ខេត្តព្រះវិហារ ៖ កម្លាំងការិយាល័យកណ្តាលនគរបាលប្រឆាំងបទល្មើសនៃស្នងការដ្ឋាននគរបាលខេត្តព្រះវិហារសហការជាមួយកម្លាំងនគរបាលស្រុកគូលែនបានបើកការសើុបអង្គេត និងឈានទៅដល់ការបង្រ្កាបជនសង្ស័យប្រើប្រាស់ និង ជួញដូរគ្រឿងញៀន និងវត្ថុតាងម្ស៉ៅក្រាម ពណ៌សថ្លា ប្រភេទម៉ាទឹកកក ចំនួន៣កញ្ចប់តូច និង ទូរស័ព្ទដៃពីរគ្រឿង។ក្នុងប្រតិបត្តិការបានធ្វើឡើងកាលពីវេលាម៉ោង៤ និង៣៤នាទីរសៀល ថ្ងៃទី១៧ ធ្នូ ២០១៤ នៅក្នុងចំណុចភូមិស្រយ៉ង់ ឃុំស្រយ៉ង់ ស្រុកគូលេន ខេត្តព្រះវិហារ ។
នៅក្នុងការបង្រ្កាបមុខញ្ញាចែកចាយជួញដូរគ្រឿងញៀនដ៍សកម្មនេះកម្លាំងការិយាល័យកណ្តាលនគរបាលប្រឆាំងបទល្មើសនៃស្នងការដ្ឋាននគរបាលខេត្តសហការជាមួយកម្លាំងនគរបាលស្រុកគូលែន ដឹកនាំកម្លាំងជំនាញដោយលោកវរៈសេនីយ៍ឯក មាឃ សំអូន ស្នងការរងនិងជាប្រធានការិយាល័យកណ្តាល នគរបាលប្រឆាំងបទល្មើសបានធ្វើការឃាត់ខ្លួនជនសង្ស័យម្នាក់ ព្រមទាំងវត្ថុតាងថ្នាំញៀនប្រភេទម៉ាកទឹកកក ចំនួន៣កញ្ចប់តូច ទូរស័ព្ទដៃចំនួន២គ្រឿង រួមនិងសម្ភារមួយចំនួនទៀត ។
ជនសង្ស័យដែលកម្លាំងសមត្ថកិច្ចឃាត់ខ្លួនបានឈ្មោះ វិទ្ធី ពិសិដ្ឋ ភេទប្រុស អាយុ២៥ឆ្នាំ មុខរបរមិនពិតប្រកដ ។ បច្ចុប្បន្នជនសង្ស័យត្រូវបានសមត្ថកិច្ចបញ្ជូនទៅកាន់ស្រុកភ្នំគូលេន ដើម្នីសាកសួរតាមនិតិវិធី។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ