ប៉ាឡេស្ទីន កាលពីថ្ងៃទី៣០ តុលា បានសម្តែងការអបអរសាទរចំពោះការសម្រេចចិត្តរបស់ប្រទេសស៊ុយអែត ទទួលស្គាល់រដ្ឋប៉ាឡេស្ទីនឯករាជ្យមួយ ហើយអំពាវនាវដល់ប្រទេសដទៃៗទៀតឱ្យធ្វើបែបនេះដែរ ។
ប៉ាឡេស្ទីន កាលពីថ្ងៃទី៣០ តុលា បានសម្តែងការអបអរសាទរចំពោះការសម្រេចចិត្តរបស់ប្រទេសស៊ុយអែត ទទួលស្គាល់រដ្ឋប៉ាឡេស្ទីនឯករាជ្យមួយ ហើយអំពាវនាវដល់ប្រទេសដទៃៗទៀតឱ្យធ្វើបែបនេះដែរ ។
ទីភ្នាក់ងារព័ត៌មានជាតិប៉ាឡេស្ទីន Wafa ក៏រាយការណ៍ផងដែរថា ប្រធានាធិបតីប៉ាឡេស្ទីន លោកម៉ាមូដ អាប់បាស់ និងនាយករដ្ឋមន្ត្រីស៊ុយអែត លោក Stefan Lofven បានជួបពិភាក្សាគ្នាតាមទូរស័ព្ទ ។ លោក អាប់បាស់ មានប្រសាសន៍ថា លោកសូមវាយតម្លៃខ្ពស់ចំពោះជំហរប្រវត្តិសាស្ត្រនេះ ដែលស៊ុយអែតប្រកាន់យក ដោយលោកបន្តថា ជំហរបែបនេះនឹងជួយដល់ដំណើរការសន្តិភាពនៅមជ្ឈិមបូព៌ា ។
យោងតាម WAFA ថា លោក Lofven ប្រាប់ដល់លោកអាប់បាស់ថា ប្រទេសរបស់លោកប្រកាន់យកជំហរនេះ ដើម្បីជួយជំរុញការចរចាសន្តិភាពនៅមជ្ឈិមបូព៌៌ា ។
ប្រទេសស៊ុយអែតជាប្រទេសអឺរ៉ុបដំបូងគេ និងជាសមាជិកសហភាពអឺរ៉ុបដែលប្រកាសទទួលស្គាល់រដ្ឋប៉ាឡេស្ទីន ជាផ្លូវការ ។
រដ្ឋមន្ត្រីការបរទេសប៉ាឡេស្ទីន លោករីយ៉ាដ អាល់ម៉ាលីគី គូសបញ្ជាក់ក្នុងសេចក្តីប្រកាសផ្លូវការមួយថា គ្រប់ប្រទេសទាំងអស់លើពិភពលោក ពិសេសសហរដ្ឋអាមេរិក និងបណ្តាប្រទេសអឺរ៉ុប ត្រូវជំរុញការទទួលស្គាល់រដ្ឋប៉ាឡេស្ទីន ដោយលោកបន្តថាបែបនោះនឹងជួយសង្គ្រោះដល់ដំណើរការសន្តិភាពដែលត្រូវផ្អាក ដោយសារវិធានការបច្ចុប្បន្នទាំងឡាយរបស់អីុស្រាអែល ៕
ចែករំលែកព័តមាននេះ