រាជធានីភ្នំពេញ ៖ក្រុមកម្មករកម្មការិនីជាច្រើននាក់បម្រើការងារនៅក្នុងរោងចក្រដែលមានយីហោខាំបូូខូថប បាននំាគ្នារុញច្រានទ្វាររបងរោងចក្រ ដើម្បីតវ៉ាទាមទារឲ្យថៅកែទទួលយកតំណាងពួកគេ៥នាក់ចូលធ្វើការវិញ ។
ចាប់តំាងពីព្រឹកថ្ងៃទី២៣ ធ្នូ ២០១៤មក ក្រុមកម្មករបានប្រមូលផ្តុំគ្នានៅមុខរោចក្រដែលមានទីតំាងស្ថិតនៅក្នុងភូមិកន្ទោកខាងជើង សង្កាត់កន្ទោក ខណ្ឌពោធិ៍សែនជ័យ និងបាននំាគ្នាលើកកង់ឡានជាច្រើនដុត បង្កឲ្យមានការភ្ញាក់ផ្អើលដល់ប្រជាពលរដ្ឋជិតខាងនិងធ្វើដំណើរតាមដងផ្លូវស្មានតែមានអគ្គិភ័យកើតឡើង ។
កាលពីថ្ងៃទី២២ធ្នូម្សិលមិញ កម្មកររោងចក្រខាំបូូខូថប ប្រហែលជាង៣០០នាក់ បានប្រមូលផ្តុំគ្នាធ្វើកូដកម្មបិទផ្លូវជាតិលេខ៤បង្កឱ្យមានការកកស្ទះចរាចរណ៍ជាង១ម៉ោង។ យ៉ាងណាក៍ដោយមកដល់ម៉ោង១១និង៣០នាទីថ្ងៃអង្គារនេះ មិនទាន់មានការប៉ះទង្គិចគ្នាណាមួយជាមួយកម្លំាងសមត្ថកិច្ចដែលត្រូវបានគេដាក់ពង្រាយនៅក្បែររោងចក្រនោះទេ ។
ព័ត៌មានលម្អឹតនឹងមានផ្សាយជូននៅលើសារព័ត៌មានកោះសន្តិភាព ៕
ចែករំលែកព័តមាននេះ