ខេត្តស្វាយរៀង ៖ សមត្ថកិច្ចចុះបង្ក្រាបក្រុមជនឧក្រិដ្ឋជួញដូរគ្រឿងញៀនចំនួន១០នាក់ (ស្រីម្នាក់)ក្នុងនោះ ជនជាតិខ្មែរ០២នាក់, ជនជាតិចិនម្នាក់ និងជនជាតិវៀតណាម០៧នាក់ ដកហូតវត្ថុតាងគ្រឿងញៀងជាង០៥គីឡូក្រាម, អាវុធខ្លី០៦ដើម, អាវុធវែងប្រភេទAKស្វាយបត់០១ដើម,…
ខេត្តស្វាយរៀង ៖ សមត្ថកិច្ចចុះបង្ក្រាបក្រុមជនឧក្រិដ្ឋជួញដូរគ្រឿងញៀនចំនួន១០នាក់ (ស្រីម្នាក់)ក្នុងនោះ ជនជាតិខ្មែរ០២នាក់, ជនជាតិចិនម្នាក់ និងជនជាតិវៀតណាម០៧នាក់ ដកហូតវត្ថុតាងគ្រឿងញៀងជាង០៥គីឡូក្រាម, អាវុធខ្លី០៦ដើម, អាវុធវែងប្រភេទAKស្វាយបត់០១ដើម, គ្រាប់៧១គ្រាប់ រួមជាមួយឧបករណ៍ សម្ភារមួយចំនួនទៀត ដែលជាប់ទាក់ទិនក្នុងករណីជួញដូរ រក្សាទុក ប្រើប្រាស់ដោយខុសច្បាប់នូវសារធាតុញៀន និងកាន់កាប់រក្សាទុកអាវុធគ្រាប់រំសេវដោយខុសច្បាប់ ត្រូវបានកម្លាំងជំនាញផែនការងារប្រឆាំងគ្រឿងញៀន បញ្ជូនទៅកាន់អយ្យការអមសាលាដំបូងខេត្ត ដើម្បីចាត់ការតាមច្បាប់។
បើតាមមន្ត្រីនគបាលការិយាល័យប្រឆាំងគ្រឿងញៀននៃស្នងការដ្ឋាននគបាលខេត្តបានឱ្យដឹងនៅថ្ងៃទី២៤ ធ្នូ ថា ករណីជួញដូរដឹកជញ្ជូន រក្សាទុកដោយខុសច្បាប់នូវសារធាតុញៀន និងជួញដូរ
អាវុធគ្រាប់រំសេវដោយខុសច្បាប់នេះ សមត្ថកិច្ចយើងបានបញ្ជូនទៅសាលាដំបូងខេត្តស្វាយរៀងរួចរាល់ហើយ។
ប្រភពបន្តថា កាលពីថ្ងៃទី១៧ខែធ្នូ ឆ្នាំ២០២៤ នៅវេលាម៉ោង០៤និង៥០នាទីរសៀល កម្លាំងផែនការិយាល័យប្រឆាំងគ្រឿងញៀននៃស្នងការដ្ឋាននគបាលខេត្ត បានសហការជាមួយកម្លាំអធិការដ្ឋាននគបាលក្រុងបាវិត ចុះបង្ក្រាបករណីជួញដូររក្សាទុកដឹកជញ្ជូនគ្រឿងញៀនឆ្លងដែននិងប្រើប្រាស់គ្រឿងញៀនដោយខុសច្បាប់ និងកាន់អាវុធគ្រាប់រំសេវដោយគ្មានការអនុញ្ញាតត្រូវសមត្ថកិច្ចធ្វើការឃាត់ខ្លួនបានជាបន្តបន្ទាប់។
ប្រភពបន្តថា ការចុះបង្ក្រាបនេះ ទី១-នៅចំណុចផ្លូវបេតុង ស្ថិតនៅភូមិបាវិតកណ្តាល ទី២-នៅបន្ទប់លេខ៥៥-១២១ ជាន់ផ្ទាល់ដី អាគារ៥ ក្នុងបរវេណកាស៊ីណូញូវើល ទី៣-នៅបន្ទប់ជួលលេខA- 2និងបន្ទប់ផ្ទះល្វែងផ្លូវកំពង់ស្ពាន ស្ថិតនៅភូមិបាវិតកណ្តាលសង្កាត់បាវិតក្រុងបាវិត។ ចាប់ឃាត់ខ្លួនជនសង្ស័យចំនួន១០នាក់។ ១-ឈ្មោះង្វៀងឌឿកហាន់(NGUYENDUCHANG) ភេទប្រុស ជនជាតិវៀតណាម ។ ២-ឈ្មោះឡាក់ យីសឹង (LUCK YISHENG) ភេទប្រុស ជនជាតិវៀតណាម ។ ៣-ឈ្មោះ ប៊ួយងុកលិញ (BUINGOCLINH) ភេទប្រុស ជនជាតិវៀតណាម។ ៤-ឈ្មោះ ខ្វាងវ៉ានទូ (HOANG VAN TU) ភេទប្រុស ជនជាតិវៀតណាម ។
៥-ឈ្មោះលេីវ ចៀនហ្វូ (LIUJIANFU)ភេទប្រុសជនជាតិចិន ។ ៦-ឈ្មោះប៊ឿយហ្វឿងធី(BUI PHUONG THUY) ភេទស្រីជនជាតិវៀតណាម ថ្ងៃខែឆ្នាំកំណើត ៖០៤-៨-១៩៨៨ កាន់លិខិតឆ្លងដែនលេខ C5428576។ ៧-ឈ្មោះកែវសុធី (KEO SOTHI) ភេទប្រុសជនជាតិខ្មែរ ថ្ងៃខែឆ្នាំកំណើត៖២០០០។ ៨- ឈ្មោះហៀករំម៉ាលី(HEIK RUMMALI)ភេទប្រុសជនជាតិខ្មែរ ថ្ងៃខែឆ្នាំកំណើត៖២០០២។ ៩-ឈ្មោះង្វៀងទឹងសាង (NGUYEN THEUNG SANG)ភេទប្រុសជនជាតិវៀតណាមថ្ងៃខែឆ្នាំកំណើត៖២៧.៧.១៩៩៧ អត្តសញ្ញាណបណ្ណ័លេខ 072097003521។ ១០-ឈ្មោះង្វៀងម៉ាន់កឿង (NGUYEN MANH CUONG)ភេទប្រុសជនជាតិវៀតណាមថ្ងៃខែឆ្នាំកំណើត៖០៨.១១.២០០២ អត្តសញ្ញាណបណ្ណ័លេខ 024202000990។
-រឹបអូសវត្ថុតាងគ្រឿងញៀនរួមមាន៖មេតាំហ្វេតាមីន (ICE) ទម្ងន់ = ៣៩៥.១៤ក្រាម)
-អ៊ិចស្តាសុី(ESTASY)ទម្ងន់=២,២៧៣.២៣ក្រាម
-ច្កតាមីន (KETAMINE) ទម្ងន់ =២,៥៧៣.១៦ក្រាម
-កញ្ឆាក្រៀមទម្ងន់=១៣៦.៩៥ ក្រាម
-សារធាតុញៀនសរុបទម្ងន់ ៥,៣៧៨.៤៨ក្រាម (៥គីឡូ៣៧៨,៤៨ក្រាម)
-រថយន្តចំនួន០៤គ្រឿង ទូរស័ព្ទចំនួន១៦គ្រឿង -ជញ្ជីងថ្លឹង០៤គ្រឿង
-អាវុអខ្លី០៦ដើម បង់០៥ គ្រាប់៤៤គ្រាប់ អាវុធ វែង(ប្រភេទAK47ស្វាយបត់)០១ដើមបង់០១ គ្រាប់២៧គ្រាប់។ លិខិតឆ្លងដែនចំនួន០៥ច្បាប់ -កាតធនាគារ ១០សន្លឹក -អត្តសញ្ញាណបណ្ណ័ ០៤សន្លឹក-ម៉ាស៊ីនអ៊ុតថង់០១គ្រឿង-ស្ព្រាយពុលដបតូច០៦ដប -ស្ព្រាយពុលដបធំ០៥ដប -កាំបិត០៥ដើម-IPad ០១គ្រឿង ។
ក្រោយពីមន្ត្រីជំនាញសាកសួររួចបានកសាងសំណុំរឿងបញ្ជូនជនសង្ស័យ រួមទាំងវត្ថុតាងទៅអយ្យការអមសាលាដំបូងខេត្តស្វាយរៀង ចាត់ការតាមនីតិវិធី៕
ចែករំលែកព័តមាននេះ