រាជធានីភ្នំពេញ ៖ លោគ ឃួង ស្រេង អភិបាល នៃគណៈអភិបាលរាជធានីភ្នំពេញ និងជាអនុប្រធានអចិន្ត្រៃយ៏សមាគមអន្តរជាតិអភិបាលក្រុងប្រើប្រាស់ភាសាបារាំង (AIMF) បានដឹកនាំគណៈប្រតិភូសាលារាជធានីភ្នំពេញ…
រាជធានីភ្នំពេញ ៖ លោគ ឃួង ស្រេង អភិបាល នៃគណៈអភិបាលរាជធានីភ្នំពេញ និងជាអនុប្រធានអចិន្ត្រៃយ៏សមាគមអន្តរជាតិអភិបាលក្រុងប្រើប្រាស់ភាសាបារាំង (AIMF) បានដឹកនាំគណៈប្រតិភូសាលារាជធានីភ្នំពេញ ចាកចេញពីរាជធានីភ្នំពេញ នាល្ងាចថ្ងៃទី៣០កញ្ញា ឆ្នាំ២០២៤ ដើម្បីចូលរួមកិច្ចប្រជុំពេញអង្គ នៃសមាជិកការិយាល័យអចិន្ត្រៃយ៏ លើកទី១០២ នៃសមាគមអន្តរជាតិ អភិបាលក្រុង ប្រើប្រាស់ភាសាបារាំង(AIMF) នៅទីក្រុងប៉ារីស ប្រទេសបារាំង ។
លោក ឃួង ស្រេង អភិបាលរាជធានីភ្នំពេញ នឹងអញ្ជើញចូលរួមកិច្ចប្រជុំការិយាល័យអចិន្ត្រៃយ៏ លើកទី១០២ របស់ (AIMF) ក្រោមមតិស្វាគមរបស់លោកជំទាវ Anne HIDALGO អភិបាលក្រុងប៉ារីស និងជាប្រធានសមាគម AIMF ។
នៅថ្ងៃទី៤ ខែតុលា លោកអភិបាលរាជធានីភ្នំពេញ នឹងអញ្ជើញចូលរួមកិច្ចប្រជុំកំពូលហ្វ្រង់កូហ្វូនី នៅទីក្រុង Villers.Cotterets ។ នាឱកាសនោះ ក៏មានសន្ទរកថា ស្វាគមន៏ ដោយប្រធានាធិបតីសាធារណៈរដ្ឋបារាំង, ប្រធានាធិបតីសាធារណៈរដ្ឋទុយនេស៊ី និងអគ្គលេខាធិការហ្វ្រង់កូហ្វូនី ផងដែរ ។ នាឱកាសនោះ ក៏មានរៀបចំពិធីប្រគល់សិទ្ធជាម្ចាស់ផ្ទះ នៃកិច្ចប្រជុំកំពូលហ្វ្រង់កូហ្វូនីពីសាធារណៈរដ្ឋទុយនេស៊ី ទៅសាធារណៈរដ្ឋបារាំង។កម្មវិធីបន្ត គឺនិយាយពីបញ្ហាប្រឈម នៃប្រជាពលរដ្ឋហ្វ្រង់កូហ្វូនី ទៅកាន់យុគ្គសម័យបច្ចេកវិទ្យា, ពត៌មានពិត, ពត៌មានមិនពិត, ការសម្របសម្រួល, ពហុភាសា និងបញ្ញាសិប្បនិមិ្មត ផងដែរ ៕
ចែករំលែកព័តមាននេះ