រាជធានីភ្នំពេញ ៖ ក្រសួងយុត្តិធម៌បានគូសបញ្ជាក់ថា ស្ថាប័នតុលាការអយ្យការ និងសមត្ថកិច្ច ត្រូវតែអនុវត្តច្បាប់ឲ្យម៉ឺងម៉ាត់ចំពោះករណីក្មេងទំនើង ដោយគ្មានការលើកលែងនោះទេ ហើយអំពាវនាវដល់ប្រជាពលរដ្ឋ សូមជួយរាយការណ៍ដល់សមត្ថកិច្ចនៅពេលឃើញមានករណីក្មេងទំនើងកើតឡើង។ ថ្លែងក្នុងសន្និសីទសារព័ត៌មាននារសៀល…
រាជធានីភ្នំពេញ ៖ ក្រសួងយុត្តិធម៌បានគូសបញ្ជាក់ថា ស្ថាប័នតុលាការអយ្យការ និងសមត្ថកិច្ច ត្រូវតែអនុវត្តច្បាប់ឲ្យម៉ឺងម៉ាត់ចំពោះករណីក្មេងទំនើង ដោយគ្មានការលើកលែងនោះទេ ហើយអំពាវនាវដល់ប្រជាពលរដ្ឋ សូមជួយរាយការណ៍ដល់សមត្ថកិច្ចនៅពេលឃើញមានករណីក្មេងទំនើងកើតឡើង។
ថ្លែងក្នុងសន្និសីទសារព័ត៌មាននារសៀល ថ្ងៃទី២៥ ខែធ្នូឆ្នាំ២០២៤ នៅទីស្តីការក្រសួងយុត្តិធម៌ ឯកឧត្តមជិន ម៉ាលីន រដ្ឋលេខាធិការ និងជាអ្នកនាំពាក្យក្រសួងយុត្តិធម៌បានលើកឡើងថា កាលពីថ្មីៗនេះ មានករណីកើតឡើងដោយហិង្សាដោយសាហាវមួយ នៅថ្ងៃទី២២ ខែធ្នូឆ្នាំ២០ ២៤នៅវេលាម៉ោង២ទាភ្លឺ ស្ថិតនៅក្នុងភូមិរហែក ឃុំសូភី ស្រុកបាទី ខេត្តតាកែវ ដោយប្រព្រឹត្តិដោយក្មេងទំនើងមួយក្រុមយកកាំបិតផ្គាក់កាប់លើជនរងគ្រោះបណ្តាលឲ្យមានរបួសធ្ងន់ ស្រាលចំនួន២
នាក់ ។
បច្ចុប្បន្ននេះ សមត្ថកិច្ចបានចាប់ខ្លួនសង្ស័យចំនួន៣នាក់ និងកំពុងតាមចាប់ខ្លួនជនដៃដល់ផ្សេងទៀតដែលមានគ្នាសរុប១១នាក់។ ឯកឧត្តមបានលើកឡើងថា ដោយសារតែឃើញហេតុការដ៏សាហាវនេះទើបធ្វើឲ្យក្រសួងយុត្តិធម៌ធ្វើសន្និសីទសារព័ត៌មាន ដើម្បីបំភ្លឺដល់ជនរួមជាតិអំពីចំណាត់ការផ្លូវច្បាប់ដែលដាក់ចេញដោយសម្តេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងជាចំណាត់ការរបស់ក្រសួងយុត្តិធម៌។
ឯកឧត្តមជិន ម៉ាលីន បានបន្តថា ផ្អែកតាមការណែនាំរបស់សម្តេចបវរធិបតី ហ៊ុន ម៉ាណែត ក្រសួងយុត្តិធម៌ បានធ្វើការប្រជុំជាមួយប្រធានតុលាការ អយ្យការនៅទូទាំងប្រទេស និងបានណែនាំឲ្យប្រធានតុលាការ និងអយ្យការអមសាលាដំបូងទាំងអស់ ប្រកាន់យកជំហរឲ្យម៉ឺងម៉ាត់ ក្នុងការអនុវត្តច្បាប់ចំពោះក្មេងទំនើង។
ឯកឧត្តមក៏បានឲ្យដឹងនៅក្នុងសន្និបាតរបស់ក្រសួងយុត្តិធម៌ ឯកឧត្តមរដ្ឋមន្ត្រីក្រសួងយុត្តិធម៌បានឲ្យតុលាការ និងអយ្យការត្រូវយកចិត្តទុកដាក់ចំនួន៤ចំណុច៖ ១. ធ្វើសំរង់បញ្ជីពាក់ ព័ន្ធនឹងក្មេងទំនើង ដោយចាប់ពីខែមករាឆ្នាំ២០២៤ ទាំងក្នុងតំណាងកាលតុលាការ អយ្យការ និងតំណាក់កាលជំរុំជម្រះរួច ។
នៅក្នុងសំណុំរឿងដែលកាត់ក្តីហើយត្រូវ បញ្ជាក់អំពីទោស ដែលបានប្រកាស។២. ណែនាំនិងជំរុញអំពីការអនុវត្តច្បាប់ឲ្យម៉ឺងម៉ាត់ និងគ្មានការលើ កលែង។ ៣.ព្រះរាជអាជ្ញា ដែលមានភារៈកិច្ចជាសេនាធិការ ត្រូវចាត់ទុកជា ផ្នែកមួយក្នុងការដឹកនាំនយោបាយព្រហ្មទណ្ឌចំពោះក្មេងទំនើង ហើយត្រូវប ង្កើនការយក ចិត្តទុកដាក់។ ៤. ស្ថាប័នអយ្យការ តុលាការ ត្រូវធ្វើការ សេចក្តីប្រកាស ចំពោះចំណាត់ ការរបស់ខ្លួន លើក្មេងទំនើងក្រោមដែន សមត្ថ កិច្ចរបស់ខ្លួន ហើយធ្វើការផ្សព្វផ្សាយ តាមប្រ ព័ន្ធផ្សព្វផ្សាយឲ្យបានទូលំទូលាយ។
ឯកឧត្តម ជិន ម៉ាលីន បានឲ្យដឹងចំពោះការអនុវត្តបទបញ្ជារបស់សម្តេចបវរធិបតី នាយករដ្ឋម ន្ត្រីនិងចំណាត់ការរបស់ក្រសួងយុត្តិធម៌សំណុំក្មេងទំនើងនៅទូទាំងប្រទេសមក ដល់ពេលនេះ ២១១៥សំណុំរឿង និងបានឃុំខ្លួនជនដៃដល់ និងអ្នកពាក់ព័ន្ធ មួយចំនួនទៀតចំនួន២៨៤៩រូប ។
ឯកឧត្តមបានបន្ថែមថាចំពោះករណីក្មេងទំនើងនេះត្រូវបានតុលាការធ្វើការចោទប្រកាន់ពីបទល្មើស និងផ្តន់ន្ទាទោសពីបទធ្វើឲ្យ ខូចខាតដោយចេតនា, ធ្វើឲ្យខូចខាតដោយចេត នាមានស្ថា នទំនង់ទោស ,ហិង្សាដោយចេតនា , ហិង្សាដោយចេតនា ដោយមានស្ថានទំនង់ទោស ,កាន់ កាប់អាវុធដោយគ្មាការអនុញ្ញាតជាដើម។
បើតាមឯកឧត្តម ជិន ម៉ាលីបានអះអាងថាបើតាមការពិនិត្យចំពោះបទល្មើសរបស់ក្មេងទំនើង ភាគីច្រើនកើតចេញពីការសេពគប់មិត្តខុស ដើរលេង ស៊ីផឹកពេលយប់ គំនុំគំកួន ទំនាស់ស្នេហា និងការប្រើប្រាស់គ្រឿង ញៀនជាដើម។
យ៉ាងណាក្តី ឯកឧត្តមជិន ម៉ាលីន បានលើកឡើងថា បន្ទាប់ពីអនុវត្តពីចំណាត់ការរបស់សម្តេចបវរធិបតី ហ៊ុន ម៉ាណែត មក ករណីក្មេងទំនើងមានការថយចុះ ដោយនៅខេត្តដំបូងមានសំណុំរឿងចំនួន៦២៧សំណុំរឿងហើយនៅរយៈពេលចុងក្រោយមកដល់ពេលនេះមានតែជំនួន៣៤២សំណុំរឿង ប៉ុន្តែក្នុងរយៈពេលថ្មីៗនេះហាក់ដូចមានការ កើនឡើងវិញ ដូចជានៅខេត្តតាកែវ ប៉ុន្មានថ្ងៃមុនជាដើម។
ឯកឧត្តមបញ្ជាក់ថា «ការងារក្មេងទំនើងនេះត្រូវបានយកចិត្តទុកដាក់ពិសេសនោះសម្តេចប វរធិបតី បានប្រកាសដាក់ចេញបទបញ្ជាយ៉ាងម៉ឹងម៉ាត់ដល់ស្ថាប័នតុលាការ ស្ថាប័នអយ្យកា រត្រូវតែធ្វើការអនុវត្តឲ្យម៉ឺងម៉ាត់ ដោយគ្មានការលើកលែង។ ការធ្វើបែបនេះ ដើម្បីថែរក្សានូវ សណ្តាប់ធ្នាប់សាធារណៈ និងសេចក្តីសុខសាន្តរបស់ប្រជាពលរដ្ឋ»៕
ចែករំលែកព័តមាននេះ