ស្បែករលោងភ្លឺថ្លាគឺជាប្រាថ្នាដែលមនុស្សភាគច្រើនចង់បាន ជាពិសេសស្ត្រី ។ យោងតាមអ្នកឯកទេសបញ្ជាក់ថា ពណ៌ស្បែកភ្លឺថ្លាគឺបញ្ជាក់ពីសុខភាពល្អ ។ ពិតណាស់ មានផលិតផលថែរក្សាស្បែកជាច្រើនដែលអ្នកអាចជ្រើសរើសបាន ក៏ប៉ុន្តែអ្វីដែលយើងចង់និយាយនៅពេលនេះគឺពណ៌ស្បែករលោងភ្លឺថ្លាដែលកើតចេញមកពីធម្មជាតិពោលគឺពុំមានការកែច្នៃដោយសារធាតុគីមីនោះទេ ។
ស្បែករលោងភ្លឺថ្លាគឺជាប្រាថ្នាដែលមនុស្សភាគច្រើនចង់បាន ជាពិសេសស្ត្រី ។ យោងតាមអ្នកឯកទេសបញ្ជាក់ថា ពណ៌ស្បែកភ្លឺថ្លាគឺបញ្ជាក់ពីសុខភាពល្អ ។ ពិតណាស់ មានផលិតផលថែរក្សាស្បែកជាច្រើនដែលអ្នកអាចជ្រើសរើសបាន ក៏ប៉ុន្តែអ្វីដែលយើងចង់និយាយនៅពេលនេះគឺពណ៌ស្បែករលោងភ្លឺថ្លាដែលកើតចេញមកពីធម្មជាតិពោលគឺពុំមានការកែច្នៃដោយសារធាតុគីមីនោះទេ ។ មានអាហារនិងផ្លែឈើមួយចំនួនដែលផ្តល់នូវអត្ថប្រយោជន៍ដល់ស្បែករបស់អ្នកដោយគ្រាន់តែទទួលទានជាប្រចាំប៉ុណ្ណោះ ។ ផ្លែឈើនិងអាហារទាំងនោះមានដូចជា ៖
១- ផ្លែប៊័រ ៖
មានសាច់ទន់ដូចជាក្រែម ប៊័រសម្បូរយ៉ាងច្រើនក្រាស់ក្រៃនូវសារធាតុប្រេង និងវីតាមីន B-complexដែលសារធាតុទាំងនេះអាចចិញ្ចឹមស្បែករបស់អ្នក ។ Niacin ឬវីតាមីន B3 ដែលសំខាន់ ជាពិសេសសម្រាប់ធ្វើឱ្យស្បែកមានសុខភាពល្អ (ប្រឆាំងការរលាក បន្ថយការរមាស់ និងជាំក្រហមនៅលើស្បែក) ក៏មានច្រើននៅក្នុងផ្លែប៊័រផងដែរ ។ ក្នុងប៊័រមួយផ្លែ មានសារធាតុ Niacin ៣.៨mg គឺ២៧% នៃតម្រូវការប្រចាំថ្ងៃរបស់មនុស្សម្នាក់ ។
២- ផ្លែស្វាយ ៖
ផ្លែស្វាយផ្ទុកវីតាមីន A ដែលជាតម្រូវការប្រចាំថ្ងៃរបស់មនុស្សជាង ៨០% ។ វីតាមីន A មាននាទីរក្សានិងជួសជុលកោសិកាស្បែក ។ នេះមានន័យថា កង្វះខាតវីតាមីន A អាចនឹងធ្វើឱ្យស្បែកស្ងួត និងរបក ។ ក្នុងនាមជាសមាសធាតុប្រឆាំងអុកស៊ីដកម្មមួយ វីតាមីន A ក៏អាចប្រឆាំងទៅនឹងការបំផ្លាញពីរ៉ាឌីកាល់សេរី (ដែលនាំឱ្យស្បែកចាស់ទៅតាមអាយុ) បានផងដែរ ។
៣- ផ្លែអាល់ម៉ុន (Almonds) ៖
ក្រៅពីល្អសម្រាប់ភ្នែក ផ្លែឈើប្រភេទនេះនៅផ្តល់អត្ថប្រយោជន៍ដល់ស្បែកផងដែរ ដ្បិតវាសម្បូរយ៉ាងក្រាស់ក្រៃដោយវីតាមីន E ។
៤- ហ្វ្រូម៉ាកក (Cottage Cheese) ៖
ផលិតផលធ្វើពីទឹកដោះគោពិតជាល្អសម្រាប់ឆ្អឹងនិងស្បែកមុខ ប៉ុន្តែនៅក្នុងហ្វ្រូម៉ាកកវិញ វាគឺជា selenium មិនមែនជាកាល់ស្យូមនោះទេ ។ Selenium គឺជារ៉ែសំខាន់មួយ ។ ពេលរួមគ្នាជាមួយវីតាមីន E វាបង្កើតបានជាសមាសធាតុប្រឆាំងអុកស៊ីដកម្មដែលមានសមត្ថភាពខ្លាំងក្លាបំផុតតតាំងនឹងរ៉ាឌីកាល់សេរី ។ បន្ថែមពីលើនេះ វានឹងជួយការពារមហារីកស្បែក និងអង្គែ ។
៥- ផ្លែឈៀរី៖
ផ្លែឈៀរី ជាពិសេសឈៀរីដែលដាំនៅឥណ្ឌា ឬទ្វីបអាមេរិក សម្បូរដោយវីតាមីន C ។ វីតាមីន C ជាសមាសធាតុប្រឆាំងអុកស៊ីដកម្មការពារស្បែកមិនឱ្យជ្រីវជ្រួញ ៕
ចែករំលែកព័តមាននេះ