ខេត្តពោធិ៍សាត់ ៖ ជនសង្ស័យ៣នាក់ត្រូវសមត្ថកិច្ចធ្វើការឃាត់ខ្លួន បន្ទាប់ពីពួកគេកាន់ពូថៅ កាំបិត និងដំបងដេញកាប់ម្ចាស់ម៉ូតូ តែត្រូវម្ចាស់ម៉ូតូចោលរត់គេចខ្លួន ស្រាប់តែពួកគេកាប់ម៉ូតូខូចខាតយ៉ាងដំណំ ។
ហេតុការណ៍នេះកើតឡើងកាលពីវេលាម៉ោង៨ និង៣០នាទីយប់ថ្ងៃទី១៧ មេសា ២០១៤ ស្ថិតក្នុងភូមិក្រាំងតាសែន សង្កាត់ព្រៃញីក្រុងពោធិ៍សាត់ ។
ប្រភពបានឱ្យដឹងថា ជនសង្ស័យទាំង៣នាក់ ១-ឈ្មោះហែម ឌីថា អាយុ៣០ឆ្នាំ ២-ឈ្មោះនី ម៉ៅ អាយុ២០ឆ្នាំ និង៣-ឈ្មោះដួង ចំរើនហៅប៉ោក អាយុ១៩ឆ្នាំ ទាំង៣នាក់ មានទីលំភូមិតាកុយ សង្កាត់បន្ទាយដី ក្រុងពោធិ៍សាត់ ត្រូវសមត្ថកិច្ចបញ្ជូនទៅតុលាការនៅថ្ងៃទី១៩ មេសា ២០១៤ ។
ប្រភពបានបន្តថា ការឃាត់ខ្លួននេះ គឺយោងតាមពាក្យបណ្ដឹងរបស់ឈ្មោះឃុត ផាត ភេទប្រុស អាយុ១៩ឆ្នាំ រស់នៅភូមិក្រាំងតាសែនដែលបានចោទប្រកាន់ថា កាលពីយប់ថ្ងៃទី១៧ មេសា ២០១៤ កន្លងមក គេបានជិះម៉ូតូម៉ាកហុងដាពីផ្ទះ ដើម្បីទៅមើលគេរាំធុងបាសនៅភូមិតាកុយ សង្កាត់បន្ទាយដី ។ ពេលជិះដល់មុខផ្ទះប្រជាពលរដ្ឋម្នាក់ឈ្មោះណែម ឡី ក្នុងភូមិក្រាំងតាសែន ស្រាប់តែជនទាំង៣នាក់ខាងលើស្ទាក់ឱ្យឈប់ ។ ដោយឃើញពួកគេមានកាន់កាំបិត ពូថៅ និងដំបងគ្រប់ដៃផងនោះ រូបគេក៏ផ្ដួលម៉ូតូចោលរួចហើយរត់គេចខ្លួនតែម្ដង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ