប្រុស-ស្រី ក្មេង-ចាស់ ដោយមានរៀបចំនិមន្តព្រះសង្ឃឆាន់ និងអ្នកខ្លះទៀតបានលើកកាន់បដាពាក្យស្លោកផងដែរ ។ ទន្ទឹមនោះ គេឃើញសមត្ថកិច្ច២នាក់បានមកចូលរួម ដើម្បីការពារសុវត្ថិភាពជូនដល់ប្រជាពលរដ្ឋនៅទីនោះ ។
ប្រភពបន្តថា ខណៈប្រជាពលរដ្ឋកំពុងរៀបចំធ្វើពិធីនោះ ខាងកម្លាំងអាជ្ញាធរឃុំបានកោះហៅប្រជាពលរដ្ឋឱ្យចូលរួមប្រជុំនៅសាលាឃុំុំ និងមានពិធីចែកកង់ជូនប្រជាពលរដ្ឋផងដែរ ដោយគេមិនដឹងថា មានប្រជាពលរដ្ឋណាខ្លះនៅក្នុងពិធីបុណ្យ និងទៅចូលរួមប្រជុំនោះទេ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ